تـدري وش الـلي حـدنـي لـتـعـابــير
ذكـرى بـقـلـبي مـن سـنـيـناً قـديــمه
صـورتها مـن داخـل الـقـلب تصوير
عـلهـا تـحـس انـهـا بـقـلـبي مـقــيمه
عـطـيـتها مـن صـادق الـود تـقـــدير
امشي عـلى وضـح الـنقا والحـشيمه
يوم ان انا وياه ما اسمع حكي الغـير
والـيـوم صـدق بـي بـزور ونـمـيمه
راحـت وقـولـتـهـا نتلاقى على خير
راحـت وخـلـت بي جـروحاً مديمه
راحـت وانا ماهـمـني بالـمـخاســير
لـكـن جـروح الـحـب والله ألـــيـمه
والـيـوم يا نـواف دمـعـي طـوابـير
وشلون خلي يرتضي لي الهـزيمه
وشلون غابت دون عذراً وتــبرير
وشـلـون قـلـبه طـاوعـه لـظـلـيـمه
مـشـيـت انا وياه بالـشـر والـخــير
حـطـيـت له بالـقـلـب قـدراً وقيمه
ما جـاه مـني ياعـرب أي تـقصير
كل مـا خطأ اجيه بـروحاً رحيمه