الا ياحبي الأول الا ياغايتي مشتاق
هقيت منت في قلبي00 واثرك داخل اعماقي
جفون الغيم // قصيدة للشاعر سعد آل سعود
************************************
أنا ما عيش معك الحب.. أعيش الحب كله فيك
أنا وإن كنت عنك بعيد.. لكن معك وأحيا بـك
تعيش بكل أحاسيسي وتفكيري وأعيش أغليـك
تحسد الحب لو تسمع حديث الـروح بغيابـك
تزاحم فالخفوق قلوب يسري نبضهـا بيديـك
أنا كيف اختصر فيك الشعور بحضرة أحبابك
سكنت أرض الغياب وكل سيرة للوفا ترويـك
عيونك موطن وغربه.. عيونك موطن اغرابك
أحبك لو تسافر بي على درب التعب وامشيـك
حبيبي في زمان البعد قلبي أصدق أصحابـك
أحبك جرح ما يبرى عسى بعض الألم يرضيك
ولوّن بالرضى عيني واسيّـل دمعـة عتابـك
حبيبي في ظلام الشوق كل النور ما يضويـك
أنا صفحاتك البيضاء وأنا أصدق حرف بكتابك
فرشت العمر لأيامك أسابـق ليلتـي واجيـك
وعرفت أن الغلا خطوة وأنا واقف على بابك
[جفون الغيم ] لو تمطر دريت ان الثرى ظاميـك
ودريتي اني بلا موعد زرعت الحلم باهدابـك
****************************************
همســــــــــــه
***************
لو تحس بكثر ضيقي والجـروح
كان تعذر صاحبك لو هو جفـاك
ولو تحس بنار في جوفي تفوح
يمكن انك تكتشف معنى الهلاك
ولو تشوف شلون جدراني تنوح
بتكتشف مالي من الضيقة فكاك
سيدي..في دنيتي غاب الوضوح
واحترفت أكتم جروحي من غلاك