هنا نتكلم عن معانا يعانونها منذ سنوات وهم فئيه البدون بالكويت ..من كل ما يذكر ( بالخا

[صلاح الحبلاني]

هنا نتكلم عن معانا يعانونها منذ سنوات وهم فئيه البدون بالكويت ..من كل ما يذكر ( بالخاطره )




إذا لك خاطر تعيــش الضياع ،، ولوعــة الحرمان

........... اذا لك خاطر تعيــــش بصفه .. ماتشبـــه الانسان ؟



اذا لك خاطر ، إن طفلك يجي ،، مايشبه الأطفال

........... من اوّل مــاولد والناس تصــــرخ ،، نادوا الدفّان !



اذا لك خاطــر ، تحس بقهر وهموم ،، ماتنطــاق

........... تنام وخاطرك مكسور ،، تصحى خاطرك منهان ؟



اذا لك خاطر ،، تشوف الألم ،، بعيون اهل بيتك

........... امّك خوفـــها يغلــي ،، وابوك بحســرته حيران ؟



اذا لك خاطر ،، تشوف الوجود بعينك ،، مسكّر !

........... تبي تدرس ،تبي تعمل ، ولا تلقى سوا الحرمان !



اذا لك خاطر . أنْ تنبـــذ من الدنيا ،، بلا رحمه !

........... تنادي ياوطن وينك ؟ . عجرت ألقاك بالأوطـــان !!



ابيك تعيش بس ليله ( بدون ) ، وكافي بس ليله

........... تشوف انواع للقســوه ، واشكال ،، وبعـــد الوان



وتستغرب لِيامن شفت ، شخص ينادي بالإسلام

........... لبس ثوب السلف . لاحظ ! ،، ترا ماهو من الأخوان !



سلف يعني / ابو ذر / وعلي / عثمان / والصدّيق

........... سلف يعني ،، تكون الحب ، والإحسان ،والايمان



سلف يعني العطا ، والصدق ومد العون للمحتاج

........... تطبّق كل ماقالـــــه ،، نبي اللـــه ،، والقــــرآن



مهو تصــرخ امام الله والكعبه ،، بصوت ابليس !

.......... ترا هذا البدون ،، مزوّر ،، ودعواه ،، للبطلان



قول آمين ياهذا ،، ابيك تقولها ،، آميــــن

.......... عساك إن كنت ظالمنا ،، تصيبك لعنة الرحمن



إذا انت الملتزم هذي إهي فزعَــتْــك للمحروم

.......... أجل وش نرتجي من ( جاك ) أو عبّادة الأوثان !!



ياخطّاب المنابر .. ياشيوخ الفقه ،، والتوحيد

......... يامن تصدحون الدين .. دين الواحد ،، الديّان



يالخرّاز ، يالنشمي ، يالمذكــور ،، يالهدّه

......... يالأنصاري ، يالشطّي ،، يدويسان . يالقطّان



من الإسلام هالعالم ،، تنام وكلّها ضيقه ؟

......... تصحى تشرب الدمعه .. وتجلس تاكل الاحزان ؟




من الإسلام ،، لا عيشه ،ولا شغله ولا زوجه

......... يروح العمر ماناخذ ،، سوا النكران والطغيان ؟



من الاسلام هذا الظلم ، وصوت الإمّعه ينبح

......... لا تعطونهم غير الأسى ، والذل ، والحقران ؟



من الاسلام ياعالم ،، نموت ارواحنا ، حيّه ؟

......... يخنقنا قهر ،، علاّن ،، ويطعنّا حسد ،، علاّن ؟



( تعدّسنا ) ( بفضالة ) من ( يسنّنّا ) و ( ينجرنا )

......... شياطين ان حكت تحكي ، بِما يملي لها الشيطان



اكيد ان كلّنا يعرف ،، قصّــة إمرأه ماتت

......... لأنها عذّبت ( قطوه ) ،، حشرها الله ،، بالنيران



واحنا من العذاب اليوم ذقنا الصاع والصّاعين

......... خلاص ارواحنا ذابت ، واصبحنا فقط ،، ابــدان



من الاسلام ؟ خبروني اذا هذا من الاسلام ؟

......... واذا غلطان ؟ قولولي ،، تراك بصرختك غلطان ؟



ولا أنسى الوفا واهل الوفا والجود والرأفه

........ بنتٍ من مواري الشيخ ( جابر ) كلّها نيشان



سلام الله ورضانا ،، وامتنان قلوبنا لـَ أوراد

........ شيخه لا حرمنا الغير ،، جاتك كنّها وديــان



جزاك الله كل الخير ،، يا ام الخير والطيبه

......... عسانا كلّـــنا فدوة عيونك ،، شيبٍ وشيبان



واخت الحق وبنت الحق وام الحق فوزيه

.......... وانــا لاقلت ( فوزيه ) تفز قلوبنا ،، عرفــان



شيختنا ،، وعمّــتنا ، وفزعتنا ، وصرختنا

......... كن الجـــود مَــلفعها ،، والطيــبه لها فستان



ماقصّــرتي ياشيخه ،عسا الله ياجرك عنّــا

......... عسا مثواك .. للجنه ،، مع الصادق ابن عدنان



ولا انسى ساجد / وفارس /والنجار / ومبارك

......... ونبيل / وكل من حاول،، يكون لحقّنا عنــوان



يا الله ،، إليك اليــــوم نشكو ضعف قوّتنا

......... مثل ماشفنا بطشتهم نبي بطشتْك يامنّان



بدون ولا لنــا غيرك ،، ياخذ حقّنا منهم

......... نفونا ، صرنا ماندري احنا إنس ، ولاّ جــان ؟؟



وابختم صرختـي للّي سئلني كيف اوضاعي

......... تعب صوتي ولا باقي بهذا الصوت أيْ لْسان



عرفت الحين وش يعني بدون ؟ / وكان ماكفّاك

......... تعال إجلس هنا ،، واصرخ لهذا العالم النعسان



صيح بصوت ياعالم هذا ( انسان ) ياعالم

........ يجاوبك الصدى كذّاب من قال ( البدون ) انسان






لشاعر
فلاح عشوي العنزي

[♥ כـِـِـِّلـِـِم ♥]

مشكور اخوي

[F-15برداوي]

صح السانك يالغالي

[وليف الليل]

والله إنسانياً أنا معاهم , لكن بصراحة البدون بالكويت والسعودية مالهم ولاء ولا انتماء, ولا عندهم القدرة إنهم يتطبعون بطبايع البلد إلي عايشين فيها , لا مسكوا لهجة السعودية ولا الكويت , ولا مواقفهم الوطنية تبين ذلك , بصراحة لو يسفرونهم لسوريا والعراق أبرك لهم , مع احترامي لهم كبشر

[مطلق بن تركي]

صلاح الحبلانى
القصيده معبره
ولكن الموقع سعودى
وهذا يعتبر مخالف لنظام المنتدى لأنه شأن داخلى بالكويت
وياليت تحط قصيدة العنزى فى اى موقع كويتى
والمملكه ماقصرت فى حقوق القبائل النازحه
ولكن نبى منهم مايقصرون تجاه المملكه
اما فيما يخص بدون الكويت فهذا يخصهم
وتوجد مواقع كويتيه حط القصيده فيها
ومنها الشبكه الوطنيه الكويتيه
والله يعين المسلمين


يالخرّاز ، يالنشمي ، يالمذكــور ،،( يالهدّه................. يالأنصاري ، يالشطّي ،، يدويسان . يالقطّان

الشيخ عبدالعزيز الهده متوفى صارله خمس سنوات الله يرحمه

[صلاح الحبلاني]

اقتباس: المشاركة الأصلية كتبت بواسطة وليف الليل    والله إنسانياً أنا معاهم , لكن بصراحة البدون بالكويت والسعودية مالهم ولاء ولا انتماء, ولا عندهم القدرة إنهم يتطبعون بطبايع البلد إلي عايشين فيها , لا مسكوا لهجة السعودية ولا الكويت , ولا مواقفهم الوطنية تبين ذلك , بصراحة لو يسفرونهم لسوريا والعراق أبرك لهم , مع احترامي لهم كبشر

الحمدالله ان الرزق بيد ملك السموات

ولا هو بيد البشر لاكن هولاء ناش شرف النسب واعيال حمايل يعني اصل وفصل ماهم من ناس متجمعه

واذا انت ما تعرف منو هم البدون ترى التاريخ يحكي بهم

واترك الحسد وهولاء بالسعوديه ولا بالكويت معزيزين ومرمين لانهم اصل العرب

كفاان شر الحسد

[صلاح الحبلاني]

اقتباس: المشاركة الأصلية كتبت بواسطة مطلق بن تركي    صلاح الحبلانى القصيده معبره ولكن الموقع سعودى وهذا يعتبر مخالف لنظام المنتدى لأنه شأن داخلى بالكويت وياليت تحط قصيدة العنزى فى اى موقع كويتى والمملكه ماقصرت فى حقوق القبائل النازحه ولكن نبى منهم مايقصرون تجاه المملكه اما فيما يخص بدون الكويت فهذا يخصهم وتوجد مواقع كويتيه حط القصيده فيها ومنها الشبكه الوطنيه الكويتيه والله يعين المسلمين يالخرّاز ، يالنشمي ، يالمذكــور ،،( يالهدّه................. يالأنصاري ، يالشطّي ،، يدويسان . يالقطّان الشيخ عبدالعزيز الهده متوفى صارله خمس سنوات الله يرحمه

السعودي والكويت خليجنا واحد

هنا الابيات تتكلم وتعبر عن رساله ونتمنى لهم كل خير