ياخوي مابقي في يدي شئ

نورة 14 · 30-06-08, 03:23 AM

حيل الله اقوى مابقى في يدي شيّ
مافيه حل ٍ في يدي .. ماذخرته

حاولت .. لكن المحاصيل هيّ هيّ
الطير طار ولا بقى الا شجرته

وقفّت اشوف شويّ واغمّض شويّ
واللي انكسر في خاطري ماجبرته

لين إلحقت شمسي على بارد الفيّ
وشفت ان كل اللي جمعته خسرته

من كثر ماعزيت ريقي عن الميّ
ملّ الصبر من كثر صبر ٍ صبرته

كم هقوة ٍ ضاعت على سكة الغيّ
وكم حلم ف( تراب ) الحقيقه قبرته

واقف .. وطعنات الزمن كلها فيّ
وساقي لو انه كلّ مني / كسرته

بعد ماعاش اليأس في احساسي الحيّ
اخوي .. لو هو صد عني عذرته

مدري عن اللي كنت احسبه بقى ليّ
اللي حزمت ابه الضلوع وذكرته

وأخوي اللي على الطيب في
وش به خاطري اليوم كسرته

اللي طوى حالي بحكم الهوى طيّ
قصّر .. وانا كل الطريق اختصرته

ماهو خطا لاقلت ( تآمر على شيّ
الا الخطا .. لا اشتقت له وانتظرته

أبوفيصل · 30-06-08, 07:15 AM

جميلة هذه الأبيات يا نورة ..

صح لسانك ودام مدادك ...

نورة 14 · 30-06-08, 12:54 PM

اقتباس:

المشاركة الأصلية كتبت بواسطة أبوفيصل


	جميلة هذه الأبيات يا نورة .. صح لسانك ودام مدادك ...

أخوي ابوفيصل شاكره لك مرورك الطيب

محمد العويض · 30-06-08, 01:49 PM

الأخت نورة
فعلاً ابيات جميلة رائعه تدخل القلب من أول قراءة لها
الأبيات ماهي غريبه على مسامعي كأن أحد تغـنـّـى فيها
أشكرك على الإختيار وياليت نعرف شاعرها إن أمكن
تحياتي,,,,

منـــادي · 30-06-08, 02:22 PM

صح لسااااااااااااانك يانووووووورة

روووووعة الابياااااااااااات

نورة 14 · 01-07-08, 12:18 AM

اقتباس:

المشاركة الأصلية كتبت بواسطة محمد العويض


	الأخت نورة فعلاً ابيات جميلة رائعه تدخل القلب من أول قراءة لها الأبيات ماهي غريبه على مسامعي كأن أحد تغـنـّـى فيها أشكرك على الإختيار وياليت نعرف شاعرها إن أمكن تحياتي,,,,

اخوي محمد شاكره لك مرورك الطيب

نورة 14 · 01-07-08, 01:03 AM

اقتباس:

المشاركة الأصلية كتبت بواسطة منـــادي


	صح لسااااااااااااانك يانووووووورة روووووعة الابياااااااااااات

اخوي منادي شاكره لك مرورك الطيب