المدارس الاهليه وحجم المعاناه .

[غزيل]

الحقيقه لاعلم اذا احد تطرق الى مشاكل المدارس الاهليه
بس دعوني اقول لكم حجم المعناه الللتي نعانيها

اولا
تعيين مديره للمدرسه من الجنسيه العربيه تكون هي المتحكمه بكل شي والمسئوله عن المدرسه والموظفين
وضع مديره سعوديه فقط بالاسم ليس لها اي صلاحيات طبعا لتطبيق نظام السعوده ليس الا
قد تكون هذه المديره تعمل مدرسه او محاسبه بمعنى مديره لطوارئ تستخدم صلاحياتها اذا وجد هناك جوله تفتيشيه من التوجيه التربوي
ثالثا
الرواتب 1200 -1700-2000< بعد شق الانفس هذا اذا مافيه خصم تأخير او اجازه مرضيه
بالله وش تكفي هالرواتب مصروف ولا مواصلات ولا ولا ولا < عصبت
عاد نجي للمعامله هذي شي ثاني يعني تخيلو مدرسات التمهيدي يعني تصحى من فجر الله وتركب باص المدرسه وتلف تجمع الطلاب والطالبات بالله بعد هاللف لها نفس تشرح ؟؟
وياليت تلاقي مديره تسمعها كلمتين حلوات لا تلاقيها تقول ماتشخطيش في الاولاد
انا قت بنت واشتكت منك < خايفه على الفلوس تطير
طيب بعض الطالبات يتجاوزن حدود الادب والمكان مكان تعليمي تربوي مايصير اوجها وانصحها واذا لزم الامر اهاوشها او علشانه قطاع خاص تجاري بحت نتجاوز القوانين
الصدز شي يفقع المراره
نطالب المسئولين < تقولها واهي غاسله يدها
اولا يضمون المدارس الاهليه الى القطاع الحكومي يعني اقل شي تتعدل الرواتب وبعد تكون هناك رقابه من وزارة التعليم مو يخلون القرعى ترعي
تطبيق نظام السعوده مو كل شي من تحت الطاوله حاطين بناتنا مناظر والاجنبيات يتنعمن بخيرنا
احنا اولى بهالوظائف بناتنا نصهن متخرجات وقاعدات في بيوتهن
والمصيبه اذا قلنا ارفعو الراتب يقولون بكره تجيك وظيفه حكوميه وتتركينا علشانها
ياخي ارفعو هالرواتب وشوفو احد يتركم او لا بس من جد ننفخ في قربه مشقوقه
وعلى قولت ناجي الحفر
ردد ياليل مطولك
< تشرب شاي ثقيل من القهر
الصدز شوي واطيح بالدخان ههههههه

[حنين 11]

صدقتي ياغزيل 00
بس لاحياه لمن تنادي حنا بنات الوطن مستغلينا وحاطين اسماءنا منظر قدام جولات التفتيش او الموجهات والحقيقه الوظيفه والمركز للاجنبيات 00
مو حرام بنات الوطن يصير فيهن كذا مو حرام بنات الوطن يجلسن عاطلات وخير الوطن ينعمن فيه الاجنبيات ويجمعن ويحولن لدولهن 00
ليش تخلون خير الوطن يروح للغريب وحنا الاولي فيه 00 ليش 00 ليش 00 ليش 00
والله قهر 00
واتمني اللي يقدر يوصل الموضوع للمسولين لايقصر 00
والله ظلم 00 وقهر 00

[غــ 99ــريب]

انا معاك بكل كلمه قلتيهااا

لي قريبه تعيش نفس معاناتك

بس مااقولك الا ان مع العسر يسر ان شاء لله

وربي يوفقنا ويوفقكم لما فيه خير وصلاح

[زيـzidـد]

وحجم المعاناه


انتم مدرسين وتعانون اجل وشلون لو طلاب وهالله هالله وابشرو بالنجاح وابشرو بالنسب العاليه




وبالاخير ننصدم بنسب زي الزفت






على الله



الحين ماعاد ابي نسبه ابي نجاح




يعين الله ياختي



تقبلي خالص تحياتي واحترامي



زيـzidـد

[ناجي الحفراااوي]

كان الله فيك عونكم اخت غزيل

هنا مشكلتنا وخاصه في حفرالباطن

يتم الاعتماد كلياً على جنبيات او الاجنبيين الغير سعوديين

وكل هذا من اجل توفير بعض من المال ومن اجل مرتبات بسيطه

صدقيني ليست متوقفه على النساء فقط

فهناك الشباب ايضاً نتخرج ونجلس لننتظر التعيين

ويتم الاستعانه بأجانب بنفس التخصص كل هذا من اجل التوفير فقط؟؟


كان الله في عونكم وعون الشباب جميعاً..

[_زياد_]

اقتباس: المشاركة الأصلية كتبت بواسطة غزيل الحفر    الحقيقه لاعلم اذا احد تطرق الى مشاكل المدارس الاهليه بس دعوني اقول لكم حجم المعناه الللتي نعانيها اولا تعيين مديره للمدرسه من الجنسيه العربيه تكون هي المتحكمه بكل شي والمسئوله عن المدرسه والموظفين وضع مديره سعوديه فقط بالاسم ليس لها اي صلاحيات طبعا لتطبيق نظام السعوده ليس الا قد تكون هذه المديره تعمل مدرسه او محاسبه بمعنى مديره لطوارئ تستخدم صلاحياتها اذا وجد هناك جوله تفتيشيه من التوجيه التربوي ثالثا الرواتب 1200 -1700-2000< بعد شق الانفس هذا اذا مافيه خصم تأخير او اجازه مرضيه بالله وش تكفي هالرواتب مصروف ولا مواصلات ولا ولا ولا < عصبت عاد نجي للمعامله هذي شي ثاني يعني تخيلو مدرسات التمهيدي يعني تصحى من فجر الله وتركب باص المدرسه وتلف تجمع الطلاب والطالبات بالله بعد هاللف لها نفس تشرح ؟؟ وياليت تلاقي مديره تسمعها كلمتين حلوات لا تلاقيها تقول ماتشخطيش في الاولاد انا قت بنت واشتكت منك < خايفه على الفلوس تطير طيب بعض الطالبات يتجاوزن حدود الادب والمكان مكان تعليمي تربوي مايصير اوجها وانصحها واذا لزم الامر اهاوشها او علشانه قطاع خاص تجاري بحت نتجاوز القوانين الصدز شي يفقع المراره نطالب المسئولين < تقولها واهي غاسله يدها اولا يضمون المدارس الاهليه الى القطاع الحكومي يعني اقل شي تتعدل الرواتب وبعد تكون هناك رقابه من وزارة التعليم مو يخلون القرعى ترعي تطبيق نظام السعوده مو كل شي من تحت الطاوله حاطين بناتنا مناظر والاجنبيات يتنعمن بخيرنا احنا اولى بهالوظائف بناتنا نصهن متخرجات وقاعدات في بيوتهن والمصيبه اذا قلنا ارفعو الراتب يقولون بكره تجيك وظيفه حكوميه وتتركينا علشانها ياخي ارفعو هالرواتب وشوفو احد يتركم او لا بس من جد ننفخ في قربه مشقوقه وعلى قولت ناجي الحفر ردد ياليل مطولك < تشرب شاي ثقيل من القهر الصدز شوي واطيح بالدخان ههههههه

الله يعين الجميع اخت غزيل

بس ترى مو كل المدارس مثل ما تقولين
بالعكس فيهم من هو حريص على العمليه التربويه
ولا شك ان فيه البعض مقصده تجاري لا شك
ولكن العيب فينا مو فيهم لو كل واحد شاف ملاحظه رفعها للمسؤول كان حلت وحتى لو ما حلها المهم تبري ذمتك قدام ربك
انا اعرف مدرسات يوقعن على مسير رواتب ويستلمن رواتب اقل من المسجل
بس اذا قلت لهم ليه ما تشتكون يقولون وش لنا بوجع الراس والمشاكل
يعني الدعوى دسة راس واذا وحدة منكم شدت حيلها واشتكت تشتكي بالنت
ما غير مقالات قد تفيد وكثيرا ماتفيد

[فوآز آلحربي]

[align=center]
اللـه يعيــنج آختــي..

واصبــري يالـغـاليـــه <اجمـعي نقـاط من هالمدارس الاهليــه

على شان بعديين تنفـعـج .. اذا ترسمتي

واكيد ان عندج خبر بالنقاط ..

واللـه يووفقج

[/align]

[غزيل]

حنين
عزوز
زيـzidـد
ناجي
زياد

شاكره لكم مروركم

[الفجرالقادم]

فعلا المدارس الأهليه بحفرالباطن همها المادة فقط ولااعم بذلك ففي احدى المدارس الأهليه الكبرى ومن لها صيت عندنا تسيب واهمال للعلم والمسؤوليه
"تم فصل احد طلاب الأبتدائي بناء على رغبه ابيه في الشهر الأول من الدراسه وفي نهايه الترم ثم ارسال شهاده من المدرسه للطالب بأنه ناجح بتقدير ممتاز وشهادة شكر وتقدير.للعلم أنه لم يفرق بين الألف والباء وعندما وصلت الشهادة للطالب المستجد بدأ يطالب اهله بالهديه والحفله لأنه نااااااجح ومتفوق كما يزعموووووون على الرغم انه لم يحضرللمدرسه سوى ايام قلائل تعد على اصابع اليد"فأثقل على كاهل الأسره ماديا وتربويا حيث انهم لم يستطيعوا إقناع الطفل بأن الشهادة كلام فاضي
وانه لم يتعلم شي بل انه بدأ يضع نفسه في قائمه المتفوقين في الأسره وعندما يواجهه احد الأطفال ويطلب منه الكتابه يخجل وينظر إلى والديه طالبا العون منهم
فمن المتسبب لهذا الطفل ولهذة الأسره بهذة المشكله ؟