اعزائي اسعد الله جميع اوقاتكم
اليكم هذه القصيده واتمنى ان تنال اعجابكم
البارحه فكري سجين وجاله = جيشن توافد لين فك حباله
جيشن غريب ولا رأينا مثله = خيلن تعج وفوقها خياله
وامسيت ليلي بعد طول الغيبه = اندب زماني ودنيتي المياله
اقضب فناجيل العنا واشربها = ولا ساح فكري اصقعه ببياله
ياليل وانت اللي تزيد همومي = اشكي وناري بالصدر شعاله
ياليل وصل للحبيب الغالي = راعي العيون الساحره القتاله
قله حبيبك غارقن بهمومه = البعد شيبه وسمم حاله
يشكي وناسه ن سمعه يلومه = يبكي ودمعه انتثر شلاله
لامن عبر طيفك امام عيونه = فز ونثر من فرحته فنجاله
انت السبب في علته وطعونه = انت السبب يازايدن غرباله
يامن سكنت بمهجته وفواده = يامن على شانك سحب مواله
يامن على شانك تسيل اقلامه = تنزف جروحن اتعبن حماله
ياللي جمالك كارثه ومصيبه = ياللي سفهت بسبتك عقاله
لك عين تذبح من نظرها سهومه = ياسم على قلب المعنى خلاله
مالك شبيه الا البدر ورسومه = لامن سطع لليل زاح ظلاله
سلطان عذبه السهر مع نوحه = عليك ياللي فرحته بوصاله
ارحم صويبن في هواك معذب = عايش وموته قاعدن بقباله
ياليل وانت اللي عرفت العله = قله عسى درب الهنا هو فاله
وسلامتكم