… ( حور عين )
يا قلم سجل جديد الشعر في خلي يزين
بابدع الابيات و الخاطر يجيب اللي يجيب
ارتكى حبه فصدري ما تغيره السنين
لو يطول الوقت فينا لو وصل حد المشيب
قلبي اللي من قبل عرفه ترى دايم حزين
لين صار لجرح قلبي يا عرب هو الطبيب
لا يغرك قول حاسد ينبش لجرحاً دفين
لا يغرك من سعى بالتفرقه بهيئه صحيب
والله ان البال يمك و انت لي دراً ثمين
ادحر الشيطان وانته دايم لقلبي قريب
انت لي بسمة امل تزداد حيناً بعد حين
وانت في سبة هناي بعالماً كل غريب
ان بغيت اوصف جماله قلت يالله ان تعين
كنه الخيل الاصيله تعجب بطول السبيب
عينه اللي كنها مثل الوحش يبغى السمين
ولا ابتسم كنه يقول الجرح ما هو لي صعيب
يالله اني استغفرك لا قلت هذي حور عين
يالله اني استغفرك هذا ترى لعيني عجيب
لا تعذب قلب عبدالله ترى ضلعاً متين
لا يغرك كثر جمهوره ترى صدره رحيب
#عبدالله_بن_فلاح_السعدي