ممكن طلب اريد مستوصف اسنان

[نواف التويجري]

مراحب حبايبي
احببت تشاركوني برأيكم اريد مستوصف اسنان اهلي مجرب وممتاز
من اجل ان استمر معه
لانني احترت في مستوصفات الاسنان الاهلية هنا كل ماجيت مستوصف يطلع شغله ماش وياخذ فلوس على غير سنع
ارجوا مشاركتي لمن قام بالتجربة
والمثل يقول اسأل مجرب ولا تسأل ......... كملوها
انتظر ارائكم

[معرّب الجدين]

انا مثلك اخوي نبض وكنت بطرح زي هالموضوع

بس الله جابك جياب المطر وطرحته

انا رحت للنخبه بس بصراحه غالين شوي

وللحين ابحث واسأل

فيه واحد بالمحمديه عند الرمان التركي هذ غالي

ومايصلح ابد نصحوني عنة اكثر من واحد وجيتهم

يظربون بالعلالي من شان تركيب اسنان

ان شاء الله فيدونك ويفدوني الاخوان

[♥ כـِـِـِّلـِـِم ♥]

نخبة المجتمع يمدحونه فيه ناس مجربينه ويقولون تمام

عني انا لم اجربهم وانت حر بالتوفيق لكـ اخوي ..

[تركي الوايلي]

اقتباس: المشاركة الأصلية كتبت بواسطة نبض القلم    مراحب حبايبي احببت تشاركوني برأيكم اريد مستوصف اسنان اهلي مجرب وممتاز من اجل ان استمر معه لانني احترت في مستوصفات الاسنان الاهلية هنا كل ماجيت مستوصف يطلع شغله ماش وياخذ فلوس على غير سنع ارجوا مشاركتي لمن قام بالتجربة والمثل يقول اسأل مجرب ولا تسأل ......... كملوها انتظر ارائكم

هلابك اخوي وحبيبي نبض القلم وماتشوف شر ان شاء الله

ياليتني طبيب أسنان كان عالجتك بدون ألم وتخدير ومعاناه بس تخبر انا خبره بالارصاد الجويه فقط

وللمعلوميه جميع مستوصفات الاسنان بحفر الباطن فاشله 100%

انا خلعت ضرس من فتره بمستوصف نخبة المجتمع وسبب لي ازعاج بعد الخلع واتضح انهم ما خلعو الضرس كامل و نصيحه من اخوك ابو نواف اذا تبي اسنانك ابعد عن مستوصف نخبة المجتمع وشف لك غيره ولو تضطر تخلع ضرسك بمفك براغي ههههههههههههههههههههههههههههههههه

[ناجي الحفراااوي]

الله يبعدنا عن هذه المستوصفات كلها


معليش ياغالي كان ودي افيدك بس الحمدالله عمري مازرت تلك العيادات.

[غــ 99ــريب]

بالحفر مممممممم مااظن بتلقى الي يرضيك

بس اذا تقدر الدمام او الرياض

تقبل مروري

[نواف التويجري]

هلا وغلا اشكركم على الردود
هههههههههههههه تركي اخرتها مفك واشلعه ههههههههههههههههه
تدرون بخليها بالرياض صراحة خوفتوني
شكرا لكم

[شـيـوخـه]

لالا فيه هوووون مستوصفين بس مو انا اللي جربت وانشاءلله اني ماجرب


ابوي مجرب مستوصف الفياض صراحه اشوف ابوي يمدحه وفيه مستوصف درة سيجال

وبس هذا اللي سمعت عنهم

وبالتوفيق لكـ

[abdolla]

اقتباس: المشاركة الأصلية كتبت بواسطة تركي الوايلي    هلابك اخوي وحبيبي نبض القلم وماتشوف شر ان شاء الله ياليتني طبيب أسنان كان عالجتك بدون ألم وتخدير ومعاناه بس تخبر انا خبره بالارصاد الجويه فقط وللمعلوميه جميع مستوصفات الاسنان بحفر الباطن فاشله 100% انا خلعت ضرس من فتره بمستوصف نخبة المجتمع وسبب لي ازعاج بعد الخلع واتضح انهم ما خلعو الضرس كامل و نصيحه من اخوك ابو نواف اذا تبي اسنانك ابعد عن مستوصف نخبة المجتمع وشف لك غيره ولو تضطر تخلع ضرسك بمفك براغي ههههههههههههههههههههههههههههههههه

أخطيت وانا اخوك يا تركي لما قلت ابعد عن مستوصف النخبه ،، قل ابعد عن الدكتور الفلاني فقط ..

للعلم النخبه انا مجرب دكتور فيه ،، ممتاز واسمه دكتور تيسير (اردني ) ومهو غالي مرة سعره مناسب ... لكن عيبه واللي انا انقهرت منهم بسببه انه ما فيه تنظيم ،، من سبق لبق ،،،

[نواف التويجري]

شيوخه انا اقول ابي مجرب ابوك الله يستر عليه يمكن صدفت معه
عموما اشكرك
اخونا اللي يقول النخبة من سبق لبق
هذا اللي ذابحني اذا مافيه نظام مصيبة
عموما انا حجزت موعد في مستوصف في الرياض يمدحونه
للاسف الحفر ماااااااااااااااش