اااه ياليت الصدف وعيوننا ماصادفتها
ــــــــــــــــــــــــــ كان ماذقت الفراق وصرت في حـال الخـلاوي
والله اني ماذخرت بكل حاجات اطلبتها
ــــــــــــــــــــــــــ لو تبي هذي قبل هذي واصيـر الهـا عمـاوي
حاتمي والعروق الي اجي منها عرفتها
ــــــــــــــــــــــــــــ بس يكفيها خلاصت بيت فجحـان الفـرواوي
ماحسبنا للحسايب يومها البعض حسبتها
ـــــــــــــــــــــــــــ نشرب الطيبه مثل شربه فناجيـل القهـاوي
الله الله يالحظوظ السود من يمي حدتها
ــــــــــــــــــــــ والله الله وش يزيل الهـم يالقلـب الشقـاوي
قصت بيني وبين القلب وحروفي روتها
ـــــــــــــــــــــ مايوصفهـا الكـلام وشيبـت بالفيـن راوي
((( الجيب والقرناااس )))
الجيب والقرناس وخوة هل الطيب *** تسوى مجالست الحضر فالمدينه
ماسبّهم واعرف انا مابهم عيب *** بس الهوى ياهل الهوى حـد لينـه
عزبه وخيمه والصحاري مضاريب *** والتيس من قبل الضحى صالخينه
ومعلقينه من كراعه على الجيب *** والبـن الاشقـر تونـا حامسينـــــه
شبّت حطب ماهي بشبة عياسيب *** ارطـا وعرفـج يمنّـا حاطبينـــــه
واليا سنت شب الجروم اللواهيب *** قام المقهوي قّرب المـاء بدينـه
ركّب دلال مجلدات المقاظيب *** بغـداد مـن سـوق الحفـر جالبينـه
بيضن تلالا يطعمن المشاريب *** تبعد عـن انفـوس العبـاد الغبينـه
واليا احتمى ماهن يشيل المراكيب *** يحـط كيفـن بالنجـر طاحنينـه
فنجال ونص وردهن يمه قريب *** وجاب البريج وسكـره فـي بطينـه
وحطه على صفه هذيك المهاذيب *** والبن فاح وركـده فـي سكينـه
وجاب الدلال الي يعرف المواجيب *** ثنتين غير الـي بهـن عاملينـه
مجنون كيف ورتب الامر ترتيب *** حـط البهاروريـح هيلـه يازينـه
ثم زلهن لين استوى باخر السيـب *** وحطـه بنـاره ربنـا لاتهينـه
وقال اقدعوا تمر حلو توّه امجيب *** اخلاص من دار الحسا محظرينـه
ثم صب فنجاله ومابه عذاريب *** والله علـى الفنجـال تسلـم يمينـه
مجربن ماهـوب يحتـاج تجريـب *** اي والله انـا كلنـا مجربينـه
مافيه ظيف وكل ابونا معازيب *** والشـاي خـدر والـورق حاكرينـه
وعقب السوالف والقهاوي مطاليـب *** كـل يناظـر للمواتـر بعينـه
نبي نهيّف فوق روس المراقيب *** وانفّرع القرنـاس لاجـل السمينـه
اليا خطفها خطفتن بالمخاليب *** تبري النفـوس الضيقـات الحزينـه
واليا انتهى المقناص جبنا مكاسيب *** والحر الاشقر عقبها مبرقعينـه
ونمشي ونلقا يمّنا فطر شيب *** ومفرود يطرد مـن ورى امـه تنينـه
وسط النفود ولانمر الشخانيب *** نخاف من ظرب الحصـى فالمكينـه
ووساع صدر ونطقنا بالتراحيب *** واعقولنـا هـي العقـول الرزينـه
ياليت لي دورن بغوج الاطانيب *** وانسى حضارات الخـراب وسنينـه
اخير من طرد البنات الرعابيب *** واحدن تسمّع مـن عذابـه ونينـه
ممشاي صح وخوتي للاشانيب *** رجل يصد اعـن المراجـل ياشينـه
((( مـــــع السلامـــــــه )))
مع السلامه مابقا لك معي شين *** كـود الغـلا لاتاخـذه لـو تكرمـت
كانك تبي بالدين خذها على الدين *** وكانك تبيها بالعقل .....?ماتندمـت
لاني عرفت ان كلبونا مساكين *** يامـا علـى حالـي وحالـك ترحمـت
فكر وشوف دروب قلبك على وين *** وشفيك طالع طقتـك... ماتعلمـت؟
والله صافطلك وشفت الطريقيـن *** مانـي عـدوّك لـو كـذا ماتكلمـت
يابوي ربي ماقسم بين الاثنيـن *** وش حيلتـي يامـا ويامـا تعشمـت
مبطي وانا من عام تسعه وتسعين *** ايه اعترف عن شوف غيرك تلطمت
لا عاد لي قلبن ولاعاد لي عين *** ايـه اعتـرف والعـام هـذا تفهمـت
حطيت نفسي بعدها بين قوسين *** عرفـت بأنـه حلـم لـو ماتحلمـت
نضحك على انفسنا واحبك وبعدين؟ *** لاعاد ترجـع للـورى ولاتقدمـت
يابوي والله كلبونا مساكيـن *** مـع السلامـه واتركـن لـو تكرمـت
((( كلن يبيني مضربه )))
كل (ن ) يبين مضربة وألعن إبليس***قلبي نظيف ولا دخل فيه وسواس
الكسب ما هو مليت الخرج والكيس***الكسب كيف بطيبتك تكسب الناس
يا لله جنبنا القلوب المناحيس***ويقطع قصيد (ن) ما نطقته من إحساس
بعض الشعر يشبه بنور الفوانيس***وبعض الشعر نوره مثل نور الأكباس
البارحة حامت علي الكوابيس***ما بين عدوان وقرايب وحراس
للناس شبك وللمدافع متاريس***ومن عقب رأس غليس جاء رأس عباس
وحلوم وهموم وعلوم وهواجيس***والعين عيا لا يجي حولها نعاس
وطرى علي شعر الغزل وامرؤ القيس***وحكمة بركات وصية أبو دباس
الفرق واضح ما يبله مقاييس***مثل الذهب في سوق ترصيع الألماس
وفرخ الحرار يصيد صيد القرانيس***ولا كل حر (ن) يعرف الصيد قرناس
والمعركة ما بين كسب ومفاليس***وعنتر لا منه خسر يوم لا باس
في شاعر المليون للشعر فريس***وأقلامهم شلف (ن) تخضب بكراس
ودقت طبول المعركة والنواقيس***وكل (ن ) لبس في يدينه الدرع والطاس
والفارس للي فاز فيها ابن فطيس***اللي مضارب شلفته ترفع الرأس
اقدر الطيب وأعادي نواميس***وعند العرب شهادة الحق نوا ماس
الله يعطيك العافيه ياريــم
جهد كبير تشكرين عنه وعبدالكريم شاعر جزل غني عن التعريف
جلست معاه في الكويت أكثر من مره رجل لبق متواضع وجدا ً خلوق قرة عين اهله فيه
تشكرين ريم
كل الود
الله يعطيك العافيه ياريــم
جهد كبير تشكرين عنه وعبدالكريم شاعر جزل غني عن التعريف
جلست معاه في الكويت أكثر من مره رجل لبق متواضع وجدا ً خلوق قرة عين اهله فيه
تشكرين ريم
كل الود