ترى الامومه مهي بس الرضاعه
ياصار ما همك الاول لهـا هـم
الحبل سيان وصلـه وإنقطاعـه
لو طحت في قاع بيرٍ مالها جـم
أفضل من إنك ترجى لك رعاعـه
أو ترتجي للرحم والعطف من يم
ناسٍ تقول الدمار أفضل بضاعه
ناسٍ لو تقسّم السمسم غدى سم
وحنا لو نقسمه سمـعٍ وطاعـه
نطيعهم كيف والموضوع بالكـم
ثلاثة ميّة شهيـد بكـم ساعـه
لكن على بعضنا عجليـن بالـذم
كلٍ يجهز هجومـه مـع دفاعـه
أماعلـى اعداءنـا هـذا محـرّم
حتى لو إنعيش في فقر ومجاعه
واللي بنيناه في ساعـه تهـدّم
ياناس ما من رجل يرفع ذراعـه
ويقول شارون مهما صار مجرم
يكفي من اللي جرى ظلم وبشاعه
العذر يا اطفال غـزة مابنـا دم
حتى يحرك بنا تـال الشجاعـه
مافيه واحد يقول إنه ولـد عـم
كلمة عروبه غدت مثل الأشاعـه
كم من شهيدٍ نزف دمه وكـم أُم
تنخى جماعه ولا صرنا جماعـه
صحيح فينا عـرب لكنهـم كـم
واحد ثلاثـة إذن مامـن قناعـه
بالنصر من دون واحد يفسر الكًم
والأ رجل دين تقبل له شفاعـه
أذاننا عن صياح اطفالنـا صـم
ما نقدر الشجب حتـى بالأذاعـه
ما عندنا معتصم ونقول له قـم
أخوان نيدو جميعـا بالرضاعـه
ارجــوا منـكــم الدعــاء لهم
هذا اقل شي نقدمه لهم
اتركوا احتفالات هالسنه والخرابيط
حاولوا تساعدونهم اقل شي بفلوسنا بـدعاءنا لهم
تكفون طالبكم بالدعاء