مرحبا
اولا كيف حالك اخوي واستاذي الصقار عساك طيب طال عمرك
بقولك راي واقتناعي بالموضوع
أولا حنا شعب مثقف بالكلام فقط ولا نملك اي مقومات الثقافه بالفعل وفيها الي الان تخلف ورجعيه
وانا طبعاً اتكلم عن الاغلبيه العظمى , سكان مدن كبرى أو قرى لا يوجد فرق
قياده المراه في المملكه بجد لا تصلح ابداً , الان في الاوقات هذي اذا رأي احدهم شاب وسيم يقود
سياره يضل يلحق وراه ليل ونهار لأجل يتعرف عليه فما بالك بنت تسوق سياره تخيل المنظر
حوادث لأجل تتوقف المراه .. تعمد بتوقيفها بالشارع .. مضايقتها لأجل تصدم .. خطف وغيره
الشعب كما ذكر مفتى المملكه قبل فتره غير مهيأ نهائيا في الفتره الحاليه وانا اضيف ولا ميه سنه
قدام اذا تحرر الشعب من التخلف ان شاء الله تصير الامور طيبه
عندك دول الخيلج والبنات يسوقون والشباب هناك المعاكس طبعاً يعرف صيدته يعني ما يلحق اي بنت
هنا الله دخيلك ينخطف ولدك قدام الباب لانه فقط يملك صفات جماليه وتبون بنت تسوق اجل على الدنيا
السلام
الان في الوقت الحالي الشاب اذا شاف بنت بالسوق تمسك جواك وتتصل تكلم اي شخص ابوها ..
اخوها .. زوجها أمها أختها .. يروح بال الشباب الي تفكير ثاني ويصفونها بصفات كثيره
فمابالك بكره بنت داخله السوق بسياره هذي من ناحيه
الناحيه الاخرى الاجانب والعماله في البلد هذولا لا يحترمون النظام ولا الشعب وسمعنا وعرفنا عنهم
مصايب تشيب منها الرؤوس .. بالله بكره بنت تجي لحالها وتوقف عند محل وتبي تتسوق وش راح يكون تفكير العماله .. هم ما احترموا الشعب وهم معاهم اهلهم فما بالك اذا كانوا لحالهم
الصقار بجد موضوعكم طرح في منتديات كثيره واخذ وقت كبير للنقاش ولكن انت دخلت للموضوع من
زاويه مهم اهنيك عليها وقول امين معاي ما نشوف البنات يسوقون بكره
نكشه ؟؟ بما ان السواقه ممنوعه عن المراه ها نحن نراهن حين يفوز المنتخب يقودن السيارات
في المسيرات في المدن الكبرى وانواع الازعاج من اللي يلحقونهم
طاب يومك يالغالي