يا طول ليلي ما سرى والصبح عيا لا يبان

[صدى ضامي]

.



يا طول لـيـلي ما سـرى والصـبـح عيا لا يبان

............................... والنوم عيا لا يجي والعين تشكي ما تريد

الدمـع سايل والنـظر يشـفق على هاك المـكان

.............................. اللي جمعنا يا عديل الروح ذاك اليوم عيد

رغم الظروف اللي كستني فالزمن ساكت عشان

.............................. ما تنزعج ما تنجرح وامشي على رايٍ سديد

والحين في وصـلـك ( تشح ) وكل شيٍ فالزمان

........................... اصبح مثل طبعك ، وقلبك قاسيٍ مثل الحديد

اقـرب وتـبعـد والـعذر يا صاحبي فات الاوان

........................ وتقول لي خلك طبيعي ، وانت فالصده تزيد !!

حـرام مـا كـنـك بـحـظـنـي ذايـبٍ ، اول وكـان

...................... لا غبت عنك ساعةٍ قلت انت (وينك يا البعيد)

يا صاحـبـي لــيتــك بـعـد ما رحت تقرا هالبـيان

........................ وتعرف مدا موج الجفا لا لاطمه موج القصيد

خابت ظنون اللي على درب الهوى يعطي ضمان

.......................... وذاب الوفا في دربنا والشوق يطويه الجليد

مـقـرود قلـبي ما لــقى غـيـر العنا ويـن الحـنان

......................... يبست عروقه وانكوى بالهم والحزن الشديد


اخوكم الشاعر / عبدالله سعيد الشمري ( صدى ضامي )