يامدير مستشفى الملك خالد

[هجمة عكسية]

السلام عليكم ورحمة الله وبركاته

في يوم السبت 21/2/1431 هـ كنت بالاسعاف بعد العشاءوالا كم واحد يسألون عن المدير المناوب جاهم ابن الحلال وإسلوبه معاهم شهادة لله مايحتاج قالوا رفض الاستقبال يعالجنا يقولون لازم كرت العائلة لأن اللي بيتعالجون أطفال قال وهم صادقين اللي يقول والله البيت بعيد واللي يقول والله ناسيه بالديرة قال والله ماعندي صلاحيات هذي تعليمات مدير المستشفى وأنا ما عندي لكم حل ووالله بعضهم يكسر الخاطر من كثر ما يترجاه ويقول والله لو إني أعرف أي واحد بالمستشفى كان مشاني بس ما أعرف

وفوق هذا كله أطفال لا ذنب لهم سوى إن أبوهم نسى كرت العائلة لأنهم ما يعرفون أن نظام المعالجة صار لازم بإثبات شخصي.

فالسؤال / هل صحيح لا يوجد عنده صلاحيات؟

ولماذا لا تراعى مثل الحالات هذه ويكتفى بإثبات والده؟

[الحفر عشقي]

فالسؤال / هل صحيح لا يوجد عنده صلاحيات؟
قد يكون صحيح لان الامر من وزير الداخلية الامير نايف

ولماذا لا تراعى مثل الحالات هذه ويكتفى بإثبات والده؟
لان ماعندة واسطة ..

ياخي قبل ماتسئل ,, الاسئلة هذي ,, ليش من الاصل فيه مستشفى حكومي ,, مثل زي الناس ..؟
مستشفى الملك خالد ,, ياخي فااشل بما تحملة الكلمة ..
أطباء ,, والله قهر ياخي ,, اتوقع افشل ناس جابوهم عندنا ,,
امـا ممرضين ,, وبكل صراحة ,, مانبي سعوديين مااانبي ,,
المستشفى امتلاء سعودين ,, والاكثرية ( مو كلهم لكن اكثرهم ) مايقوم لين يدوخ راسك
تترجاء الممرض عشان يقوم ,, طال عمرة ,, ويتنازل ويجي ,,
والله قدامي ,, مايقولون ,, انا شفته وسمعته ,,
الله يكرمك ,, فيه مريض حاطين له قسطرة ( يمكن كذا اسمها ) حاطينها في الذكر ..
والرجال ,, الكيس امتلاء ,, لازم شخص يجي ويغيرة ,, هذا شغل من عمل من ..؟
علموني ,, فهموني ..؟
اناا الي اعرفة ,, شغل الممرض ,, ؟
والله يقول لعامل النظافة ,, رح غيرة وأعطيك بكرة عشرة ريال ..
والله العظيم ياخوان مقهور ,, المستشفى خاصة ,, الاكثرية ماهم كفو يمسكونة ..
ولله الحمد مريضي ,, والله كاد يموت عندهم ,, لكن الله انقذة من ايدنهم الخايسة ..
حسبي الله ونعم الوكيل عليهم ,, حسبي الله ونعم الوكيل ..

[شموخي سبب غروري]

لاحول ولا قوه الا بالله

وش ذنب الاطفال

شكـــرا على طرح الموضوع

[فهد2]

المفروض المستشفى يفتح ملف لكل عائله ويكون احضار كرت العائلة لمره واحده وبعدها يتم اصدار بطاقات ممغنطه لكل فرد من افراد العائله مثل المعمول بها في المستشفيات العسكريه والخاصه .

[اسرار الليل]

غريبه صراحه مو ضروري كرت العائله

ناس مرضى حرام يسون فيهم كذا والاطفال مالهم ذنب

[محمد البرازي]

قد تكون فعلا ليست لدية صلاحيات ..

ولكن يجب على كل من كل في هذه المكانة ان يكون لاا فرط ولا تفريط ..على قدر الاستطاعة

خصوص لو كان كبير سن او امراة ...

[سمو ذااتي]

انا بقولكم شي

المستشفى طاقة مهدرة على كثرة موظفينة ما عندك احد

خسارة الميزانيه اللي تصرفها الدوله لهم

تحياتي للجميع

[خور غنيم]

اولا انشاءلله يبعد كل مكروه عن كل صديق وقريب ومن ناحيت مستشفى الملك خالد حدث ولا حرج وانا من ناس اذمرضت اخليه على يميني ومن بعده اخذ فوق تحت يلبى نور خان لان الانسان من اساسيات العلاج هو عنايه المريض وتهيت الجو له وانا اشوف هذه الخاصيه بالمستوصفات الخاصه موجوده بس

[ناجي الحفراااوي]

نسأل الله السلامه للجميع

وهذي ياغالي هى تعليمات على ما اظن ويجب عليهم اتباعها

لكن لابد من وجود حل لهذا الشي.

اقتباس: المشاركة الأصلية كتبت بواسطة خور غنيم    من ناس اذمرضت اخليه على يميني ومن بعده اخذ فوق تحت يلبى نور خان لان الانسان من اساسيات العلاج هو عنايه المريض وتهيت الجو له وانا اشوف هذه الخاصيه بالمستوصفات الخاصه موجوده بس

بهذي ياغالي اخالفك الرأي فيها كلنا يعلم ان المستشفيات او المستوصفات الخاصه

هى الاولويه لمن جيبه مليان

[العنزي2009]

انا مع اخوي خور غنيم
والله ياأخوي ناجي صار معي مواقف بقولها لك واحكم
دخلت مره قبل 4سنوات على طبيب الاسعاف فتفاجئت بانه كاتب الوصفه فبل ماتكلم واقسم بالله ان هذا اللي صار
والمره الثانيه عمل لي عمليه ناسور اللي صار سوى فتحه تصريف للصديد وترك العله الاساسيه وانا الى اليوم اعاني منها وفي كل صلاه ادعي عليهم

مستشفى الحفر يبي اعاده هيكله ورقابه مشدده على الجميع اداره ودكاتره وممرضين وحتى عمال النظافه

تقبلو مروري