الفود هو طعام فود بالانجليزي
اذكر هذا اللي حفظته بالانجليزية كلمة فود - طعام
على اساس انادي الامريكان بهذا الاسم ويرمون علينا اكياس الفود وتعال شف شلون نركض نجمعه وناكل حتى يقولون فيه لحم خنزير بس ابشرك ماكنت اطيقه <<< يعني مااكلته
وانت تقول نفس السالفة انهم يرمون من السيارات عليكم الفود هههههههههههههه
مثلي اتذكر كنا صغار انا ومجموعة من خوياي كنا نوقف امام فندق الباطن اللي راح يصير مرور الحين
وهذي صورة من الصور اللي نزلتها انت اكتشفت ان موقعها على طريق القيصومة بداية من تقاطع ابوقعر وعرفتها من الورشة اللي يمين الصورة وهي ورشة كانت تسمى ورشة الدوسري كانت على الطريق قبل الفندق الباطن :
المهم تمر امامنا قافلة من سيارات الامريكان وننادي فورد .. فود ...فود وهم يرمون الاكياس
من غبائنا كنا نشوفهم يصورونا وحنا ماحنا يم التصوير ندور الاكياس <<< اتوقع صورتي الحين بالبيت الابيض :)
المهم مرة بنفس الموقف مرة قافلة رايحة من شرطة الحفر الى الدمام ونزلوا علينا العسكر والله لايوريك دبغونا دبغ
عاد خوياي من الخوف يرمون العلك من جيوبهم وانا القط وراهم هههههههههههه
ايام كانت روعة كنا صغار مانعي هدف تصويرهم ولكن وقتها ما نبي الا الفود ذا هههههههههههه
اتذكر نزلت طائرة هيلكوبتر في مثلث ابوقعر نزلت اجباري مافيها وقود ووجيت وجلست بالطيارة كنى اقودها علي الخوذة وهم صوروني مستانسين اذكر حرمة ورجال امريكي صوروني وانا مستانس مدري وش السالفة <<<<شكل صورتي الحين بواشنطن ههههههههه
وعطوني كرتون فود ولمبات مضيئة اللي تضربها بالارض تصير مثل النجفة تضئ
المهم عطاني الكابتن حق الطيارة ذكرى وهي علامة عسكرية كانت على كتفه وللحين هي عندي لسلاح الطيران الامريكي ومكتوب اسمه ( جون بولي )
شكرا مبارك
انا اذكر الصاروخ فقد كانت بنفس الشارع وكنت قربيا من المبنى المستاجر لمقر نادي الباطن وهو الان مشغل وكان ذلك يوم الخميس وحاصل عند الساعة العاشرة و النصف تقربيا حيث ضرب الصاروخ الورشه وكنت اتوقع ان زلزال وقع وانا بالسيارة وفجاة خرج دخان كثيف من الورشة يف تغطى الاسفلت بالحجارة وقطع الحديد وانا اول شخص وقف على الحادث علما اننا مجموعه نسكن مع بعض في هذه الفترة وفي نهاية كل اربعاء يسافرون الى اهلهم بالقصيم الا انا و احد الزملاء نبقى بحفرالباطن لظروف ولكن ربي سبحانه وتعالى هو الحافظ بصراحه كنا نعيش في رعب مدينه تم اخلائها لاتجد احد فيها سوى الجنود وممكن يطلق عليها مدينة اشباح لكثرة القطط التي كانت تمشي خلفنا ميتة من الجوع الله لايعيد تلك الايام
الله لايعود الشر
بنسبه لمكان الصاروخ كانت ورشه سيارات وكان واحد من جماعتنا سيارته موجوده بعد جمس خربانه يوم صلحوها اختلفو صاحب السياره والعمال علي السعر وطلعو من الورشه جميعا وخلاها وكان يوم الخميس الساعه تقريبا 10 وكان عندي موعد بالمستشفي لفك خياطه بالرجلي بس مارحت وفكيتاها في مستوصف القريه الي حنا فيها ولحمدلله اني مارحت لموعدي وصاحب السياره احترقت سيارته
اما الطعام الي يحذفونه علينا كنا نعد ي ونركض يمه زيين موبس انا لحالي وكنانقول اذامروقودمان الاانا اقول ددمان خطا لفضي وذاقمنا من النوم نلقا اكياس بنيه واجد وراء البيت وصندوق كبير مليان اغراض وسراير تصفط وفيه الاضاءت وكان فيه مع اختي اخذت شي من الاغراض ومكتوب بالانجليزي اضغط هنا وهي تضغط وتطلع ابره وتطز يده وديناها للمستشفي وعلمناهم السالفه قالو هاذي الابره اذا جاء كيماوي مايجيها شي وحنا نقول ياحضها
وقصص جميله بدراسه وبعد مارجعنا اذكر كان الكاشي حق البيت اسود من النفط وكانو ناس كويتين الله يذكرهم ساكنين فوقنا يوم طلعونا رحنا لاقرب قريه (ام عشر)يالله ايام ذكرتوني بايام الغزو ايام الطفوله كنت بسادس