[align=center]
[/align]
[align=center]حبيت انقل لكم هذه القصيده التي قرأتها في احد المنتديات عن وصف الابل للشاعر النجم/ناصر الفراعنه
اتمنى ان تنال اعجابكم علماً بان هذا الشاعر له شاعريه فذه ولا يحتاج المديح ،،
هذي قصيدة الشاعر ناصر الفراعنه في وصف الابل وقد كتبها وفازت بالمراكز الاولى ابل سبيع في ام ارقيبه في عام 1421 هجري وهي من افضل القصائد اللتي كتبت في الابل[/align]
[poem=font="Simplified Arabic,7,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
يوم جينا للمزاين وغاض المـاء وطـاش =بانو اهل البل وبان الاصيل من الغشـش
يوم جاكر ذودنـا ذود الاجنـاب استغـاش =ذودنا يفرق بفـرق البصيـر مـن العمـش
طقّ للذيدان باصبع وهيض الجـاش جـاش =جعل ابو من يجحد الحق يشرى له نعـش
اربع الذيدان سيقت علـى ريـع مشـاش = كنّ خّّـدّه زبرقـان الحريراليـا انبـرش
بين صفرا واشعلا كنّهـا طـش الغـراش = بين ملحا وبين وضحا تقل وجـه امغبـش
ولّّ قلـب دقّتـه كنّهـا طلقـة كــلاش =يوم صيّّح"عامري""لعمـري" والديـم رش
كـن تنظّـام الجماهيـر وغترهـا تبـاش =طقم لولو في ثغر حلـوة المبسـم بهـش
زبـدة الاربـع ثـلاث رقشناهـن رقـاش =يافهـد والرابعـه جالنـا فيهـا امخمـش
ولو لفونا من هل الوادي الاقصـى هتـاش = وادي سبيـع المقـدس لفانـا مـن هتـش
كان اخذنا الاربعه حاضر بحاضـر وكـاش =ورثنا هي ورثنـا دونهـا لطـم الخشـش
يا بن علوش البل البل ربوعي يـا بـلاش =هم هل البل دونها ورّدوا خضـر النمـش
يافهـد حنـا هـل البـل مدلهـة البـواش = دونها مـا ينتفـخ راس شيـخ الا ويفـش
دونها كم روس قوم علـى الرقـه تطـاش =دونها سوق الرصاص الحمر جينـاه دش
دونها كـل اشقـر بالشبيلـي مـا يحـاش =للنحـر رمـح مدبّـب وللعلبـا مـقـش
دونها حشنا السلاطيـن بالبيـض الحـواشّ =ولا انفهقنا ليـن عـوّّد غضنفرهـم ii(...)
دونها ملعون ابو مـن يبيهـا لـه معـاش = غصب ولا بالرضا تفدي( دغيش) و(دغش )
دونهـا شهـب المعـارك دفشناهـا دفـاش =مثل يوم (عريق )و(طويق) و(دوارة نعش)
وغير وقعة (حنو) وقعة (غراميل الفـراش)= وهية في (جـو ساقـان) بارقهـا رهـش
يا فهد يا ما حلا تدريجهن يوم للسيل ادّحاش = في مداحي عثعث حطه الوسمـي منـشّ
في رغـد قـاع زماليـق جيّّانـه تجـاش = اشهريـن وادهـم الغيـث فوقـه يمتحـش
يلعب الزملوق في خايعـه لعـب الفـراش = وام سالم تطلـب وابـو سالـم يبرهـش
غـادي كنـه زواليـف سـجـاد تـهـاش = من عقب ماهو مثل خدّة الوجـه الخـرش
كن صـوّّاك الغضـا فيـه بوّابـة قـراش =كن زهر ورده طرابيـش تـرك تدّهـش
كن زبيديّه ليـا صلّعـت روسـه وكـاش =روس حجّاج عقب حلّقـوا سـود القشـش
اول الاربـع جهامـة مجاهيـم تـنـاش = كنهن سهّاب نـوّ علـى القمـرا غطـش
لا نثعن كنهن سبيب ادهـم غـاد طشـاش =وان تتالن كنهـن مـن طوابيـرالحبـش
من زبار (الخاطبيه) ليا (حـزم الرقـاش)=في عروق سبيع نـزو المجاهيـم ايهقـش
مثل ممشى الحافيه خايفه وطـي الخشـاش =لا امهلـن وان عجّّلـن يلعبـنّ الطرقعـش
قطف ما في اوبارهن لأمّّ ريحانه عـراش =والمذيّّل مثـل ريـش النعـام المنفـرش
كنهن روس تحاذف غترهـا فـي هـواش =لا نحوهن عن هواهن وضاميهن جهـش
كن بين عيونهن ضوح نـار فـي قشـاش =وكن وبرهن يمرخونه بماء عين الوحـش
كن فحلهن بينهن يوم جـاء يدقـش دقـاش =وهنّ من حوله صفوف تجش القاع جـش
حاكم يهتف له الشعب كلـه عـاش عـاش = كبّـروا راسـه ولا عـاد يحتّشـه محـش
ول يا ملحا تحت ظـل السبيعـي ماتنـاش =كنّهـا لاشفتهـا يافهـد ترعـى المشـش
بنت شيخ لبسوها اسـود الخامـه قمـاش =في حداد وعمرها ما تعدى اربـع طعـش
وثاني الاربـع شـرارة مغاتيـر بشـاش =كن وبرهنّـه بـرشّّ مـن الفضّـه يـرش
كن مرافضهن صياني سلاطيـن غبـاش =كـن قريـش اثفانهـن سنديـان منقـرش
وصـف قبّـة مسجـد سقّفـت بالبيلكـاش =وصف مردودم سنام على العطّّـف وقـش
كن حسّ ارغيّهـن قرقشـة طفـل بقـاش = او تضحّّك خفرة غازلـت راعـي بكـش
كن بلهان الفحـل بينهـن يـوم استهـاش =ثم هدر واضحن خشيـع خضيـع ماتهـش
ضابط افراد لقى وقفـة الطابـور مـاش =فار دمّه ثم عطى الامر "ثابت يـا حـوش"
ول يا وضحا كنّها قطنـة تربـط بشـاش =فوق اصيبع جاهل طـشّ دمّـه ثـمّ نـش
كنّها تحت الذرى من عقب طق الرشـاش =جـادل دوبـه خذالـه يابـن علـوش دش
كنّها لا فرّّعت مـع ظهـر حـزم نكـاش = خفـرة ضاقـت وذبّـت عبايتهـا طفـش
لا اختفى بدر الظلام اكشحت مثل الفـلاش وان تبـدى زادت النـور نـور وارتهـش
وثالث الاربع من الصفر حلوات الرهـاش =كن سمار ازوالهنّّه قصـور فـي جـرش
تقل ساعة يفترشن ابيـض الارض افتـراش =روس اصابع حرّّة بأخضر الحنّـا تمـشّ
كنّ حسك ظهورهنّـه ذواليـق العشـاش =بينها القمري بنى لـه ميـة عـشّ وعـش
كن علابيهـن ورزّّات الآذانـي هـواشّ = قبّّعة جندي خفر صوّّتـوا لـه وانخـرش
ووصف قاعـة برلمـان تلاقـواللنقـاش = وصف دمث اردوفهن لا تبدّن عقـب طـشّ
كن لعوب اذيالهن لاغدى يرعش رعـاش = قرن مملوح بليلـة زفـاف اختـه رعـش
كنّهـن نسـوة شريـف تلاقـن بالمقـاشّ = يوم غارن من بعضهن تلاقطـن الشـوش
ورابع الاربع من الشعل حلوات المهـاشّ =في الدحى كنهن شيوخ مذهّبـة الجمـش
كنّ وصف الشعل فوق ابيض الخد الحراش = عقد سلسال على صدر ابورمـش عكـش
كن غواربهن محاريـب رهبـان نـواشّ = جرّة الميسم عليهـن تقـل جـرّة حنـش
كنّهن ضوح الشفق يـوم بارقهـن تـواشّ =او كسر ياقوت حـدري مصابيـح تـوشّ
وكن حدرهن يخت ملياردير فـوق طـاش =وكـن اذانيهـن مزاميـر عبّـاد الدبـش
كنّهن حدر المطـر خـرّد بالمـا تـراشّ =والحويّـر تقـل ورع يـدوّر لـه مخـش
كنّهن برشـوم وجّّ المذهّّـب فـي القـراش =تغري الضد المناحر والـى هّـدّ ابتلـش
يا فهد هذي وصوف البل جاشـت بجـاش =شاعر له فـوق عـرش الشعـاره مدّّقـش
يافهد جاني على سبكـة المعنـى خـراش =كنّ بين اضلع حشاي الـف جنّّـيّ غـوش
افرق (النقطه) عن (الفاصله) بثنين (داش)=لا أبو حشّ الردي لا أبـو واليـه حـش
لا أبو عين عن الشوف لاحقهـا عماش = لا أبوها اذن عن السمع لاحقهـا طـرش
ذا وتالي القول مثل اوّّلـه والـلاش لاش" = شش ياراشي لا رحم رحم ابو مجناك شش[/poem]
[align=center]تقبلو ودي وتقديري ،،[/align]
العرض العادي
