ساعدوني

[همس المحبة]

السلام عليكم
أبقول لكم قصتي وأتمنى أنكم تساعدوني بحلول أوتدعون لي
أهل زوجي حيل مسيطيرين على حريم العيال
يعني أكثرمن 5حريم عيال بنفس البيت من غيرأمهم
ونمسك الطبخ بوجود بنات لهم ونغسل المواعين اذا خلصنا حتى لما جت الخادمه مايخلونها تطبخ
وألحين بناتهم المتزوجات يجون يقعدون بالأسابيع عندنا مايساعدنا بشي بس اكل وسوق وضحك بفلانة وفلانة اللي هم حنا ويدخلون شققنا ويفتشونها ويعاملونا وبربي خدم ومن غير اللمز والهمزفينا اللي تعور القلب
وعلى فكرة أبوزوجي وأمه بناتهم كل وحدة بيت و3 حردن عشان يحطون لهن بيت
هذا غيض من فيض
تكفون بصروني وش نسوي
والله أني أدعي ربي عليهم من حر مافيني أن ربي يوريني فيهم بالدنيا اللي يكرهون

[ساجدهـ]

الله يعينج معقوله للحين في ناس بهالعقليه!

طيب اقنعي زوجج يطلعلج بيت بروحج

والا اصبري وحاولي تكسبينهم بصفج بطيبتج واخلاقج والطيب بالاخير يكسب لاتنسين انهن امه وخواته ان صرتي منهن قريبه تاكدي انج اقرب لزوجج واحتسبي الاجر عند الله

[همس المحبة]

جزاك الله خير أختي يسجد قلبي لله
بس بصراحه أمه وخواته حيل قويات ولاينفع معهم طيب
وانقهر لما أشوف يرضون علينا اللي مايرضونه لبناتهم وهم ذلونا بهالزواج
وبناتهم ولا وحدة بصفنا
ورجالنا ضعاف شخصية حيل قدام أهلهم
الله يعينا بس

[جروح الذاكرة]

وهذا هو الصبر على المكاره ، إذا كنتي تبحثين عن الأجر وتدعين الله بين الحين والآخر على أن يبدل سيئاتك حسنات فرُبما إختار الله هذا النوع من الصبر وسيلة لتنالي من خلالها على مُرادك . إحتسبي ماتتعرضين له عند الله ، ولا تلقي بالا ً لما يُقال تجاهك ( إذن طين وإذن عجين مثل ما يقولون )، فسكوتك يزيدهم غيظا ً لذلك إستمري في السكوت . وتأكدي بأن أكثر البيوت فيها من المشاكل مالله به عليم . وأنا على يقين بأنك لو رأيتي مصيبة غيرك لهانت عليك مصيبتك . وكلي أمرك إلى الله ، وإدعيه بأن يحفظك من كل مكروه .

خالص الدعاء لك بالتوفيق وأن يكون القادم من الايام في صالحك .

[بـيلــسآن]

وش مصبرك على هالعيشه ! :(
اقنعي زوجك يطلعك ببيت بروحك
ولا لاتسكتين لخواته امه حق وواجب تحترمينها بس خواته خير ان شاء الله ردي عليهم ولاعليك
اهم شي زوجك لاتقصرين معه والبقيه منتي ملزومه فيهم
,،
والله يصبرك ان شاء وتزين امورك
احتسبي الاجر واكثر من الاستغفار وربي يفرجها .,

[شموخ داعيه]

[align=center]اختي همس المحبه قولي الحمد لله0000 اختارك الله وابتلاك لأنه يحبك00
الأمر كله يعود لزوجك لزوجك لزوجك 0000 لاتحاولي ربط الأم والأخوات
بما إن زوجك يريد ذلك وفي حال أن زوجك لايريد فهو الذي سوف يخرجك من مأزقك فقط كرسي حياتك له ولرضاه
همسه لأخت الزوج (هل من المعقول أن تعيشي حياتك في لحظة تحطمي حياة اخيك)ليس من المعقول
زوجة الأخ ليست خادمه فهي تريد أن تعيش كما تعيشين أنت وزوجك0000
همسه في اذن الزوج ( زوجتك أمانة في عنقك ومن حقها أن تعيش كما عاشت اختك وغيرها بادر بإسعادها فسوف تسعدك000
اصبري اختي ماتضيق إلا تتسع واهرعي الى مولاك في الثلث الأخير من الليل بأن يسخرهم لك فهو معينك لاسواه 00[/align]

[همس المحبة]

جروح الذاكرة
بيلسآن
شموخ داعية
الله يعطيكم ألين يرضيكم ويجعل حياتكم كلها سعادة
أزواجنا حيل ضعاف عند أهلهم وأنبحت أصواتنا وحنا نتكلم ولا يسوون شي
والله أننا نشيل هم الرمضان قبله بشهور من الشغل وخواته والله نوم واذا جا وقت الفطور جوا وأقلطوا على السفرة
والله تخيلوا كل بناتها عندهم خدامات وحنا بالموت جت وحدةللبيت ولاتساعدنا بس لها ولبناتهاتقول أنتن وش عندكن غير حاطات أيديكن على خدودكن من الفضاوة وحنا نطبخ لهم وننظف شققنا وعيالنا مايخافون من الله
الله يعوضنا بعيالنا والأيام الجايه أحسن

[Captain]

إذا عرف السبب بطل العجب !

* هل زوجك لديه القدرة المادية أن يفتح لك بيت مستقل ؟
* هل والدين زوجك مرضى أو كبار في السن وهم في حاجته قريباً منهم ؟
* هل زوجك موظف بالحفر وعمله يسمح له بالتواجد عندك يومياً أو يداوم يومين ويطلع يوم مثلاً ؟
* هل شرحتي مشكلتك مع زوجك سراً ؟ وبالتي هي أحسن ؟

في الختام يجب أن تعلمين بأن طرح المشاكل في المنتديات لايؤدي إلى حل مطلقاً
وربما يكون سبب في زيادة المشكلة

[خــ ج ــل]

مادام لج شقه اقعدي فيها لاتنزلين عليهم..الا في وقت الضروره..

وبالنهايه المفتاح بأيد زوجج هو اللي يقدر يحل هالمشكله...

[تركي الوايلي]

اقتباس: المشاركة الأصلية كتبت بواسطة همس المحبة    السلام عليكم أبقول لكم قصتي وأتمنى أنكم تساعدوني بحلول أوتدعون لي أهل زوجي حيل مسيطيرين على حريم العيال يعني أكثرمن 5حريم عيال بنفس البيت من غيرأمهم ونمسك الطبخ بوجود بنات لهم ونغسل المواعين اذا خلصنا حتى لما جت الخادمه مايخلونها تطبخ وألحين بناتهم المتزوجات يجون يقعدون بالأسابيع عندنا مايساعدنا بشي بس اكل وسوق وضحك بفلانة وفلانة اللي هم حنا ويدخلون شققنا ويفتشونها ويعاملونا وبربي خدم ومن غير اللمز والهمزفينا اللي تعور القلب وعلى فكرة أبوزوجي وأمه بناتهم كل وحدة بيت و3 حردن عشان يحطون لهن بيت هذا غيض من فيض تكفون بصروني وش نسوي والله أني أدعي ربي عليهم من حر مافيني أن ربي يوريني فيهم بالدنيا اللي يكرهون

وعليكم السلام ورحمة الله وبركاته

يا اختي الفاضله يارعاك الله وحفظك الله

كلامك هذا يعتبر سر من اسرار الحياه الاجتماعيه لمنزلك

والمفروض ماتكتبين وتنقلين هذا الكلام بالمنتديات

فأنتي محاسبه على كلامك هذا

وفوق ذلك هذا مايجوز

وليس بهذه الطريقه تحلين مشكلتك

اتمنى تحلين مشكلتك مع زوجك او مع اهلك

وفقك الله .