[align=center]لا لا تظن انك بهالقلـب مرغـوب
غيرك خذى هالقلب واشفى غليلـه
حبك ذبحني يالغضي كلـه كـذوب
لا لا تجـي مابيـك دور بديـلـة
وين انت يوم القلب في حبك يذوب
وين انت يوم الحب وحدي اشيلـة
تعبت انادي واسلك دروب ودروب
تعبت ابيك ولابقـى مـن وسيلـة
سالك دروب الصد ومقفـل البـوب
ودرب الوصل ماعـاد ودك تجيلـة
واليوم راجع ودك تصير محبـوب
راحت عليك القلب حصـل خليلـة
انت السبب بالوضع لاصار منكوب
وانت الذي خليـت فالحـب ميلـة
ولاهو بأنا اللي يلبس الثوب مقلوب
ولاهو بأنا اللي بنت بتهـد حيلـة
حب (ن)بلا معنى من القلب مسلوب
حـب (ن)بليـا حـب لا مانجيلـة
اللي يبيني يبشر بحـب واسلـوب
فيه الدلـع والحـب بأخـر مديلـة
واللي نوى يدخل على القلب بلعوب
والله لأشب النار واحرق حصيلـة [/align]