.. ذبحني الشوق بغيابك ..

[جودي الهلاليه]

أنا اللي كل ما صكيت في وجـه الجـروح أبـواب
لقيت إن الحزن كاتب حروفـه فـي دواوينـي ..

زمانك يالحـزن سـل العيـون وجـرَح الأهـداب
كتمت بداخلي عبـره قبـل ماتبـان فـي عينـي

رفعت أصحاب ويوم أزريت خساره مالقيت أصحاب
وصلتـك والألـم شـلال تـوزع فـي شرايينـي

إذا كنت بحياتك سطر وجودك بحـد ذاتـه كتـاب
يهون الجرح لعيونك يا أجمل شـي فـي سنينـي

تعال أرجوك لاتبخـل تـرى ليـل الشتـا غـلاب
ذبحنـي الشـوق بغيابـك متـى ودك تدفينـي ؟

وشف حزنـي تجاهلتـه وبدلـت الثيـاب اثيـاب
تعال ولمنـي بشوقـك تـرى وصلـك يواسينـي

أنا وإن زارني طيفـك بليلـه فالنهايـه أغـراب
وبيرجع لي الحزن ثانـي حكايـه فـي دواوينـي