ليلة الدخلة ....للرجال المتزوجين ..ما الذي حدث لك حينما قابلت شريكة حياتك
[align=right]طبعاً البعض منهم طقته أم الركب , وقعد يقط "بدليات" بشكل غير طبيعي وهذا هو المنطق الطبيعي في هذه المسألة .
والبعض الآخر يقول -والعلم عند الله - أنه لم يخاف ولم "يرتبش" .
الحاصل والمطلوب:
حينما التقيت مع شريكة حياتك لأول مرة :::: بكل أمانة :::
ما الذي حدث لك ؟؟
طبعاً الموضوع كله يقصد اللحظات الأولى فقط , ولا يتحدث عن أشياء أخرى .
أما العزوبية يالله برا [/align]
رد: ليلة الدخلة ....للرجال المتزوجين ..ما الذي حدث لك حينما قابلت شريكة حياتك
ههههههههههه أقص يدي من شحمة أذني أذآ فيه أحد رد عليكـ (كلنآ عيآل قريه وكلن يعرف أخيه)
هههههههههههههههههههههه يالله خل الي دآخلين القفص المصدي قصدي الذهبي ينفعونكـ ههههههههههههههه
رد: ليلة الدخلة ....للرجال المتزوجين ..ما الذي حدث لك حينما قابلت شريكة حياتك
ياخي ودك اذا اعرست ما يجيك احد يسلم عليك ، ودك إن التهاني تكون بالسلام باليد " تلويحه " ، وبعدها كلن يجلس ويتعشى لين ينفقع بطنه . انا بالعرس وصيت البناخي ، قلت إذا شفت واحد من الوراعين مسلم علي ترى ما أشتري لك " اتاري " ( والله من كم واحد بيحسب كم صار لي معرس ) . الوكاد غثوني الوراعين إذا جاء بيسلم عليك يعطيك علباه وعيونه للكاميرا عشان تطلع خشته . يوم شفت شريط العرس حصلت واحد من الوراعين مسلم علي ثلاث مرات !! . دخلت " العش " وانا مشوش ذهنيا ً . عاد بالنسبة للي صار ذيك الليلة سلام وتبريكات وترحيبات ووعود وعهود عددها يمكن سبعة آلاف ، وما إلتزمت إلا بأربعة منها ( <<< زوج مخلص) . الوكاد نمت وكسرت روتين الشباب المعاريس وصليت الفجر بالمسجد ــ بغيت أروح للمسجد بالبشت ــ ، بعد ما طلعت من المسجد ، فكرت أطلع مع واحد من الشباب نفطر ، بس تذكرت إني متأهل وعرفت إنه فيه فارق بيني وبينه وسحبت عليه وعلى كل عزوبي . طبعا ً بعد اربعة شهور تروح تدور ربعك اللي تجلس معهم ما تحصل احد معطيك وجه .
اللي بيسأل اسئلة لها فائدة حاضرين ، واللي يبي يسأل أسئلة مالها اي فائدة ترى بدعي عليه إنه يتزوج