بالعكس لو كانت امك او اختك او زوجتك بهجرة كان شفنا سماجتك تبي مدرسة ومدرسات !!!
وبعدين ياخي انا ماحددت رد احد ولا عممت كل الردود قلت بعض وواضح انك مافهت قصدي بس سبحان الله بعض الناس يحسبون كل صيحة عليهم
بالله عليك قلي وين موطن التطبيل في مشاركتي؟ والابس عرفت الكلمة وودك تقولها ، او تبيني انون واتباكى مثلك، والغريب ياخي تغييرك للموضوع ليش؟!! وجهة نظر وقلتها ولا بس يعني شوفني انا هنا وبتعلق لو ماقريت وفهمت ؟؟؟
عجبي من بعض الملاقيف اللي همهم التميلح .
اذا تفكيرك كذا تبي مدرسات وتنقلهم وتستفيد منهم اسمحلي هذا تفكير محدود لبعض الناس
مو كل الناس تفكر كذا
اولهم اهلي مستحيل يفكرون بهالطريقة وانا همهم الوحيد كيف اسكن وكيف انتقل للمدرسة وادبر اموري ماعندهم استعداد يتحملون مسؤوولية غيرهم
رد كافي ووافي
لو عينت بمدينة رئيسية حتى لوكانت بعيد عن اهلي وقتها مالي حق للتذمر واحمد ربي مليون مره
زوجتي اتاها تعيين بالخبر بالمنطقه الشرقيه قبل سنتين
وانا ساكن وموظف بالحفر
فرفضت هذا الامر وانا ماعندي استعداد اشتت نفسي وعائلتي من اجل وظيفه بيني وبينها مسافة 500 كيلو وحتى ولو كان التعيين بالصداوي ولا السعيرة سوف ارفض التعيين وانا عارف ان الوظائف التي تكون بعيده عن مكان السكن هي تكون متعبه ومشقه سواء على الموظفه ولا على اهلها ويكفي ان نصف الراتب يذهب الى الطريق هذا من غير عوائق الطريق من حوادث وتعطل للسياره ووالخ وهذا الامر لايعرفه الا من جربه وتعب منه وما عليك من تصرفات وكلام بعض العقول اللي يقولك اسكني بالبطيحانيه ولا بهجرة ساموده ولا في ام عشر
اقسم بالله لو التعيين اتى لأخته ولا زوجته ماراح يرضى بهذا الامر
فلذلك الحمد لله الدنيا بخير واذا راحت الوظيفه عليك بتجي غيرها والله وحده سبحانه وتعالى يرزق من يشاء ومحد ميت من الجوع ولله الحمد وانتي شوفي رأي اهلك واخوانك وامشي مع رأيهم وماعليك من رأي البعض لأنهم ماراح ينفعونك بشيء لامن قريب ولامن بعيد هذا اسأل الله لك التوفيق .
ثانيا
بالنسبة للسكن فيه محافظة اسمها )قبة ( تبعد عن سامودة 70 كيلو وتابعه لمنطقة القصيم
محافظة هادية والسكن فيها مريح لا ازعاج وحقك تاخذينه وزيادة والسبب لانها تتبع منطقة القصيم.
واذا تبين اقرب لمناطق الشرقية الباقية انصحك تسكنين بالحفر افضل وامن والي تبينه تحصلينه..
نصيحة لا تسكنين بالهجر لا مستشفيات ولا وسائل نقل ولا حتى اسواق ولا سوبرماركات
كل الي بسامودة محطتين متقابلات وبقالة نصف الاغراض مو فيها ومستوصف الله بالخير
حتى علاج الافاعي والعقارب مو متوفر عندهم مع انهم اولا بتوفير بحكم كثرة الافاعي والعقارب عندهم
والطريق من الحفر لسامودة 170 كيلو يعني بالكثير ساعتين والصريق عندك سايدن من الحفر الى محطة البطيحانية 90كيلو ومن بعدها الى سامودةسايد واحد 80 كيلو والحوادث فيه اغلبها شنيعه يعني وفاة بالاضافة الى انعدام تواجد امن الطرق بالطريق من البطايحانية الى سامودة.وبالنسبة ﻷخت الي تقولك اسكني بالبطيحانية هذة ماعندها ضمير البطيحانية عبارة عن مجمع محطة بانزين وبنشر وسوبرماركت ومطعم وشقق وغرف نوم للمسافرين العوايل والعزاب والاجانب ماخذين النصيب الاكبر من هالمجمع كلة باكستانين من شركة بلادن بحكم انهم يشتغلون بالقطار هناك.
اختاة..
لم اقل هالكلام الا من واقع ولا تخويف لك
اذا انتي محتاجة هالوظيفة ضروري لازم يكون معك احد من اهلك طيلة الفترة.
او تخلين ابوك او اخوك يشوفك لك زوج يغنيك عن هالوظيفة.
خسارة الوظيفة ولا خسارة العمر او الشرف بسببها.
سويت بحث عن موقع قبه لا مستحيل احس اني بكذا كل مالي وابعد عن الشرقية
اسكن بالحفر اهون عندي نفسيا
لحظه هذي معلومة جديدة عقارب وافاعي ؟؟؟!!!
خلاص مايحتاج تطمنت على المكان اللي انحطيت فيه
لا اصلا مستحيل اسكن بالبطيحانية
اول شي الله يرحم ابوي وثاني شيء انا متزوجة
وثالث شيء لو انا مو متزوجة ماني طايحه بكبد اهلي عشان يدورون لي بس اسم زوج وانقط اي قطه عشان يغنيني على قولك
لحظة توني انتبه لاخر سطر
بردك طبعا يخسى ولا جابته امه اللي بيقرب صوبي شقالولك ان شاءالله
كان عندك كلمه عدله قولها غيرها لا
ولاتظن اني بسكن الحالي معاي امي
ولا في اي واحد فيه خير يجي عشان يكون اخر بيوم بعمره
بتكون موته شنيعه له
ولاتحسب اني بقعد كذا بيكون اصلا معانا سلاح هذا شرط اخواني وزوجي
ام عشر تعينت وحدة من الجماعه فيها قبل فترة وسكنو ببيت دور ارضي وتقول متوفرة بيوت قديمة وصالحه للسكن واهل ام عشر ناس فيهم فزعه وتوكلي على الله واستاجري فيها واذا تبين اتاكد لك بوه سكن او لا حاضرين اذا قررتي الله يستر عليك ويوفقك ويحقق لك كل الاي تتمنينه
اسمعي كلام واحد من اهل الحفر و يدرس بالقصيم و يعرف مناطق ام عشر و سامودا
اول شي الف الف مليون تريليون مبروك على الوظيفه صدقيني التدريس بالقرى مريح جدا يعني بالكثير الساعه 10 الصباح تكونون طالعين ، و الطريق الي من الحفر الى سامودا طريق واسع و حلو و انا جيت معاه اكثر من عشرين مره ، و قبل سنتين كانت لي قريبه تدرس بام عشر و نقلت الى ان وصصلت الحفر ، و انا انصحك بالسكن بالحفر ، لانك ما راح تضيعين ابد كل شي بالحفر موجود ، و السكن رخيص و السواقين متوفرين اضيفي على ذلك في خدمات كـــ اسواق مجمعات و غيره
في محافظه تبعد عن سامودا تقريبا 80 كم اسمها قبه انا ما شفت احد من الاعضاء قال لك عليها
هذه المحافظه حلوة و مناسبه للسكن و هي في طور التطور ، و اهله طيبين و البيوت الموجوده لا يقل عن 200 بيت
اختي انتي هيئي نفسك نفسيا قبل كل شي و بعدين تعالي ، و انتي عندك خيرين السكن بالحفر او قبه ، الحفر افضل لكثره الساقيين و وفرتهم بشكل كبير
مودتي
اذا الله تمم اموري على خير شكله السكن بيكون بالحفر امن
بس المشوار احاتيه ماتحمل الطريق. الطويل اتعب نفسيا
انصحك لوجه الله لاتسكنين بهجره لحالك وماعليك من كلام الناس اهلها طيبين ولا شريرين
انتي انثى وراح تعانين معاناة عند الله خبرها اذا كنتي بغربه ولوحدك
لو سمح الله (الله لايقوله) قرصتك عقرب كيف بتسعفين نفسك بهجره ماحولك احد فيها ولا مستشفى ولا مستوصف زي العالم
او طب عليك واحد من اللي ما يخافون الله سواء كان مواطن او عامل مقيم كيف بتفكين نفسك وانتي لوحدك بهجره ماحولك احد فيها
اسكني بحفرالباطن آمن لك واستر لك وصدقيني مع الايام راح ترتاحين نفسيا بالحفر خصوصا ان فيها مجمعات واسواق ومنتزهات (وان كانت مش ولا بد) ولكن تقدرين تقزرين وقتك لين الويك اند وترجعين لاهلك
وبالنسبه للدوام انا لي 6 سنين ماسك الخط اسبوعيا رايح راد الحمدلله الحوادث قليل وامن الطرق موجود
واحتمال تلقين معلمات من الحفر يطلعون للهجر ذي تطلعين معاهم وترجعين مع السواق وكان الله غفورا رحيما
والله يوفقك لما فيه خير لك ولاهلك
ماتوقع مع الايام برتاح نفسيا فيها سكنت اربع ايام فيها جتني ضيقة
الله يكتب اللي فيه خير لي