السلام عليكم ورحمة الله وبركاته
صبحكم الله بالخير...مساكم الله بالخير
من زمان كان حلمي افتح مطعم او كوفي شوب بأدارة سعودي لان الاجانب كنت مااطيقهم احس انهم مو نظيفين
اليوم انا بحقق الحلم الحمدلله المحل ولقيته والديكور خلص والصبغ اليوم بيخلص وجهاز الكبتشينو والاسبيرسو وصل والعصارة الخارقة وصلت اشتريتها من خارج السعودية تعصر كل شي حتى الجزر قولوا ماشاءالله
الة الايسكريم وصلت الحمدلله
طاولة الطلبات قربت تخلص فصلتها فخمة ومميزة
بس باقي اهم شي مين اللي بيشتغل فيها مافيه ولا سعودي يقبل مع اني ابي يكون شريك بجزء من الارباح
ووين السعوديه اللي تبي تصير شريكه وتوفر لنا الدوانات والحلويات وله جزء من الارباح وجميع مكونات الطبخ بتوصلها لبيتها
دورت كثير لكن الكلمة السائدة انا سعودي اشتغل الشغلة هذي؟؟؟؟؟
انا من ناحيتي بشتغل فيه لكن وش اسوي بوقت الدوام ونظام الشفتات ؟؟؟
نفسي يتحقق هالحلم ويكون اول كوفي شوب بادارة سعودية وبحفرالباطن
ياليت اللي يعرف واحد ووحدة عندهم العزيمة انهم يشتغلون وويتركون العطالة ويبنون نفسهم من الصفر يدلوني عليهم
صدقني إذا ظهر هذا المشروع المميز للنور فسيكون مفخره للجميع , وستكثر زبائنه
وأتوقع كثير من القنوات الإعلاميه تتشرف بزيارته وتصويره
ولا أستبعد أن تحصل على شهادات تقدير من قبل الكثير من وزارات الدوله وعلى رأسها وزارة العمل
فكره رائعه .. لاتيئس من متابعة تحقيقها,,,
ابن البلد أول رواده الدائمين..
جزاك الله خير اخوي والله اتمنى يظهر هالمشروع لنور خصوصا كل شي جاهز ومتوفر الا الادارة السعودية
هذا حلم بالنسبة لي صح صغير بس بيكون مميز
واتشرف انك تكون من رواده اذا الله يسر وفتحته