سائق لتوصيل المشاوير والطلبيات داخل حفرالباطن

[شــاهــيــن]

السلام عليكم ورحمة الله وبركاته

لدينا سائق لتوصيل المشاوير والطلبيات داخل الحفر 0532724985

.....

[شــاهــيــن]

..............

[شــاهــيــن]

............

[حفرآوي آتكيت]

لا ثقه بالسائق الاجنبي ....................؟

[بطاح]

لاحد يركب معاه يالربع


ترا السواقين مالهم امااان

[شــاهــيــن]

والله ما عمري شفت اجنبي يغازل بالسوق .. فيه سعوديين هيلقيه سرابيت

مشكلتنا ما نحسب الا السعوديين مسلمين وهذي مصيبه


السائق تونسي مسلم وعندي هو وزوجته .. وإذا هذا فكر السعوديين فالتونسيين بلشوا بين علمانية بن علي ودين بعض السعوديين اللي يحسبون انفسهم شعب الله المختار


التونسيين عانوا من التغريب في لغتهم ودينهم من قبل الإستعمار و العلمانيين .. والآن بدل مايكون السعوديين قدوه لهم في التراحم والعدل والإسلام الصحيح يطلع لنا البعض بكلمة " أجنبي " وش اللي يدريك انت وياه انه أفضل عند الله مني ومنك ... ناس سكرت في وجيههم المساجد وسجنوا من شان الصلاة ولا ضيعوا هويتهم .. في حين سعوديين من طلع وهو يدرس دين ويدعى للمساجد وهو معرض عنها والله المستعان

[بطاح]

طيب الحريم السعوديات ليش مايركبن مع السعودي


السعودي ناقس لو انه يغازل وسربوت بس مايعطي منشطات وغيرها

الحمدلله على نعمة العقل والدين

[شــاهــيــن]

اقتباس: المشاركة الأصلية كتبت بواسطة بطاح    طيب الحريم السعوديات ليش مايركبن مع السعودي السعودي ناقس لو انه يغازل وسربوت بس مايعطي منشطات وغيرها الحمدلله على نعمة العقل والدين

دامك جبت طاري العقل والدين

هات ما يثبت بالعقل بان كل السعوديين ما يعطون منشطات مع اني ما ادري وش تقصد
وهات بان كل الاجانب العكس ؟؟


وهات شي من الدين يقول ان السعوديين أطلق من الأجانب وأشرف


وهات دليل بان ابو جدك سعودي .. اسدح صورة التابعيه لاهنت

وهات دليل بان السعوديين قبل 300 سنه .. طبعا هذا اذا كان فيه شي اسمه سعودي ما كانوا يتبركون بالقبور ويتذابحون وقتل وصلخ من شان ناقه وعنز


هذا بالعقل

والحريم اسئلهن ليش ما يركبن مع السعودي ... اتوقع يجاوبنك .. يمكن مبلشينهن السعوديين .. رح اسئل دام كل هالحوسه محيرتك ..

وقوموا صلوا

[بطاح]

اقتباس: المشاركة الأصلية كتبت بواسطة شــاهــيــن    دامك جبت طاري العقل والدين هات ما يثبت بالعقل بان كل السعوديين ما يعطون منشطات مع اني ما ادري وش تقصد وهات بان كل الاجانب العكس ؟؟ وهات شي من الدين يقول ان السعوديين أطلق من الأجانب وأشرف وهات دليل بان ابو جدك سعودي .. اسدح صورة التابعيه لاهنت وهات دليل بان السعوديين قبل 300 سنه .. طبعا هذا اذا كان فيه شي اسمه سعودي ما كانوا يتبركون بالقبور ويتذابحون وقتل وصلخ من شان ناقه وعنز هذا بالعقل والحريم اسئلهن ليش ما يركبن مع السعودي ... اتوقع يجاوبنك .. يمكن مبلشينهن السعوديين .. رح اسئل دام كل هالحوسه محيرتك .. وقوموا صلوا

ياحبيب قلبي انا كنت من اهل البطايق السود

يعني رقم هويتي 11

طبعا تعرف 11 بس ليش الثقة الزايدة بالاجانب يعني السعودي صار خلاص بح

تحياتي لك اخي الكريم

[شــاهــيــن]

اقتباس: المشاركة الأصلية كتبت بواسطة بطاح    ياحبيب قلبي انا كنت من اهل البطايق السود يعني رقم هويتي 11 طبعا تعرف 11 بس ليش الثقة الزايدة بالاجانب يعني السعودي صار خلاص بح تحياتي لك اخي الكريم

لا والله وانا اخوك .. مافيه شيء اسمه ثقه زايده ... والأجنبي لو تجيني عليه شكوى مصعت رقبته .. على كفالتي مثله مثل ولدي إذا تعرض أعراض المسلمين

وصدقني وانا اخوك إن كل هالكلام من مبدأ رفض التعميم ... كلن فيه حقه سعودي وغير سعودي

ويا عزيزي القصد من كلامي عن التابعيه هو إن أبو جدك وأبو جديالله يرحمهم لاهم سعوديين ولا يعرفون شيء اسمه تابعيه .. وبالنهايه ماكانت كل هالحدود بين المسلمين كلن يضرب العالم الإسلامي طول بعرض دون تابعيه ولا جواز وشفنا هجرة بني هلال وبني كثير وغيرهم الكثير من القبايل .. فيه من عنزه ومطير وشمر وعتيبه بالعراق وإيران الآن موجودين وسوريا والأردن ويمكن بتركيا وتركستان وبورما ... بورما أكيد 100% فيها عرب وتركستان واغلبهم رجع قبل 100 سنه بسبب الإضطهاد هناك والى الان موجودين ناس تكافح هناك

والله وانا اخوك علينا حمل كبير كبلد وأفراد بإننا نحتضن كل مسلم ونوجهه ونفيده ... يا اخي تابع برامج للأفغان والباكستانيين عن العرب .. يا اخي ناس تشيلك فوق روسهم ويعتبرونك قدوه ويحبونك بشكل خرافي .. سبق وأبكاني مقطع على الجزيرة قبل سنواااات لشايب أفغانني في قريه تحت جبل

جبل تكسوه الثلوج يقول الشايب ما اذكر أحد من القريه اعتلاه .. وفي يوم من الأيام وفي عز الشتاء شفنا رجال نازلين من الجبل وبكى أهل القريه لما شافوا المسلمين العرب قادمين من الصحراء ويعتلون قمم الجبال للدفاع عننا


يا عزيزي والله ماراح نتقدم شبر وحنا في قمة العصبيه القبليه بيننا في البلد وفي قمة العصبيه الوطنيه مع اخواننا المسلمين .. سلمان الفارسي قرّبه الرسول عليه الصلاة والسلام هو وبلال بن رباح الحبشي

سامحني على الإطاله أو اذا فهمت شي خطأ من كلامي

في أمان الله


ـــــــــــــــــــــــــ
إضافه جديده
تصدق ... توني أدقق في سالفة 11
اجل انت المفروض وانا اخوك تحس بمعنى هالكلام اللي ينقال عن الأجانب

قبل أمس تقسمت الدنيا وحطوا حفد وقالوا يالله هذا سعودي وولد عمه سوري .. والعبيات راحوا عيال عمهم لإيران وتعلقوا هناك الى يومك هذا .. وهذا ابو محمد العبيوي بلندن ان رجع لإيران شنقوه وان جاء للسعوديه رحّلوه ولا صرفوا له إقامه