[align=center]بسم الله الرحمن الرحيم .
اخواني احبائي امسي عليكم بالخير والفرح والسرور على عودة ملكنا عبدالله بن عبدالعزيز ال سعود حفظه الله ...
اليوم كانت فرحه عامه على شوارع الحفر والمملكه جميعها بعودة ابونا ووالدنا ملكنا اليوم الظهر
بس اليوم وكنا نحتفل بفرحه غير طبيعيه وبصراحه خربت الفرحه من الدفاع المدني اهداهم الله
اليوم امام محطة السطان امام قرطبه واقفين اكثر من 30 سياره عند الاشاره واستغربنا
من الدفاع المدني كان هناك حالة طوارئ عاجله جدا وكلنا نعلم ان الشوارع مزحومه
ولا لك مجال انك تطلع الا بفضل الله ثم رجال الامن وقام احدى سائقي الدفاع المدني
بدعم سيارات كانت واقفه عند الاشاره واكثر من 5 او 6 سيارات صدمت
وكان هذا الموقف بصراحه ازعلنا واغلب السيارات لم تشارك المسيره الجماهيريه العارمه
في الشوارع ....
والله اني حزنت جدا وانا اشوف سيارات الناس تصدم من الخلف ومن الجنب
ونزل احدى السيارات الفخمه مشاءلله تبارك الله اخر موديل وقاعد يصايح بجنب
السياره وهو معاه عائلته والدفاع المدني ماشي ولا همه احد
انا مدري على وشو مستعجلين وجايين من الشارع الستين يدرون ان الشارع زحمه
ليه يجون من شارع الستين في الف شارع فاضي وعلى فكره ان الحاله التي توجهها الدفاع المدني
كانت اخر شي بالستين غريب من محطة الانوار يعني في اكثر من شارع غير الستين يعنيك التوجه الى
محطة الانوار وكان الحاله تصادم عادي لاشي ولا يحتاج الي دفاع مدني او اسعاف الطوارئ......
..............................
وبصراحه كلنا لابد ان نشكر ابناء حفرالباطن على هذه الفرحه والله كل مامريت من جنب سياره صورة
الملك عبدالله مشاءالله لا اله الا الله والله رزقنا بالملك المحبب لدى الشعب وكل العالم وهذا الشي
عارفينه وكانو ابناء حفرالباطن بفرحه غير طبيعيه وانا واقف عند الاشاره سالني راعي جيب جديد من
خارج حفرالباطن يقول وش فيهم اليوم مسيرات ومستانسين ؟ قلت الملك جا اليوم وهذه الفرحه
انشاءلله لثلاث ايام ويقول ماشاءلله والله يحفظ ملكنا ..........................
......................................
واشكر شرطة ومرور حفرالباطن على التنظيم بصراحه عطو الشباب فرصه للفرحه ولا توجد تضايقات
منهم وانا اليوم اضحكني موقف قبل صلاة العشاء في رجل مرور كان بسيارته المدنيه الجيب وكانو في
شباب يرقصون من الفرحه وعساها كل يوم الفرحه وكان رجل المرور يتكلم عن طريق المايكرفون
الي بالجيب وكان يقول لايوقف لايوقف لايوقف اقوى العب العب العب ومتحمس العسكري ربي يعافيه
ويعينه على الكم يوم... بس بصراحه تنظيم ولا اروع تنظيم ولا بالعالم تنظيم ولا اجمل ....
وبالاخير ماقدر اقول اعان الله رجال الامن على الكم يوم الجايه ..
واعان الله صاحب السياره التي التي صدمة من رجل الدفاع المدني..
وابارك للمحطات على الربح من البانزين من السيارات الموجوده...
ووفقكم الله وهنيالكم بملكم.... [/align]
العرض الشجري