الأمارات تفتح الوظائف لسعوديين في الشرطة والجيش والرواتب تبداء من 14 الف ريال

[عايد الخالدي]

اذاكان صحيح فنتمنى التوفيق للجميع
توضيح

هذه شركه وليست قطاع بالإمارات

[تركي الوايلي]

يعني على كذا هالاسبوع هذا منفذ الغويفات بيصير زحمه :)

[عايد الخالدي]

الشروط

الشروط الواجب توافرها في المتقدمين للوظيفة:
أن يكون المتقدم حسن السيرة والسلوك
أن يكون عمر المتقدم مابين (23-35) سنة
أن يكون حاصلا على مؤهل علمي مناسب (الثانوية العامة) على الأقل
أن يكون حاصلا على رخصة القيادة الدولية في الحاسب الآلي ICDL
أن يكون حاصلا على رخصة قيادة سارية المفعول
أن يجتاز المتقدم الإمتحانات والمقابلة الشخصية
أن يجتاز إختبار اللغة الإنجليزية
أن يجتاز الفحص الطبي

[حفرآوي آتكيت]

بصراحة رواتب مغريه


التقديم وين
مليت من البطاله كل مااقدم تم قبولك مبدئي
واخر شي نعتذر لم يتم قبولك
4سنوات وانا عااااطل

التقديم وين بس ....؟

[تمرد الإحسآس]

/

الله يوفقكم ’

14 ألف رآتب طبيب أسنآن هنآ !!

إبحث عن رزقك و لو بالصين /

و الله المستعآن .

’

[COOD909]

اقتباس: المشاركة الأصلية كتبت بواسطة الشعبان    ياليت الاخوان الذين يتكرمون بمداخلاتهم لا يمسون الدوله السعودية بكلام غير مألوف الدولة عزيزة وفاتحة المجال لجميع الوظائف بجميع القطاعات ومن يريد ان يذهب لبلده الآخر للامارات الله يستر عليه ومصيره ديرته والله مالك غنا عنها لو براتب اقل بكثير نتمنى منكم عدم التطرق لسياسة الدولة ولكم الشكر

اخي الكريم فيه مثل يقول اللي رجله بالماء ماهو مثل اللي رجله بالنار . خلها على ربك بس . واحنا مانتكلم عن الدوله لاكن فيه فساد قاطع ارزاق العالم والبطاله بالملايين وانت تقول المجال مفتوح لجميع الوظائف طيب ممكن تخدم اخوانك وتدليهم على الوظايف هذي وين هي فيه ولك دعوه في ظهر الغيب . .. عندي ولد عمي فني مختبر يشتغل في محل مستلزمات رجاليه راتبه 2000ريال

[نادر وجودي]

الله يعز الدوله ويحميها من كل مكروه ان شاء الله ويحمي حكامنا ال سعود والله يطول باعمارهم امين

واللي يبي يروح ينزل الجنسيه السعوديه ويتوكل على الله لانه مو كفو يصير سعودي

اعمل بديرتي لو راتبي الف ريال خير ما اعمل لدول ثانيه

[مقرودة حظ]

ياشباااب وربي فرصه عمررر

قدموا على الوظائف

تحررر من البطاله


تري شعارنا دائما وابدا

خليجنا واحد وشعبنا واحد يعيش يعيش ، الله أكبر ياخليجاً

[الحصاه]

اقتباس: المشاركة الأصلية كتبت بواسطة نادر وجودي    الله يعز الدوله ويحميها من كل مكروه ان شاء الله ويحمي حكامنا ال سعود والله يطول باعمارهم امين واللي يبي يروح ينزل الجنسيه السعوديه ويتوكل على الله لانه مو كفو يصير سعودي اعمل بديرتي لو راتبي الف ريال خير ما اعمل لدول ثانيه

حسبي الله ونعم الوكيل , وانت يا نادر وجودي أسأل الله لك كل مايتمناه المواطن السعودي ولايجدة

الشعب عايش بطاله وفيها من الثروات وتقول الى يبي يروح ينزل الجنسية

الظاهر من ربع التطبيل بس لوو عايش هذا الامر لن تقول اعمل بالبلاد براتب الف ريال

يارجل خاف الله اتق الله في نفسك الف ريال وش تسوى لاتقول رح اشتغل

الشعب يريد حياه كريمه وبعدين وش دخل آل سعود بالموضوع صحيح انك مع احترامي لك انسان متحجر

لاتفقه شي بالحديث بصراحه مدام هذا ردك عارفين وش الطاسه الى تحوس فيها ههههه

الله لايبلانا النوعيات هي الى تبي ترجعنا وراء

في كلام كثير بس متيقن انك ماراح تستوعبه ولا راح تفهمه لذلك اتمنى ان تناظر حافز كم الاعداد الى سجلت فيه كى تعرف ماهي البطاله

[بحّة الشوق]

اقتباس: المشاركة الأصلية كتبت بواسطة نادر وجودي    الله يعز الدوله ويحميها من كل مكروه ان شاء الله ويحمي حكامنا ال سعود والله يطول باعمارهم امين واللي يبي يروح ينزل الجنسيه السعوديه ويتوكل على الله لانه مو كفو يصير سعودي اعمل بديرتي لو راتبي الف ريال خير ما اعمل لدول ثانيه

ياشيخ روح طير بس .. مسوي لي فيها الولد الوطني ..

كلنا عندنا وطنيه بس نبي وظايف .. شنو الوظيفه اللي بألف ريال لايكون زبّال !!