اخذيني اليا عجبتك بس رديني

[باتريسيا]

اخذيني اليا عجبتك بس رديني
وان ما عجبتك خلاص اخذيني ما ابيني
ما دامني شفت فيك الطهر والعفة
بعيف نفسي اليا منك كرهتيني
اخذيني لو اعتبر من ضمن اشياءك
وانا بحبك ولا لازم تحبيني
لا ابي علاقة ولا ابي نظرة وبسمه
احساسي اني بقربك بس يكفيني
ولو اني انضفت لأشياءك غصب عنك
طلي علي يا غناتي لا تخليني
تراي لاجاء المصامد ما ني بهين
تقول كن العرب لعبة بيديني
شخصيتي من غرابتها وطيبتها
كن الزمن في تحدي بينه وبيني
اخذيني الشاعر اللي ما صدق حظه
لاقلت يا حظ وينك قال ياويني
اخذيني المبدع المتفلسف ألتحف
هموم وتضحك على العالم شياطيني
شهرة شكسبير وأفلاطون ونيوتن
لاقلت لي بيت شعر تطيح من عيني
واخذيني العنصر اللي صدق متعنصر
من دون ربعي لو اقطع شراييني
واخذيني اللي اليا منه طلب يعطى
وتكفين لامن طلبتك لاترديني
تكفين يا غايتي يابهجة الدنيا
ابحرق قلوب ناس ما تدانيني
اخذيني بكل شوق وقولي احبه
وان شككوا فيك والا في ضميني
قولي سعد والله انه غالي جدا
ويا جعل فدوه شبابي واخر سنيني
وانا بصدق كلامك واعتنز بالله
وباقول للناس ما يعنيك يعنيني
وانا علي نذر ما أرخص جيتك
وانتي نذر على رقبتك انك ما تخليني

[حطموكـــ ياقلبي]

باتريسيا مشكوره على المشاركه الرائعه ونا على فكره من عشاق هذا الشاعر الجميل المتذوق معنا الشعر الحقيقي والله يوفقك ويعطيك العافيه ودمتي بود واحترام ,,,,

[باتريسيا]

اقتباس: حطموكـــ ياقلبي

من حسن حظى انه اعجبتك

شاكره لك حضورك الحلو

الله يعطيك العافيه

[الرحال]

تحياتي وتقديري لك اختي الكريمه // باتريسيا

ومشكوره يا عزيزتي على هذا الاختيار المميز لاحدى روائع الشاعر // سعد علوش

وكلي امتنان وعرفان لك نظير وحيال جهودك المميز في كل ارجاء المنتدى

بارك الله فيك سيدتي الكريمه

تقبلي ودي واحترامي