بالله حتى هنا بعد ام بي سي
يعني شلون ؟؟؟؟ ناوين تبكوني
اشتغت بالرياض قرابة سنتين ........وماذبحني غير هالقناة اللي مدري وش صار عليها الحين
متى ما جينا وفتحنا الراديو على محطة إم بي سي إف إم ..... شي طبيعي أول ما تسمع صوت واحد كنه نعيق غراب ويقول .... عالبال عالبال عالبال لحن وموال .. يسافر عالبال لدنيا منالجمال .. طبعاً اللهجة عراقية .... يعني مافيه اصوات خليجية مررررة ....
تدير المحطة على إذاعة بانوراما وإلا تشوف وحدة زلماتية تغني وتقول : يالله نتلاقى سوا ونشرب قهوة عالهوى ... وكأن مافيه ولا مغنية خليجية ... المسألة مو تشجيع على الغناء لكن المسألة إحتكار وإنحياز للزلمات ...
تروح وتتضايق وترجع لإذاعة إم بي سي ..... تسمع واحد ومسوي فيها انه مغني مشهور ويقول : عيش يوماك عيش يوماك مع إم بي سي..... يعني .... الفن كله عندهم ... والفلوس والتوظيف من عندنا ..
أول ما تروح للعمل الصباح وتفتح الراديو تتفاجأ بأحدهم يغني ويقول حياك الله بالأفراح :: يعني ابغى افهم أي افراح على الصبح .. يمكن يقصد إحساس الفرح الذي ينتاب أغلب موظفي الدولة أثناء خروجهم من محل الفوال مع فج النور وقد ترسوا كروشهم بالفول والتميس .... 
المشرفين على هذه الإذاعات غير خليجيين واسماء مسيحية بعد .. وكأنها أسماء لاعبي كرة قدم أجانب ولا أود أن اذكر اسمائهم على شان ما يفصلونهم وتضيع حياتهم ,,, لأنهم عايشين على الله ثم على هالفلوس اللي تصرف لهم من شغلهم في محطات وإذاعات سعودية ...... 
كل المذيعين إلا ما ندر يتكلمون باللهجة اللبنانية العامية عندهم ويسمعونا لهجتهم وكانهم متباهين بأنهم اصحاب افضل لهجة عربية .... يعني تسمعهم يقولون:: << هاللئ بدنا نسمع أغنيي للفنان وليد توفيق "" عاد يا حبي لهذا الفنان ولو على كيفي كان شغلته معلم شاورما .. وحظه إنه كان من المغنين ايام زمان وإلا كان راح فيها الحين ... وصار يلقط كور....
هذولى المسؤولين عن برامج الإذاعات كارلوس ،،، روميو ,,,, والخافي اعظم بالله كيف يبغون يخاطبون ثقافة خليجية وهم طول عمرهم عايشين في بيئة غير ..... يعني ابغى افهم ما عندهم محطات في بلدانهم يشتغلون فيها ...
المشكلة أغلب المذيعات يضحكون على بعض من الشباب والشابات وبالذات اللي عندهم وقت فراغ ويعطونه موضوع تافه ويقولون ما هو رأيك وراسلنا على 800888 والله ماني حافظ الرقم ... وانا متاكد إن لهم نسبة على كثرة الاتصالات لان الرسالة الواحدة يمكن تكلف أكثر من خمسة ريالات حسب معلوماتي .... لا ويمكن رواتبهم على هالمساكين اللي يتصلون وذابحين حالهم ....
يسمعونا أغنية عايدينها مليون الف مرة وفنان سامج ... ودايما يميلون إلى الأغاني اللي تحمل الطابع الزلماتي ....
فيه مذيع كنت اسمعه من قبل عشر سنوات على محطة إم بي سي ... ولما فتحت الإذاعة قبل فترة وإلا سمعته يطر عيني عينك .. ويخير المستمعين إذا تبغى تدفع بالدولار رقم حساب كذا ,,, وإذا بالريال السعودي رقم كذا .....
وشكل المسكين عايش في غرفة الأثير ويجيه أكله وشربه ومتزوج هو وزوجته وعايشين في نفس الغرفة .. يعني الرجال حاط مزاجه على جنب .... آآآآه ياكرهي لصوته ... لا وتعدى المشكلة للتلفزيون .... يعني بالله مافيه صوت في الوطن العربي إلا صوت هاالمسترزق .....
جميع المذيعات زلمات ويستخدمن اسلوب جذب المستمعين وعلى بالهم إنا رايحين شوارع مع ألفاظهم اللي يستخدمونها في بيوتهم ...ما عدا اللهم المذيعات الخليجيات وهن ندرة امثال خديجة الوعل ورنا وشوفوا كيف لاقوا اعجاب واحترام وتفقوا على تلك الزلمات... ربي يخليهم
إذا فيه مسابقة مثلاُ لإختيار الأصوات عبر الهاتف ،، نشوف المسئولين على البرنامج ينحازون لوضع أصوات زلمات ويقللون من الأصوات السعودية ..... يعني ... حلالنا ويتحكم فيه غيرنا .......
لكن غسلت يدي صحيح يوم شفت دعاية للبريد السعودي وهم حاطين صورة على كل زاوية لشابين زلماتيين وهم يتصفحون كتيب خاص بالبريد .... يومها عرفت إن المرض متفشي ... والصراحة دمعت شوي على الصبح وأنا رايح للدوام من القهر بس لا تعلمون أحد بيني وبينكم ...
أشرح لكم يا اعزائي عن المحللات الإقتصاديات " تحليل الأسهم السعودية " مين يعرف وش جنسيتهم بعد ... الشرح يطول ماودي اعقدكم بعد //// خلوها مستورة ...
أنا ودي افهم هل هذه المحطات سعودية .... أم إنها مشتركة .... على شان اتاسف على الكلام اللي قلته .....
وحياك الله بالأفراح ،،،،،،،،،،،،،،،،،،،، نسيم يطفي الصباح ............ اموت بالصوت ذابحني والله ........
واللقاءات وغيرها , وأنا أتمنى إن الإف إم ما تجي للحفر لأن كلها أغاني .
رد: mbc fm هواها خليجي
العرض العادي
