اقتراح وابي رايكم فيه

[العزيزيه (ب)]

الاقتراح يقول :
ليش ما نسوي مكتب خاص بلجهاز (قناة ) لجميع الاعضاء يتواجدون فيه وكل واحد يقول نداه
من خلال الصفحه هذي وتجتمع فيه بشكل يومي
والي يختار رقم القنات اخوي فتى الوادي
ولكم جزيل الشكر

[فتى الوادي]

اقتراح طيب اخوي العزيزيه (ب)

بس فيه مشكله بسيطه جدا لا اكثر

ان اغلب اللي يطلع للبر مع ربعه يكون لهم قناه خاصه فيهم وصعب يترك قناة ربعه ويروح لقناة المنتدى

لانه اذا ترك القناه شوي ربما يكون ربعه يبون شي مهم او صار لهم شي لا سمح الله وهم بحاجته ويحسبونه انه سمعهم وهو مو معهم

هذه اللي عندي وشكرا

اذا لقيتوا حل للمشكله فالفكره جدا رائعه للتواصل وخاصه الامور زانت الحين للطلعات

ننتظر راي باقي لاعضاء

[الفارس]

الاخ العزيز / العزيزيه(ب)

نشكرك على الاقتراح

وبدورنا اذا وجدت أليه لأنجاحه وتفعيله فابركها من ساعه ..!!

وبلاشك فوائدها جمه على المنتدي ورواده للتواصل عن قرب ومناقشة امور المنتدى والمواضيع

وفقكم الله

[مـــهـــم]

انا مع الفكره وبانسبه اذا كان له اصدقاء على قناة اخرى اما ان يحول اصدقاءه اليها وبكذا تكون لهم

دعوة مباشره للانظمام للمنتدى هذي نقطه ونقطه اخرى انه يطلع من قناة المنتدى ويرجع لقناة

اصدقائه بالتناوب

شكرا اخي العزيزيه ب والشكر موصول للجميع

[برووق السحايب]

[align=center]أنا اعتـــــــــــــــــــــــــــرض أشد الإعتـــــــــــــــراض





وحنا يالبنات مالنا قناه إذا طلعنا للبر




امزح فديتكم

فكـــــره جميلة جداً ليتواصل بها أعضااء المنتدى خارج نطاق المنتدى وخصوصاً في طلعات البر

وبالتوفيق أخوي العزيزية ب وأتمنى النجاح لك ولفكرتك ..[/align]

[ناجي الحفراااوي]

فكره ممتازه


للتواصل بين اعضاء المنتدى

ونسمي القناة


قناة منتديات عاصمة الربيع...

يالله معاكم بس ماراح اتكلم فيها

[العزيزيه (ب)]

مشكورين اخواني على التفاعل اخوي فتى كلنا اذا طلعنى ويانا ربعنا ولكن قبل ما تجي للقناة تقول لربعك
تراني بروح للقنات رقم جذي وجذي واي شي تبوونه تحصلوني هناك منيه نكسب زوار للمنتدى
ومنيه تصير فيه قنات اسمها عاصمت الربيع مثل العامه
ولك جزيل الشكر لك وللاخواني الاعضاء اما بنسبه للجنس الناعم فنقول اسفين حصريه لرجل

[فتى الوادي]

لا يضيف خلقكم يا بنات المنتدى

راح نحط قناه مشفر للربايع

خاصه لبنات المنتدى

ورقم الشفره عندي انا بس

وش رايكم

[العزيزيه (ب)]

<<<<<<<< يقول بباله اكيد ما عجبت الربع الفكره بس كان بباله انه يسوي اعلان للمنتدى

[فتى الوادي]

بالعكس اخوي الفكره جدا رائعه

ولكن ان اوكلك باختيار القناه

لان ما عندي المام كثير بالكنود ولاني من الناس اللي اهنم له حيل لان اغلب الاحيان نطلع سياره وحده ومانحتاجه ولكنه يكون معانا للطوارئ

اما اذا كنا اكثر من سياره فهو صديقا الحميم ومونسنا بالطريق

ولكن حط لنا قناه وانا راح اثبت لها موضوع خاص بالقسم

ابشر طال عمرك