القصيده مدري لمنو
جتني على الايميل ونقلتها لكم
نومك طرب وأنا بنومـي هواجيـس ** ماساهـرك بالليـل كثـر الهمومـي
أسهر الى نامـت عيـون الهداريـس ** وبالليل أراعـي ساهـرات النجومـي
قالوا جهلت وقلت جهـل بـلا قيـس ** الجاهـل اللـي مايعـرف اليمومـي
أشـوف عـدلات الليالـي مقابـيـس ** ولحد ٍ مـن الدنيـا عظامـه سلومـي
تضحك وتخفي لك خفـي الهناديـس ** تفطـر بهـا يـوم ويـوم تصومـي
اعمل وتلقـا وافهـم العلـم بالقيـس ** دنيـاك لـو زانـت تراهـا نقومـي
والعز فـوق معسكـرات السواديـس ** الى قصدت اللي بالأشيـاء رحومـي
قـب تنـازا بالنشـامـا كـراديـس ** والطيـر فـي روجاتهنـه يحـومـي
الى توافـق مشـور السـوء وابليـس ** تبـر منـه وعـز ربـي يـدومـي
بالليل أصالـي حاميـات المحاميـس ** والصبح أصالـي كـل قبـا قحومـي
أربع سنين ودمـع عينـي أماريـس ** والعين تسهـر كـن فيهـا هزومـي
والى ركبـت معالجـات المضاريـس ** يبرد علـى قلبـي لهيـب السمومـي
صوابنـا بالليـل عمـق الـى قيـس ** وطريحنـا فـي مثبـره مايقـومـي
إن جن بنا مثـل النعـام الأماريـس ** لاخف عجل مـن رقـاق الحزومـي
أستلحـق اللـي يطلبـون النواميـس ** اللي من الأقصيـن وادنـا اللحومـي
لاخير فـي كثـر الحكـا والتماليـس ** هرج بلا فعـل يجـي بـه وهومـي
لومي على اللـي ينقلـون العبابيـس ** وأهل الفرنج وكـل رامـي لحومـي
إن جـن بالميـدان مثـل الدراويـش ** وطار الغطاء عن قانيـات الرقومـي
عـرج باهلهـن كنهـن الفرانـيـس ** على الطريـح مصوبـرات كظومـي
الى سمـك عـج الرمـك بالملابيـس ** المسعـد اللـي حـظ ربعـه يقومـي
من لايديس الراي مـن قبـل ماديـس ** عليـه داسـوه العـيـال القـرومـي
ومن لايقلط شـذرة السيـف والكيـس ** يبـدي عليـه مـن الليالـي ثلومـي
والقصر مايصلح على غيـر تأسيـس ** ومـن لاتعلـم ماتـسـر العلـومـي
ومن لاخـذ الدنيـا بميـز وتقييـس ** مثـل الـذي يصبـح بليـل يعومـي
كـل القلـم مـن كتبنـا للقراطيـس ** وركابنا مـن كثـر الأقـران تومـي
والشيخ من يعطـي الفقـار المفاليـس ** يبـدل السـاعـة بـعـز يقـومـي
والحـر لادبـت عليـه النوامـيـس ** يشهـر وعـن دار المذلـه يشومـي
والى أكترب من بعض الأشياء نسانيس ** ينجيـك بأيـام الكـرب والزحومـي
أوجس بقلبـي مثـل دق النحاحيـس ** الله يلـوم اللـي لحـالـي يلـومـي
يجلى صدا قلبـي ضبيـح المهاريـس ** لاقـام شـراب القهـاوي يعـومـي
دلال فـوق النـار دايـم مجالـيـس ** اكرامهـن حـق عليـنـا لـزومـي
من صنعة الصبه وخمـس التخاميـس ** بريـة يعمـل بهـا كــل يـومـي
وبهارهـن هيـل بليـا حواسـيـس ** كيـف يعـدي للنشامـا القـرومـي
عـده لحمـاي العيـاد المـراويـس ** والا الحصـان اللـي بقنـه وهومـي
حتى يزيـن لنـا المثـل والتوانيـس ** والكيف طاب لمـن يفـك القحومـي
وصلاة ربي عـد رمـل الطعاميـس ** علـى شفيـع الخلـق يـوم اللمومـي
العرض العادي
