بخصوص حافز ارجوا الدخول ربي يوفقكم ...

[غرور.]

اوك نزلت البرنامج بسلام < يالله لك الحمد
المهم وش ذا اكتب حافز يطلع انقلش مو نفس حافزنا الاول < وش بلاه انقلب هالحافز بالمتصفح ذا

[تركي الوايلي]

اقتباس: المشاركة الأصلية كتبت بواسطة غرور.    اوك نزلت البرنامج بسلام < يالله لك الحمد المهم وش ذا اكتب حافز يطلع انقلش مو نفس حافزنا الاول < وش بلاه انقلب هالحافز بالمتصفح ذا

اوكي كذا كويس

الحين انسخي الرابط هذا حق حافز

والصقيه بمتصفح الفيرفكس وحطي الرابط اعلى شيء بمتصفح الفيرفكس واضغطي موافق

وراح تفتح لك صفحة حافز بكل يسر وسهوله وجربي

https://www.hafiz.gov.sa/HRDFWeb/

[تركي الوايلي]

غرور خليك معي بهذا الموضوع وخطوه خطوه جربي وعطيني خبر الله يجزاك خير
علشان اذا ماضبط نشوف لك حل

[تركي الوايلي]

شوفي يالطيبه
اعملي نفس اللي بالصوره التاليه

انسخي الرابط وحطيه مثل ماهو موضح بالصوره

[غرور.]

اخوي تركي وربك نفس المشكله مايفتح اذا حطيت سجلي المدني واذا حطيت سجل بنت عمتي عادي فتح معاي ..؟

[تركي الوايلي]

اقتباس: المشاركة الأصلية كتبت بواسطة غرور.    اخوي تركي وربك نفس المشكله مايفتح اذا حطيت سجلي المدني واذا حطيت سجل بنت عمتي عادي فتح معاي ..؟

طيب وش يطلع لك بالضبط بعد ماتدخلين السجل المدني والرقم السري ؟

[غرور.]

احط السجل المدني والرقم السري تتوقف الصفحه تبقى مثل مكانت ماتفتح ولاتتقفل الا انا اقفل الصفحه ارجع واعيد نفس السالفه

[تركي الوايلي]

طيب خيتي غرور انتي عندك مشكله بجهازك ماتوقع ان المشكله في بياناتك بحافز
اذا عندك جوال تقدرين تدخلين عن طريقه لحافز يمكن تنحل معك هذه المشكله

او طفي جهازك واعيدي تشغيله وجربي ثاني مره لعل وعسى يضبط معك
واذا ماضبط معك حاولي تشوفين احد اقاربك يكون عنده كمبيوتر ويتأكد لك من البيانات حقتك
لأن اخاف تتأخرين بتحديث حافز وثم يخصمون من راتبك
حاولي بكره تشوفين احد بنات اقاربك عندها جهاز او اتصلي عليها وعطيها سجلك المدني ورقمك السري وتدخل وتشوف اذا فتح كويس واذا مافتح بتكون المشكله اما من بياناتك لكونها ناقصه او انه فيه مشكله ثانيه مثل عمال او وظيفه ووالخ

[COOD909]

مشكله غريبه . الظاهر مصملين على الخصم عليك الشهر هذا . اتوقع ان هذا حل المشكله

[غرور.]

اخوي تركي توني جربت بالجوال نفس السالفه وربي علق الجهاز لافتح معاي ولاقفلت الصفحه نفس الاب يطلع لي واليوم بشوف غير الاب اللي عندي على وعسى تنحل مشكلتي اشكرك اخوي عالمتابعه معاي وماقصرت والله وباذن الله تنحل المشكله استاذن < صلاه