تسواهن ,,,,,,السالفه طيبه بالحيل ,,,,,,وبصراحه خلتني افتخر بافعال اهلنااللي كسبنا منهم الطيب والمرجله ,,,,,,,,وفي ملاحظه انا سمعت مثل سالفه الخيل مع البريعصي سمعتها عن احد الشيوخ من التمياط ما ادري اذا عندك خبرعنها تفيديني ويعطيك الف عافيه ويخليلك جدتك اخــــوكي ياســـــر
القصه اللي ذكرتي سمعت عنها ولكن بختلاف شبه كبير ..............
حصان إبليس أو حصيّن إبليس هو مطلق بن مسعود السور من البراعصه من علوى من مطير
والإختبار اللي بالقصه عن الصيحه سمعته ولكن كان عند عبدالعزيز بن متعب إبن رشيد ( الجنازه )
وكان الإختبار للفارس صنهات بن حريش الميموني من بني عبدالله من مطير
حيث كان مشهور إبن حريش بهذه الصيحه وعندما جاء عند إبن رشيد قاله إبن رشيد أنت الأحيرش ؟ قال نعم
قال يقولون إذا صحت الحايل تطيح واللي في بطنها (فلو) تمرجه .... قال إبن حريش : صحيح ..... قال إبن رشيد : كانه صحيح والله لتجي ظالم وتروح سالم وكانه ما هو صحيح والله ما تشوف أهلك غير ما شفتهم ( المقصود يقتل ) .....
قال إبن حريش : ورني الخيل طال عمرك علشان أتخير فرسي وعقب أيام أوريك اللي يذكر بي وتراي أبيها تصير تقل بغاره ما أبيها مفليه ...... قال إبن رشيد لك ما تبي ....
وقام إبن حريش يختبر الخيل بضغط كوعه على غارب الخيل ولم تثبت من الخيل إلا حصان أخذه ليركبه حتى لا يطيح به عندما يصيح وهو بين الخيل ......
وبعد خمسة أيام أبدى إبن حريش إستعداده للإختبار ... ويوم صار وسط الخيل وهو يصيح ... ويوم صار والحايل تطيح واللي في بطنها فلو تمرجه ..... ويصيح إبن رشيد : يالأحيرش .... الله وأمانه إنه صحيح الله وأمانه أنه صحيح
ويقال إن إبن حريش عندما تقدم به العمر غاروا عتيبه على إبله وأخذوها وعلم بذلك فطلب من بنته أن تربط جفونه المتهدله على عيونه وتركبه على الفرس ففعلت .... ولحق الإبل وعندما شاف الخيل صاح ويوم صاح قال إبن حميد ( الخيل وش جاها ) فرد عليه أحدهم وقال الخيل من صيحة العود المتقلد الجفر الأبيض ( والمقصود بالجفر لحية إبن حريش ) فرجع إبن حميد وقال له : والله لو ندري إنك حي يا أبن حريش إنا مانجيهن ......................
هذا ما لدي ..............
مضيفا ً إن الذي قتل جديع إبن هذال هو مطلق بن مسعود السور ( حصان إبليس )
هذا حتسيك لانك ما شفته يا خلف جدي 
[/align][/glow1]
العرض العادي
