[poem=font="Simplified Arabic,4,white,normal,normal" bkcolor="coral" bkimage="backgrounds/10.gif" border="double,9,sienna" type=0 line=0 align=center use=ex num="0,black"]
آه يايمّه والكلام يضيع في حضرتك يمّه
والثمينه عند طيبك شفتها ماهي ثمينه
وكل قمّة عند راسك لا حشا ماهي بـ قمّه
يالله انك لاتهين الراس يالله .. لاتهينه
ودي احكي عن غلاك وخايف اني ما أتمّه
فيك يمّه مايتم القول لو طالت سنينه
مايوفي لو ألمّه وانثره وأرجع ألمّه
الشعور المنتثر بالأرض يا أرض السكينه
من نسم صدرك يضيع الورد يوم أني اشمّه
آه يمّه من نسمك البادية تصبح مدينة!!
والله اني كل هم بالحشا ماشلت همّه
خابر انّك تجرحين الهم دوني تجرحينه
يامهمّه يا عظيمة يا عظيمة يا مهمّه
أوعديني دمعك اللي فوق خدك تمسحينه
ارمي اهمومك عليّ وكل هم منك اضمّه
مستعد اخسر حياتيّ! بس .. ماشوفك حزينه!
لا حظي قرب المسافه بين شرياني ودمّه!
انتي اقرب منها وأعظم حنانك من حنينه
كيف ما أحبك ؟ وأنا اللي كل ما قلت آه يمّه
تركضين بكل شعور وجرح قلبي تجرحينه[/poem]
ودمتــــــم للنــــــــود
العرض العادي
