حبّه بوسط القلب سجّل بلوحي=وامقفّلن دونه بتسعين مفتاح

[سعدبطيان]

مسّاكم الله بالخير وامل ان تتكرموا وتقبلوا مني هذه الابيات المتواضعه لعلّا وعسى ان تصل لمستوى ذائقتكم الراقيه0واقول


[poem=font="Simplified Arabic,6,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
البارحه ساهر الحالي ونوحي=جالس على حيلي الين الفجر لاح
من سبّت اللي زاد فيني جروحي=الصّاحب اللي للعشاشيق ذبّاح
خلّن خفيف الدّم عذبن مزوحي=مورّد الخدّين والطّيب فوّاح
وزودن على زينه لطيفن سموحي=حتّى طعم ريقه تقل طعم تفّاح
مخفي غلاها بالضّماير مبوحي=وامسح دموعي لايقولون لي صاح
حبّه بوسط القلب سجّل بلوحي=ومقفّلن دونه بتسعين مفتاح
يفداه قلبي مع عيوني وروحي=ليته يجاوبني اليا قلت ياصاح
يصاحبي قلته وكبدي تفوحي=ماقلت شعري باغين نوط ووشاح
ومن لامني بالزّين ماهو نصوحي=يالله عسى موته على يدين سفّاح[/poem]وسلامتكم

[ماجـــد النومسي]

الله يلوم اللي يلومك

وافي يابو بطيان ولافيك حيله دايماً نستمتع بقصايدك الرائعه

تحياتي لك

[الذيب الوايلي]

فالك التوفيق شاعرنا الرائع \ ابو بطيان

وصح السانك قصيده اكثر من رائعه

تحياتي لك

[الشعبان]

يصاحبي قلتـه وكبـدي تفوحـي

ماقلت شعري باغين نوط ووشاح

صحححححححححح لسانك

فالك المفتاح

[طاغي النظره]

صح لسانك ابوبطيان والله مالومك وانت هواوي وخابرك زين
تحياتي لك والله انك وافي وجزل تقبل مرور اخوك

[صقار]

اخي ..صح لسانك واعتلى شانك وقصيده رائعه ومحبوكه وجزله لكن ياطويل العمر ودي


ترفق على نفسك شوي

[جيوكاندا]

يفداه قلبي مع عيونـي وروحـي

ليته يجاوبني اليا قلـت ياصـاح

مبدددددددددع

صح لسانك

[ريم النواااظر]

؛

سعد البطيآن/..
ومساءك خير ...
وحضورك مطر

البارحه ساهر الحالي ونوحي
جالس على حيلي الين الفجر لاح
سهر / نياح . / تعب
حالك وحال المحبين ياشاعرنا ..

مــــن ســبّـــت الــلـــي زاد فـيــنــي جــروحـــي
الــصّــاحـــب الـــلــــي لـلـعـشـاشـيــق ذبّـــــــاح
ابحار بمحيط الجروح النازفه
وقصص العشاق ..
وكأننا نقرأها من كتاب الف ليله وليله

خــلّـــن خــفــيــف الــــــدّم عـــذبـــن مـــزوحـــي
مـــــــــورّد الـــخـــدّيـــن والـــطّـــيــــب فــــــــــوّاح
اعطيتنا كل ما نملك من اجل الحب
ووجدنا ان هذا المعشوق كاللوحه الفريده
مهما طال الزمن / زادت قيمتها

وزودن عـــلـــى زيـــنـــه لـطـيــفــن ســمــوحـــي
حــتّـــى طــعـــم ريــقـــه تــقـــل طــعـــم تــفّـــاح
ما اجمل واجزل هذا البيت ..!!
رائع يامبدع

مــخــفـــي غـــلاهــــا بـالـضّــمــايــر مــبـــوحـــي
وامــســـح دمــوعـــي لايـقــولــون لـــــي صـــــاح
كبرياء /وعزة رجل
يأبا شموخه الا ان يخفي غلاه

يـــفـــداه قــلــبــي مــــــع عــيــونــي وروحــــــي
لــيــتــه يـجـاوبــنــي الـــيــــا قـــلــــت يـــاصــــاح
جاوبيه .. جاوبيه .. جاوبيه
أين انتي .. الا تسمعينه ؟
يستحق الاجابه ... جاوبيه

يــصــاحــبــي قــلـــتـــه وكــــبــــدي تــفـــوحـــي
مـاقــلــت شــعـــري بـاغــيــن نـــــوط ووشــــــاح
وجودك كان هو الكافي لشاعرنا
كبير يا سعد ...
يعجز قلمي عن مجاراة احساسك الرائع بكلماتك
دمت بكل رقي وجزاله
صح نبضك / شعرك








ِ

[سعدبطيان]

اقتباس: المشاركة الأصلية كتبت بواسطة ماجـــد النومسي    الله يلوم اللي يلومك وافي يابو بطيان ولافيك حيله دايماً نستمتع بقصايدك الرائعه تحياتي لك

ماعليك زود طال عمرك ولاهنت وصح بدنك اخوي الغالي
وشاكلر لك مرورك الكريم وتقبل تحيات وتقدير اخوك

[سعدبطيان]

اقتباس: المشاركة الأصلية كتبت بواسطة الذيب الوايلي    فالك التوفيق شاعرنا الرائع \ ابو بطيان وصح السانك قصيده اكثر من رائعه تحياتي لك

هلا وغلا بخوي الغالي الذيب الوايلي ولاهنت
وتقبل تحيات وتقدير اخوك ومحبك