صور الفقع بحفر الباطن حصريء من تركي الوايلي

[تركي الوايلي]

بسم الله الرحمن الرحيم

السلام عليكم ورحمة الله وبركاته

تحيه طيبه لكم أعضاء وزوار منتدى عاصمة الربيع

من بشائر الخير والبركه هطلت امطار خفيفه من الساعه الواحده ظهراً وحتى الساعه الخامسه مغرب يوم السبت الموافق 8/2/1431هـ على جنوب غرب حفر الباطن بمسافه 30 كيلو

واثناء رحلتي الى جنوب غرب حفر الباطن مع زملائي واقاربي للبحث عن الفقع ومع هطول زخات المطر الخفيفه و الهواء البارد الجميل

تم ولله الحمد العثور على الفقع من يد تركي الوايلي وتم تصويره لكم وحصري واهديه لجميع اعضاء منتدى عاصمة الربيع وكنت اتمنى لو الاخ ناجي الحفراااوي والاخ الفارس معي اثناء هذه الرحله الجميله للاستمتاع بالرحله والتي لم تخلو من المواقف الطريفه التي حصلت لنا اثناء الرحله الجميله

الان اترك لكم صور الفقع واعذروني تم ايجاد الفقع بشكل قليل وبحث كان سريع ولكن مع هطول المطر والهواء البارد اضطرينا للهرب من زخات المطر والهواء والعوده الى حفر الباطن مع صلاة مغرب هذا اليوم السبت
















أخوكم تركي الوايلي

[الكيماوي]

مشكوور على الإهدااااء يا أخوي تركي
أتحفتنا بهذه الصور الجميله والرائعه
ويعطيك العااافيه
بس متى تعزمنا نتغدى عليها؟؟؟

[تركي الوايلي]

اقتباس: المشاركة الأصلية كتبت بواسطة الكيماوي    مشكوور على الإهدااااء يا أخوي تركي أتحفتنا بهذه الصور الجميله والرائعه ويعطيك العااافيه بس متى تعزمنا نتغدى عليها؟؟؟

هلابك اخوي الكيماوي وحياك الله على المشاركه والمرور الطيب والله يعافيك ويسلمك ياغالي

وبالنسبه للغداء ان شاء الله بنروح انا وياك للموقع ونصلح غداء فقع بالربيع مع براد شاهي بالاجواء الجميله

[فيفا]

ماشاء الله تبارك الله

[تركي الوايلي]

اقتباس: المشاركة الأصلية كتبت بواسطة فيفا    ماشاء الله تبارك الله

حياك الله واشكرك على المشاركه الطيبه .

[دربــ وفا ــى]

[align=center]

مشاء الله
و الخير بقبال ان شاء اللــه اخوي تــركي

ياريت تحدد الموقع و تلاقيني بكره سابقك عليه

30 كيلو اروح يمين بتجاه الحدود أو يسار بأتجاه الفاو .






[/align]

[تركي الوايلي]

اقتباس: المشاركة الأصلية كتبت بواسطة دربــ وفا ــى    [align=center] مشاء الله و الخير بقبال ان شاء اللــه اخوي تــركي ياريت تحدد الموقع و تلاقيني بكره سابقك عليه 30 كيلو اروح يمين بتجاه الحدود أو يسار بأتجاه الفاو . [/align]

هلابك اخوي وحياك الله على المشاركه الطيبه

وابشر بعزك ياغالي ماطلبت شيء

المكان طال عمرك

داخل شبك الامير مشعل من جهة الفاو الشمالي

والمكان طال عمرك بوصفه لك

اذا طلعت من حفر الباطن بمسافه 6 كيلو تقريباً وانت رايح شمال على طريق رفحا تحصل لوحه ارشاديه مكتوب الفاو الشمالي يسار انت اطلع مع هذا الطريق الين توصل للهجره وهي بمسافه 22 كيلو بالضبط قبل الهجره انزل يسار الطريق تحصل عقم ترابي خل العقم على يدك اليمين وامش بالسياره طال عمرك الين يصير العقم امامك ويوقفك بهذه المنطقه حصلنا الفقع

ان شاء الله اني وفقت بالشرح لك

لك جزيل الشكر على المرور الطيب

[دربــ وفا ــى]

اقتباس: المشاركة الأصلية كتبت بواسطة تركي الوايلي    داخل شبك الامير مشعل من جهة الفاو الشمالي

[align=center] مدري بفكر اروح لكن و الله اني لا يمسكوني و اروح فيها

بس شكلي بروح بــ و الله يستر ...

الحين مافيه مكان تقدر تروح له كلها املاك خاصه
يعني يجي ربيع او مايجي مثل بعضه تساوت عندنا .

[/align]

[تركي الوايلي]

اقتباس: المشاركة الأصلية كتبت بواسطة دربــ وفا ــى    [align=center] مدري بفكر اروح لكن و الله اني لا يمسكوني و اروح فيها بس شكلي بروح بــ و الله يستر ... الحين مافيه مكان تقدر تروح له كلها املاك خاصه يعني يجي ربيع او مايجي مثل بعضه تساوت عندنا . [/align]

هلابك اخوي وحياك الله

ياغالي اليوم الاحد رحنا للشبك وحصلنا 2 كيلو فقع ولله الحمد وطبعا ترانا مجموعه شباب وجانا احد الحراس وقالنا ياجماعه الخير لاتدخلون كثير داخل الشبك يعني مثل قولة خلوكم على الاطراف فقط

وخلك ذيب ياذيب وبالتوفيق لكم ان شاء الله

تحياتي لك

[الشمـــالي]

شاكر ومقدر لك واتحفتنا بهذي الصور الطيبة