بسم الله الرحمن الرحيم
السلا عليكم ورحمة الله وبركاته
اطرح القصيده المتواضعه واتمنى ان تنال اعجابكم
من طول الغيبات جاب الغنايم
يقولها من موقفه ماتعداه
ياحض طير الجو بالجو حايم
يكفخ بجنحانه ليتعبت خطاه
ماهو بمثل اللي على الدرب هايم
وده يسوق الرجل والوقت يحداه
الله على المجمول مرخي الثايم
اللي عيوني والمشاعر تمناه
في روضن أخضر ماتجيه البهايم
ولا تشوف العين من تسمع حكاه
ابي أعانقها عناق الحمايم
من بعد ذوق المر ابي حالي شفاه
ومن بعدها شهرين ابصيرصايم
عن الشقى والهم ومعانق الأه
جروحنا ياصاحبي بالصمايم
الكل منا شايل( ن )داه برداه
جعل الولي يكفيك شر الضلايم
وترتاح مع منهو تمنيت لقياه
متعب الشعباني