يسجد ترى البريطانيين قشران ، ما تشوفيهم إذا حضروا مباراة لأحد أنديتهم في الخارج يقلبون الدولة اللي يزوروها فوق تحت . بعدين ترى اوروبا ما تصلح لك ، تعرفين كل يوم ورا الثاني تطلع لنا دولة تمنع النقاب ، وماتسوى عليك لو محطوك مخالفة برقع ولا نقاب ، بتروح كل مصاريفك على تسديد المخالفات . الشيء الثاني انتي تقولين انك ما تحبين المطبخ ، وش بتسوين ؟ ترى ما ينفع توست لوزين بالجبن ولا صامولي بالفول السوداني ، كل نهارك بتتمشين ، يعني يبيلك على الأقل اربع وجبات دسمه ، ولو قررتي تاكلين من مطاعهم يمكن يخالطها لحم خنزير . انصحك تذكرين الله ومن بكره ولمدة ثلاث اسابيع تدخلين المطبخ الساعة 10 الصبح ما تطلعين منه الا 10 بالليل حتى اذا قررتي تسافرين تاخذين معك العزبه كامله وتطبخين . وبالنسبة للبس ، اول ثلاث أيام قزريها بعباية كحليه وسيعة مثل المصريات ، ما يدرون انتي جايه ولا رايحه ، ونظارات شمسيّة ( موضة السبعينات ) تغطي كل وجهك وبعدها بيفرجها ربك .
اقتباس:
المشاركة الأصلية كتبت بواسطة ملفت الأنظــار
مع العلم اني حجزت التذاكر بشكل متأخر وطلعت غاليه لأن كل ماسويتي الحجوزات بدري بتلاقيت اسعار اقل ..
معلومة مهمة جدا ً يُشكر عليها ملفت الأنظار ، كل ما كان الحجز مُبكر ، كل ما كان أرخص .
المهم اسمعي الكلام اللي يجمد على السكسوكه << بعد ما حطوها الشباب وحلقوا الشارب
بعطيك رابط موقع ، ورقم تلفون
تدخلين على الرابط ، وتشوفين الفنادق اللي بتعجبك وتسجليها بورقه ، ثم تتصلين على الرقم وتطلبين واحد يتكلم " عربوو " ، واذا قال مافيه احد الحين ، عطيهم رقمك وهم يتصلون عليك . اذا اتصلوا عليك قولي لهم ابي الفندق الفلاني لمدة كذا يوم والفندق الفلاني لمدة كذا يوم ، وتحددين التاريخ ، لازم يكون معك حاجتين أثناء الحجز ، الأولى بطاقة فيزا حتى لو كانت فاضيه ، اهم شي تعطينهم رقمها واذا وصلتي تدفعين التكاليف ــ كاش ــ . الشيء الثاني يكون معك جوازك وجواز اللي بيسافر ( أو صورة من كل جواز ) لأن عند الحجوزات الدوليّة يطلب منكم الأسماء مثل ماهي موجودة بالجواز " بالإنجليزي " .
الطيران ، ترى الخطوط السعودية حلوه لأن مافيه محطة إنتظار ، على طول لماليزيا ، وفرصه حلوه لو حصلتي عندهم عروض ، واذا تبين طيران مسكت شوفي القطرية ، واذا طيران حلو وسعرهم مناسب شوفي الإماراتية بس ترى في ساعة او ساعتين إنتظار في مطار ابو ظبي او دبي قبل ما تكملون المشوار .
بالنسبة للبرنامج اليومي مثل ما قالوا لك فوق شوفي المسافرون العرب وسجلي اسماء المطاعم والمنتزهات العامة ـ بس عندهم ديرة اسمها " بينانج " لا تجينها . ركزي على العاصمة كوالالمبور ولنكاوي Langkawi
والنصيحة الأهم لا تنسين تاخذين معك بنادول أكسترا ، لأن راسك بيصدع من الطائرة .
السلام عليكم ورحمت الله وبركاته انا من طلبت ماليزيا وماليزيا دوله معروفه بسياحه ورخيصه مره بس لو تفتك من العرب انت بخير وبعين فيه جزر كويسه وماطن سيااااحيه روعه وبنسبه لسكن فندق التماسكوير بقرب شارع العرب انا كل ويك اجر فيه يعني من زباينهم وبنسبه للمصاريف 10000تكفي وتوفي يعني تقعد فيها15يوم وحبيت انبه الي يجي ماليزيا ينتبه من التكاااسي وخصتن الهنود وبنسبه للي مامعه لغه ماعليه خوف لان اكثر الفنادق والمطاعم عرب بس لازم ينصبون عليك والله يوفق الجميع والي يبي اي استفسار انا حااااضر وبالخدمه