[align=center]
قصيده أتمنىأن تنال إعجاب الجميع .........[/align]
[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
يوم كل لابن عمه عصب راسه وشاش=شش ياراسي لارحم رحم ابو مجناك شش
يوم جينا للمزاين وغاض الماء وطاش=بانوا هل البل وبانوا هل التيس الخبش
يوم جاكر وذودنا ذود الاجناب استغاش=ذودنا يفرق بفرق البصير من العمش
اربع الذيدان سيقت على ريع مشاش=كن خّدّه زبرقان الحريراليا انبرش
بين صفرا واشعلا كنها طش الغراش =بين ملحا وبين وضحا تقل وجه امغبش
ولّ قلب دقته كنها طلقة كلاش=يوم صيّح"عامري""لعمري" والديم رش
كن تنظام الجماهير واغترها تباش=طقم لولو في ثغر حلوة المبسم بهش
زبدة الاربع ثلاث رقشناهن رقاش=يافهد والرابعه جالنا فيها امخمش
ولو لفونا من هل الوادي الاقصى هتاش=وادي"سبيع"المقدس لفانا من هتش
كان اخذناالاربعه حاضر بحاضر وكاش=ورثنا هي ورثنا دونها لطم الخشش
يا بن علوش البل البل سبيع يا بلاش=هم هل البل دونها ورّدوا خضر النمش
يافهد حنا هل البل مدلهة البواش=دونها ما ينتفخ راس شيخ الا ويفش
دونها كم روس قوم على الرقه تطاش=دونها سوق الرصاص الحمر جيناه دش
دونها كم اشقر بالشبيلي ما يحاش=للنحر رمح مدبب وللعلبا مقش
دونها حشنا السلاطين بالبيض الحواش=ولا انفهقنا لين عوّد غضنف هم جحش
دونها ملعون ابو من يبيها له معاش=غصب ولا بالرضا تفدي دغيش ودغش
دونها شهب المعارك دفشناها دفاش=مثل يوم عريق وطويق ودوارة نعش
وغير وقعة حنو وقعة غراميل الفراش=وهية في جو ساقان بارقها رهش
يا فهد يا ما حلا تدريجهن يوم للسيل ادّحاش=في مدحي عثعث حطه الوسمي منش
في رغد قاع زماليق جيانه تجاش=اشهرين وادهم الغيث فوقه يمتحش
يلعب الزملوق في خايعه لعب الفراش=وام سالم تطلب وابو سالم يبرهش
غادي كنه زواليف سجاد تهاش=من عقب ماهو مثل خدّة الوجه الخرش
كن صوّاك الغضا فيه بوّابة قراش=كن زهر ورده طرابيش ترك تدهش
كن زبيديه ليا صلعت روسه وكاش=روس حجاج عقب حلقوا سود القشش
اول الاربع جهامة مجاهيم تناش=كنهن سهاب نوّ على القمرا غطش
لا نثعن كنهن سبيب ادهم غاد طشاش=وان تتالن كنهن من طوابير الحبش
من زبار الخاطبيه ليا حزم الرقاش=في عروق سبيع نزو المجاهيم اتهقش
مثل ممشى الحافيه خايفه وطي الخشاش=لا امهلن وان عجّلن يلعبن الطرقعش
قطف ما في اوبارهن لأمّ ريحانه عراش=والمذيّل مثل ريش النعام المنفرش
كنهن روس تحاذف غترها في هواش=لا نحوهن عن هواهن وضاميهن جهش
كن بين عيونهن ضوح نار في قشاش=وكن وبرهن يمرخونه بماء عين الوحش
كن فحلهن بينهن يوم جاء يدقش دقاش=وهن من حوله صفوف تجش القاع جش
حاكم يهتف له الشعب كله عاش عاش=كبّروا راســه ولا عاد يحتشه محش
ول يا ملحا تحت ظل السبيعي ماتناش=كنها لاشفتها يافهد ترعى المشش
بنت شيخ لبسوها اسود الخامه قماش=في حداد وعمرها ما تعدى اربع طعش
وثاني الاربع شرارة مغاتير بشاش=كن وبرهنه برشّ من الفضه يرش
كن مرافضهن صياني سلاطين غباش=كن قريش اثفانهن سنديان منقرش
وصف قبّة مسجد سقّفت بالبيلكاش=وصف مردودم سنام على العطّف وقش
كن حس ارغيهن قرشة طفل بقاش=او تضحّك خفرة غازلت راعي بكش
كن بلهان الفحل بينهن يوم استهاش=ثم هدر واضحن خشيع خضيع ماتهش
ضابط افراد لقى وقفة الطابور ماش=فار دمّه ثم عطى الامر "ثابت يا حوش"
ول يا وضحا كنها قطنة تربط بشاش=فوق اصيبع جاهل طش دمّه ثم نش
كنها تحت الذرى من عقب طق الرشاش=جادل دوبه خذاله يابن علوش دش
كنها لا فرّعت مع ظهر حزم تكاش=خفرة ضاقت وذبت عبايتها طفش
لا اختفى بدر الظلام اكشحت مثل الفلاش=وان تبدى زادت النور نور وارتهش
وثالث الاربع من الصفر حلوات الرهاش=كن سمار ازوالهنّه قصور في جرش
تقل ساعة يفترشن ابيض الارض افتراش=روس اصابع حرّة بأخضر الحنا تمش
كن حسك ظهورهنه ذواليق العشاش=بينها القمري بنى له مية عش وعش
كن علابيهن ورزّات الاذاني هواش=قبّعة جندي خفر صوّتوا له وانخرش
وصف قاعة برلمان تلاقوا للنقاش=وصف دمث اردوفهن لا تبدن عقب طش
كن لعوب اذيالهن لاغدى يرعش رعاش=قرن مملوح بليلة زفاف اخته رعش
كنهن نسوة شريف تلاقن بالمقاش=يوم غارن من بعضهن تلاقطن الشوش
ورابع الاربع من الشعل حلوات المهاش=في الدحى كنهن شيوخ مذهبة الجمش
كن وصف الشعل فوق ابيض الخد الحراش=عقد سلسال على صدر ابورمش عكش
كن غواربهن محاريب رهبان نواش=جرة الميسم عليهن تقل مزامير عبّاد الدبش
كنهن ضوح الشفق يوم بارقهن تواش=او كسر ياقوت حدري مصابيح توش
كنهن برشوم وجّ المذهّب في القراش=تغري الضد المناجر والى هّد ابتلش
يا فهد هذي وصوف البل جاشت بجاش=شاعر له فوق عرش الشعاره مدّقش
يافهد جاني على سبكة المعنى خراش=كن بين اضلع خشاي الف جنّي غوش
افرق النقطه عن الفاصله بثنين داش=لا ابو حش الردي لا ابو واليه حش
لا ابوعين عن الشوف لاحقها عماش=لا ابوها اذن عن السمع لا حقها طرش
ذا وتالي القول مثل اوّله واللاش لاش=شش ياراسي لا رحم رحم ابو مجناك شش[/poem]
[align=center]
الشاعر / ناصر الفراعنـــــه
وتقبلوا خالص تحيات أخوكم // الرســـــام[/align]
المواضيع المتشابهه
العرض العادي
