[align=center][align=center]أعتذرعن الغياااب وأعود لكم بهذه الابياات التي سبق نشرهــا
من قبلي باسمي الصريح ( حمود .... ) أرجو أن تحظى بالقبول ..[/align][/align]
[poem=font="Simplified Arabic,6,green,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black"]
يازيد شفت صويحبي كيف طبعه = غريب ، لكن دايم(ن) يشرح البال
انا مسافر عنه من دون رجعه = لكن يعطـّلني ليا قام يحتال
يردني للحب بايقاد شمعه = واحيان يشعل ودّه وحبّه اشعال
اللغز واضح مايبي منــْك رمعه = مثلك خبير(ن) بالمشاعر والاحوال
هذا حبيبي عنده الفين ودعه = سحره حلال وماأسمـيه دجال
هوايته يعطين قطعه وقطعه = من سكــّره واحيان يعطي بمثقال
له في حياتي لمعة(ن) بعد لمعه = يلعب بميدان المشاعر ويختال
احساسه اقوى من عيونه وسمعه = خلان اغنــّي له على كل موال
وقعت في حبه أوا ( ويّ ) وقعه = مثل الذي بالبير ولّى من الجال
احيان اعبّر عن شعوري بدمعه = واحيان اعبّر بالقصايد والامثال
والحب جوع ولامع الحب شبعه = وطرد الهوى أشد من طردة اللال
قريب لي لاصرت عطشان نبعه = مار البلا لاكبـّل الكف باغلال
المشكله ماهي بسته وسبعه = المشكله ماتنوصف لك بالاقوال
وليا طلبته شيّ لي طق صبعه = ودّه يلبي رغبتي بس يغتال
له في ضميري عبر الايام طبعه = لاتنمحي ولا من القلب تنشال
احسّ لامن غاب بالروح مزعه = بـٌعده يغربلني ثمانين غربال
وقربه حياة وقوة(ن) لي وفزعه = ينعش لي الدنيا وتخضرّ الامال
هذا الهوى يازيد طبعه وربعه = من خلقة الدنيا عذابات واهوال
الله يديم صويحبي رغم طبعه = اقول له لايابعد كل الازوال[/poem]
[align=center]
صح لسانك ودام بيانك
يا حمود ,,,
قصيده رائعه ,,,
سؤال اذا تكرمت : ما دام القصيده نشرت وباسمك الحقيقي ,,, لمَ طرحتها باسم مستعار ,, فالقصيده وافيه ,, وانت وافي ,, وصرحت بنفسك باسمك الحقيقي ,,,
تقبل مروري
دمت بخير
[/align]
[align=center]هلا ياحمود
وأنا كنت مسجل من مدة في منتداكم الزاهي ..
لكن مشاركاتي قليلة ..
وهناك سبب أعادني الليلة للمنتدى ..
وكنت سابقا مسجلا بهذا الاسم المستعار ( عاشق الذكريات ) ..
رغم أنني لاأكتب إلا باسمي الحقيقي في المنتديات الأخرى .. إلا ماندر ..
وقد قررت قبل سؤالك وطلبك أن أكتب طلبا لتغيير المعرف الخاص بي
لتكون مواضيعي ومشاركاتي باسمي الحقيقي :
( حمود المزيني ) ...
وأبشر ياسميّ .. وعسى أن أكون عند حسن ظنك ..
تحيتي لك ، ولكل منتسب لمنتديات حفر الباطن ..[/align]
.
المشكله ماهـي بستـه وسبعـه
المشكله ماتنوصف لك بالاقـوال
وليا طلبته شيّ لي طـق صبعـه
ودّه يلبي رغبتـي بـس يغتـال
له في ضميري عبر الايام طبعـه
لاتنمحي ولا من القلـب تنشـال
العرض العادي
