السلام عليكم ورحمه الله وبركاته كيف حالكم يامعشر الفتوغرافيين مع ان القسم جديد ومافيه معشر للحين المهم اليوم اكيد عارفين أنه أمطار على الحفر قلت لازم يكون لي بصمه وأصور المطر واثبت أسمي في هذا القسم بعد المغرب قلت لازم أصور المطر بأي طريقة كانت بواسطة الــ إن 73 بس حبات المطر صعبه وتبي كاميرا إحترافيه من طقه سوني أو كانون ... الخ وجاي بجوال انت ووجهك تبي تصور وش الحل ياموب القسم جديد ويبي مواضيع المهم جنب بيتنا على العمود لمبه وخطرت على بالي فكرة المطر ماراح يطلع إلا وهو نازل من عند اللمبه والتقط كم صورة بس ماااااش مع جنبها انا وجوالي واتعبث في الإعدادت وأحول على صيغه الأبيض والأسود والتقط كم صورة وحسيت انها راح تجمل في القسم دامه فاضي نوعاً ما وراح تتغاضى عني الإدارة وماراح تعطيني باند قلت أسدحها مابدهاااااش تفكير 7 7 7
موووووووووووووووووب الابداع يأتى من العدم " " بصراحه نتمنى ان لاتحمل كاميرا فالفكره وزاويه التصوير جملت الصورة اضف اليها الابيض والاسود لاشلت يمينكــــــــــــــــ سأحتفظ فيها للذكرى تقبل تقديرى واحترامى
والله فكره حلوه وجديده الف شكر لك يا مصورنا <<< يتوقع لك مستقبل بالابعاد الثلاثيه
روعه تصويرك عجبتني أول صوره يعطيك الف عافيه <= متى يجينا مطر بس وننتظر جديدك ياغالي
اقتباس: المشاركة الأصلية كتبت بواسطة هنوف نجد موووووووووووووووووب الابداع يأتى من العدم " " بصراحه نتمنى ان لاتحمل كاميرا فالفكره وزاويه التصوير جملت الصورة اضف اليها الابيض والاسود لاشلت يمينكــــــــــــــــ سأحتفظ فيها للذكرى تقبل تقديرى واحترامى شاكر تواجدك ياهنوف نجد وشاكر هذا التشجيع وأوعدك ماراح اشيل كاميرا معي فقط من اجل ان اعطي الفارس وناجي فرصه وما أبي أخرب عليهم في الصور الإحترافيه <<< ياشين أذلف أخاف صدقت
يعطيك العافيه أخوي MOB صور رائعه والأروع تصويرك لها تقبل مروري
اقتباس: المشاركة الأصلية كتبت بواسطة غيور على ديرتي والله فكره حلوه وجديده الف شكر لك يا مصورنا <<< يتوقع لك مستقبل بالابعاد الثلاثيه شاكر تواجدك ياغيور ومن ناحيه التصوير لي معه تاريخ أيام ماكنت بزر في الأعياد نجتمع انا وعيال خالي ..... الخ ولازم يكون فيه كاميرا للتصوير طبعا كاميرا (فلم) الحين تطورنا الصوره تتخزن دايركت في الميموري كارد وما يصورهم إلا انا كوني ما أحب أتصور لذلك لاتستغرب هذه الموهبه الفطريه
اقتباس: المشاركة الأصلية كتبت بواسطة هزني رحيلها روعه تصويرك عجبتني أول صوره يعطيك الف عافيه <= متى يجينا مطر بس وننتظر جديدك ياغالي هلا بك ياهزني رحيلها وشاكر تواجدك والله يرزقكم الأمطار في الرياض ويديم علينا المطر ويرزقنا بركته
اقتباس: المشاركة الأصلية كتبت بواسطة فراولة يعطيك العافيه أخوي MOB صور رائعه والأروع تصويرك لها تقبل مروري شاكر تواجدك يافراوله
وتقول لي تصوير N73 مو شي ما شاء الله عليك حاكر التصوير بطريقه حلوه يعطيك العافيه يالغلا..