تسمم اكثر من عشرين شخص جراء تناولهم وجبات غذائيه بمطعم مشهور بحفر الباطن

[لزام]

أنا أبي أفهم بس ليش المنتدى والصحف بشكل عام ترفض ذكر أسم المطعم ؟؟!

يعني رزق صاحب المطعم أهم من حياة 20 شخص !!

الى متى هالتخلف اللي عايشين فية دامة ثبت انه متسمم 20شخص ومن نفس المطعم يجب التشهير فية علناً والنصيحة بمقاطعتة اذا هو ما أهتم بنظافة الاكل وصلاحيتة هو اللي يتحمل غلطتة..

لأنه بوساختة بنفسة جنى على رزقة وأثبت أن سمعت المطعم ليست مهمة الاهم هو الربح بأقل تكلفة وتلقى كل الاكل اللي عندة منتهية صلاحيتة من لحوم وخضروات ووو ......والمتضرر النهائي هو أنا وأنت ومن يسعى للحفاظ على سمعة المطعم !

أذكر قبل فترة مطعم كنتاكي بأمريكا لقى أحد زبائنة جسم غريب مع الاكل طبعا أشتكى على المطعم وتم التشهير بالمطعم بأغلب الصحف الامريكية وتخيلوا حتى الاعلام المرئي غطا الواقعة...هذا وهو أكبر المطاعم العالمية يعني فروعة منتشرة بأنحاء العالم,,,

وللأسف حنى بالمنتديات ما نقدر نذكر أسم المطعم....



على الدنيا السلام

[الوافي2009]

ماقول الإ الله يعطيك العافية يالشبعان كلامك سليم ميه على ميه

[لزام]

اقتباس: المشاركة الأصلية كتبت بواسطة تركي الوايلي    بعدين ترى اهل البشوت مايسكتون هذا به دخل مادي ومربح تعرفون شلون مربح يعني فلوس بالهبل تصب صب مثل غزارة الامطار الشديده .

الدخل اليومي للمطعم 5000 ريال سعودي 5000*30=150.000<<على ذمة الكفيل

بس ترى الكفيل ديكور ..المطعم للأتراك

[طلال الوافي]

تركي الوايلي
اخونا اللي يقول ان الخبر عادي ممكن انه يقصد تعود على الاهمال من قبل المسؤلين وعدم المحاسبة
هناك فساد واضح يقفلون المحل ويفتحونه ثاني يوم هذي مسخرة صرنا حيوانات مو اوادم هذي ارواح ناس ياجماعة
وبعدين البلدية لما تاخذ غرامة المفروض تدفع الغرامة للمتضررين اللي دفعلوا فلوسهم للوجبات يعني دفعت فلوس على وجبة على اساس اكل مو على اساس اتسمم ويمكن اموت هذا جانب مهم الغرامات اللي تاخذها البلدية وين تروح المفروض ياخذها المتضرر لكن البلدية تاخذ الغرامة وثاني يوم تفتح المطعم هذا فساد ونظام تلاعب على الناس والجانب الاخر بكرة يضبطونها الشؤن الصحية والبلدية ويتلاعبون في التقارير ويطلع منها المطعم باردة مبردة
حرام عليكم ياناس اتقوا الله يالبلدية خافوا الله في ارواح الناس
نشوف بكرة المحافظ الجديد هل سيعلم بهذا التلاعب من تجار الحفر ؟؟
انا بالنسبة لي لو احد من قرايبي متسمم ما اروح للبلدية ادخل عليهم بالمحل وافرشهم فرش واذا وقفوا ضدي البلدية راح اوصلها الى الرياض على اساس يعرفون ان فيه حق للمواطن مسلوب ولا يقدر ياخذه الا بيده

تحية الى محافظ الحفر الجديد قبل الزحمة نخبره بهذا الوضع المؤسف

[تركي الوايلي]

اخوي طلال الشرعان
نعم الغرامات الماليه تستفيد منها بلدية حفر الباطن والشؤون الصحية
اما المواطن فهو مهف جدي مادروا عنه والمفروض ان الغرامات الماليه تكون
للمواطن المتضرر وليس للبلدية والشؤون الصحية

ولكن مانقول الا حسبنا الله ونعم الوكيل فيهم .

[العضيله]

مركبين لوحه جديده وشكلها ولونها حلو بالأخير
(من برا الله الله من جوه يعلم الله)

شالمصخره هذي قمة الاحتقار للإنسانية يترزقون على حساب صحتنا
حسبنا الله ونعم الوكيل

[معوذي]

الأحد 19 ذو القعدة 1432

[الصقري 2010]

حسبي الله ونعم الوكيل

[خن بطن]

هالحين حنا الي نتسمم والبلديه هي الي تاخذ مية الف
هذا مقطع من شريط ابوملوح

[فهيد الصعيري]

ياخوان اذا راحواوعرفوا انه غير صالح اومسمم قولوا اسمه مافيه شى والاخايفين