هذي قصيده وصلتني من احد الاصدقاء طبعا هو ماقالها لكن ايضا وصلته وهي قصيدة مدح بستة رجال .... كلنا نعلم ان سرقة السيارات ظاهره انتشرت والعياذ بالله منها في منطقتنا ولا يفعلها الاَ ضعاف النفوس ...
طبعا شرطتنا على المرور ماعندك احد انهم يلقون السياره ولقوها اصحابها بعد مرور شهرين من سرقتها(هذه القصه حسب ماوردتلي طبعا)
وإليكم القصيده
[poem=font="Simplified Arabic,4,white,normal,normal" bkcolor="coral" bkimage="" border="double,9,sienna" type=2 line=0 align=center use=ex num="0,black"]
[align=center]
يالله ياعلام بي كل ماكان
عالم خفايا كل ماكنت ناويه
الواحد المعبود خلاق الانسان
هو عالمٍ بالسر وماكنت مخفيه
خالق جميع الكون انسٍ مع جان
سبحانه القهَار فصل نواحيه
سبعٍ رفعها فوقنا بغير عمدان
وسبع هبطها لدَواب وخطاويه
وليث الرجال اللي انخلق ابن سلمان
إمكازي اللي كل عزٍ يباريه
ماشيف في دربٍ خطى ودرب نقصان
حرٍ تعلا يصنع الطيب بيديه
بيته محل الطيب لاشك عنوان
وانا اشهد ان الطيب نقطه بمعانيه
والقول عندي له دلايل وبرهان
مااقول انا قولٍ واعود ابمحيه
يم الجحيشي لا توجهت بزعان
كل كربتن تنحل إليا جيت ناويه
الاسلمي ماله مع الناس عدوان
لاشك خايب كل منهو يعاديه
مايجحده شمس الضحى كل بردان
مايجحده مادام ضوه يدفيه
الصدق يبقى لو على مر الازمان
ماينسا لو كنت ناوي تنسيه
يالمعلم المعروف ياقصر برزان
فيصل إبن ضاري تبيَن مواريه
البير يروي كل من جاه ظميان
وإبن طواله يروي من جاه ناخيه
يشب ناره له شعايل ودخان
ريح القرنفل خالطه من نواحيه
الكيف لأهل الكيف صبه بفنجال
يبرا به الخرمان ريحة قهاويه
ان قلت منبع عز ماني بغلطان
وان قلت وين العز عزه مراكيه
تشهد له افعاله ولاينكره لسان
فعله مبين كل عينٍ تراعيه
ان جاه وقت اللين مع جيته لان
وان جاه وقت العسر شدت يمانيه
يقبل على المقبل ويرفعله الشان
ويدبر عن المقفي ويبعد خطاويه
ماضر جاره ولا حكابه ببهتان
ويطلع العذر الحلو من مخابيه
ايرحب بربعه بعذبات الالحان
ياحي منهو إن ضاري يحييه
موزون قوله مايبي قوس ميزان
ماينطق الا مايبيَن معانيه
مادس سمه حدر ترحيبة لسان
مثل الفتيني بقلبه الحقد يطميه
يفرح اليازل الخوي وصار خسران
طبع مشى به خايب العلم يغليه
ويزعل إليا قالوا نخيناك يافلان
يذل منهو عانين له وناصيه
لا شك ماهو زابنٍ ابن سلمان
نجم الثريا لو يبونه يدنَيه
ذيب الطنايا من سلايل كحيلان
عز الله انه من حموله تقديه
ماطالبوا على جميله وعرفان
الكل منهم الحميا تخاويه
ياحظ من حط الرفاقه له اعوان
ماعاد يشكي للجماعه بلاويه
مهوس وابو ظاهر وأعد ابو سلمان
وخلف وابو ضاري وحامد يخاويه
ستة رجالاً تقهر الإنس والجان
مصنع رجالاً واشهد الطيب جانيه
رفقه إليا جاء الوقت لفه وميلان
تعدهم اطناب بيتن تعليه
وإن مال بي حلو الدهر وإغتر وشان
وغير معاي الوقت انحى مباديه
يطريلي اللي يزرع النار بستان
ساير ابو ظاهر ومحلا طواريه
يبعد هموم الصدر لاصرت زهقان
مايترك اللي زايد الهم طاويه
ابن الشعف والفخر وياه سيان
هي الحميا هو بلاها وتبليه
انا اشهد انه بمورد العز مليان
كساب طيب ولا قدرنا نجاريه
مثل سباق الخيل في وسط ميدان
من بيننا هبهوب غربي يسريه
لا حل طاري الوفاء بين الاعيان
هو الوفاء من يوم صغره مخاويه
ماهو بغدارٍ ولاهو بخوان
هي عادته عن كل مكروه تنهيه
شجاع من شجعان من راس شجعان
ماهز جفنه لو الامرار تاتيه
هو راكب راسه ثلاثين شيطان
ولايذًي إلا من تعمد يأذيه
يالشبل الابتع ياسمي طير حوران
يالهَامه ياللي مولي معاديه
يالصل الاسود يالحنش يالشَيهان
يالحيد ياللي ماتزحزح مبانيه
يالدامي اللي منظرك شد الاذهان
حدر المخيل ودربك البرق يضويه
هذا ابو ظاهر سند كل شفقان
وكل من ذكرته بالمزايا مساويه
ربعٍ لهم مني تحيه وعرفان
ولا واحدٍ منهم مديحي يكفيه
صاغ القصيده يمهم إبن مشعان
يبيَن لهم مابالظماير مخبيه
وصلاة ربي خالق الانس والجان
على النبي اللي تبعنا خطاويه
[/align][/poem]
وسلامتكم وصح لسان قائلها
العرض العادي
