كروسان 2010 &&& بعجينة الخيال

[وجودعبود]

[align=center]السلام عليكم ورحمة الله وبركاته
كيف حالكن خواتي إن شاء الله بخير
اليوم جايبه لكن هدية من نوع آخر
تدرون وش الهدية
الهدية عبارة عن طريقة لعجينة الفطاير أنا أسميها العجينة الخيال عندي كذا طريقة للعجاين وما أرتحت إلا لهالعجينة
أنا آخذتها من وحدة في منتدى الله يجزاها الجنة ووالديها ومن يعز عليها
المقادير هي / 3 كاسات طحين كويتي ، 3 ملاعق كبيرة سكر ، 3 ملاعق كبيرة حليب ، ملعقة ونص ملعقة صغيرة خميرة فورية ، نص ملعقة صغيرة بكنج بودر ، ربع ملعقة صغيرة بكربونات الصوديوم ( البيكربونات لقيتها عند سوبرماركت العزيزية )ملح ناعم
نخلط المقادير الجافة وبعدين نضيف عليها ربع كاس زيت ، علبة زبادي ، نص كاس ماء
نعجن المقادير السابقة زين يعني مافيه نعومة بالعجن خليك شديدة وشرسة خخخخخخخ
اتركيها ترتاح ساعة وبعدين سوي فيها أنواع الفطاير والبيتزا
العجينة هذي عجيبة فعلا مستحيل تخرب
كلمة روعة قليلة في حقها
أنصح كل مبتدئة بالمطبخ فيها راح تصير شيف على طول ههههههههههه[/align]

[align=center]وفيه عندي من زمان مشكلة مع الكروسان
المشكلة إن فطاير الكروسان كل وحدة تطلع شكل يعني وحدة كأنها قرون ثور ووحدة كأنها قرون تيس ووحدة كأنها قرون غزال خخخخخخخخ
وأبو الشباب دايما يتمسخر على هالأشكال
والسنة هاذي لقيت الحل
لقيت في منتدى طريقة لف فطاير وطبقتها وطلعت حلوة
وطبعا قلت لأبو الشباب هذي( كروسان 2010 ) وإذا سأل عن طريقتي الأولى أقول يا قدمك هذيك طريقة قديييييييييييييييمة ما عاد يسوونها وصدقني فديته >>>> ( إن كيدكن عظيم )
الطريقة تعجنين عجينة الخيال وبعد ما تخمر نكورها ونتركها ترتاح [/align]
[align=center][/align]

[align=center]وبعد كذا نفردها بشكل بيضاوي ونقصص أطرافها من جهة وحدة والجهة الثانية نحط الحشوة عبارة عن جبن مثلث وشرايح زيتون بالفلفل ( يجي جاهز بعلبة )
ونلفها على شكل أصبع مثل الصورة وندهنها بالبيض ونرشها بسمسم (مسمس على قولة شغالتي خخخخخخ)
واخبزيها بالفرن من تحت ومن فوق
وبالهناء والعافية [/align]
[align=center]إذا أعجبتكم العجينة لا تنسون تدعولي [/align]
[align=center][/align]
[align=center][/align]
[align=center][/align]
[align=center][/align]
[align=center][/align]
[align=center][/align]

[وجودعبود]

[align=center]نسيت أقولكن أذا بقا شي من العجينة لا ترمينه
سوي فيها أي نوع ثاني
أنا اليوم باقي العجينة سويت فيها خلية وحشيتها جبن مالح مخلوط مع زعتر وأسقيتها شيرة وهذي صورتها
الخلية طعمها جنان لكن الصورة ظالمتها [/align]
[align=center][/align][align=center][/align]

[هجير]

وفيه عندي من زمان مشكلة مع الكروسان
المشكلة إن فطاير الكروسان كل وحدة تطلع شكل يعني وحدة كأنها قرون ثور ووحدة كأنها قرون تيس ووحدة كأنها قرون غزال خخخخخخخخ



يالبى قلبك ياوجود


انا عجينة فطائري تقريبا زيك بس مااحط لابكربونات ولازبادي ولابكنق باودر ههههه


مابقى شي


الله يعطيك الف عافيه ياوجود من جد انتي ------- رائعه ------

[وايـ ـلـ ـ ـيه]

ماشـــــــاء الله ,,
يعطيك العافيـــه وجود,,

فعلا كثير من البنات عندهم مشكله
في طريقة عمل الكروسان,,

أما كروسان بالشوكولاته يطلع طعمه خيال,,

هجيــــــــر,,الله يهداك حدية حيوانات مو كروسان,,


يعطيكم العافيه,,

[شموخ داعيه]

الغاليه وجود اسلوبك جميل ومحبب ويجبر الواحد يقرا
اما بالنسبه للفطاير ماعليها كلام روعععععععععه وهذي عجينتي المفضله بس بدون بيكربونات
تسلم يدياتك 0000
خليك شرسه 00000
مايبي لها وصاه

[هجير]

هجيــــــــر,,الله يهداك حدية حيوانات مو كروسان,,


اختي وايليه شكلك ماقريتي موضوع وجود عدل

[شقاؤتي رمز حلاؤتي]

جناااااااااااااااااااان خيتو
نتمنئ المزيد

[حوووور]

يسلمو ياعسل

ماننحرمش منك

[روووحي تحبك]

فكره حلوه مع الكروسااااااااااااان<<<<<<<<فيها غش >>>>>>>>>ههههههههههه

يعطيك العااااااااااااافيه

[لينو]

تسلم اديك يا وجود عبود

طريقه جنان للعجينه .. تسلم اناملك عليها

بالنسبه يا صبايا لشكل الكرواسون ولان كلكن عم تتذمروا من شكلها

من الافضل لما تفردو العجين تكون مستطيله وبعدين بتقطعوها على شكل مثلث

وكل مثلث بتحطو بطرفها العريض الحشوه وبعد هيك بتلفوها لحتى توصل للطرف الرفيع

وبتحاولو تميلوها شوي يعني تصير على شكل قوس

وبهيك بكون شكل الكرواسون حلو ومتساوي

وان شاء الله بكره بعملكن كم حبه وبفرجيكن اياها

وجود عبود اصبح ركن المراه لا يستغني عن وجودك

لك مني كل الاحترام والتقدير