الي سهم الحفر مع التحيه

[الرسن]

ياصاحبي لاتشتكي الوقت والحال
خل الذي في قلبك اليوم خافي

ما كل حكيٍ يا ابيض القلب ينقال
و لا كل عمرٍ من شقى الحال غافي

رح و اشتكي للي له الكل رحال
و ارفع كفوفك له ترى الله كافي

و اعرف ترى كلٍ من همومها شال
و لا عاد شفت اللي من الهم صافي

ما انت الوحيد اللي شكى الوقت و الحال
و ما انت الوحيد اللي له الوقت جافي

اكذب عليك ان قلت لك خالي البال
ياما مشيت الدرب و النور طافي

همي بقلبي يالخوي اتعب الحال
دمعي بعيني رقص اليوم قافي

انت الرفيق اللي بهالكون ما مال
لا ضاق صدري منهم القاك لافي

ترى غلاك اليوم ثابت و لا زال
و لا عاد ابي ربع القلوب المقافي

خذني يمينك وابشر بذرب الأفعال
لأمشي معك لو وين كان انجرافي

أقسم قسم انك على الراس تنشال
خذ من قصيدي وشوف جل اعترافي

صح لسان قائلها واشهد انها تنطبق عليك يا سهم الحفر

اخي سهم الحفر انت تركت المكان لكنك ستبقي في قلوبنا شخص احببناه لله وفي الله وطلعت بوجه ابيض

فبارك الله فيك وفي مالك وعيالك وصحتك واسال الله العظيم ان يرزقك من خيري الدنيا والاخره.