مأكولات بحريه وأسماك طازجه بحفر الباطن

[wroood]

مرحبا

لوسمحتو من يعرف (أي يوم ) بالحفر يجيبون المأكولات البحريه والاسماك الطازحه

(من الدمام)

تعبت من المثلجات بليز اللي عنده خبره او معلومه يفيدني

وبارك الله فيكم

[abdolla]

كانوا يجيبونها كل ثلاثاء بالليل ،، وغيروا الى الأحد وذلك اليوم لقيت السيارة توها واصله يوم الخميس بالليل ..

اذا تبون اكيد لازم تتعامل مع محل واحد يبلغكم بساعة وصول السيارة .. وهو من الجبيل مو من الدمام ،، اللي يجي من الدمام مشري من الفرضه وبيكون موجديد ..

[wroood]

مشكور ياأخ عبدالله على الافاده
بس بسأل كم مره ينزلون في الشهر ؟
وينه المحلات بالضبط
بصراحه لازم أوصي من الرجال يجيبهم
وهل الاسماك تجي منظفه ومغسووله ولى لازم أنظفها وأغسلها ببيتي؟

[ناجي الحفراااوي]

اخوي افضل مكان تجيب منه سمك طازج من الكويت

في الجهراء سوق السمك في مجمع الوافي

كذا مره اسويها افضل لك بكثير من الموجود هنا .

[أبو راشد]

انا اذكر كل يوم خميس في الليل والصبح يوم الجمعه تجي سيارات السمك وتوزعه على سوق السمك
وهل يجي مجمد او حي مادري
ولاكن في انواع الاسماك وعندهم تنظيف وعندهم قلي بالزيت
بس انصحك تاخذه زي ماهو وتنظفه انت وتطبخه انت
وفي فيليه هامور عند الثلاجات العالميه جاهز للطبخ ونظيف افضلك

[mango]

ماتخبرون محل يبيع زبيدي لهم سنتين ما يجيبونه بحجة ارتفاع سعره

[wroood]

ماشاء الله كلكم رديتو بنفس اليوم

يمال العافيه كلكم والله ماني لاقيه أحسن منكم في الردود

من الجهراء صعب مانعرف أحد هناك
بس بجرب هنا وأذا شبعت ومليت بطلب من قرايبنا اللي حول الجهراء يجيبون لنا

[اللاسلكي]

على حد علمي بانهم يجبونه الخميس
وايضا اضم صوتي لخوي ناجي من الكويت افضل واقرب مسافه من الدمام

[wroood]

اقتباس: المشاركة الأصلية كتبت بواسطة اللاسلكي    على حد علمي بانهم يجبونه الخميس وايضا اضم صوتي لخوي ناجي من الكويت افضل واقرب مسافه من الدمام

أخوي اللاسلكي
أنا قصدي الاسماك تجي من الدمام الى الحفر يعني هنا أشتري طازج مو من الجمعيه
لو بسافر علشان السمك أكيد الكويت أقرب لي من الدمام
وشاكر لتواجدك معنا

[خشخاش]

لا تجيب من الكويت

السمك السعودي احلى . ..

لازم تشجع على السعودة