قال يمه قالت عيوني من الدمع انعمنا .. قال ابوي وقالت اطوال النصايب قد خذنه

نسـ الشمال ـــيم · 28-11-07, 05:56 PM

قال يمه قالت عيوني من الدمع انعمنا .. قال ابوي وقالت اطوال النصايب قد خذنه

--------------------------------------------------------------------------------

قصة القصيده ان هناك شاب عمره 14 سنه قتل احد ابنا عمه والق ساقيه للريح ليلا وترك ابوه وامه واخته وراءه لينجو بنفسه من الموت وبعد 10 سنوات رجع فوجد ماسوف تعرفونه من القصيده واعذرونا على القصور ولخطأ أن وجد في سرد القصه.

القصيده
.....................
كل مافاضت عيوني باشت الاضـلاع غنـا
الموارد في الضلوع وكل ضلع فـي ونـه
والتمني مايحقق هقـوت القلـب ان تمنـا
بس قلبي مايداني تبعـد الهقـوات عنـه
واوجودي وجد من جلي عن دياره مجنـا
توعمره عشر واربـع والليالـي ماتحنـه
ماوراه الا عجوز واختـه وعـود مسنـا
بين فقر وبين دين وبين ضيم وبين منـه
ماذبحهم غير دمع مـن الغبينـه مايكنـا
ويل من سود الليالي بالمصايـب يبتلنـه
راح مثل الذيب وإهبلته حياة الذيـب ظنـا
وآمن والموت يومي بين مخلابـه وسنـه
راح ينقل دم قلبه وان ضواه الليـل ونـا
الذيابـه مروحاتـه والسيـوف يدورونـه
لا ذكر دم القرايـب عانـق البيـدا وثنـا
وان تذكرضحكه امه زاغ قلبه مـن مغنـه
مايلوعه في حشاه الا لا شاف البرق سنـا
غاب عشر سنين مابه من يرد العلم عنـه
ان حداه الخوف منا هزت الاشـواق منـا
يوم طال الوقت عود للديـار اللـي ربنـه
قـال مـادام المذلـه والبـلاوي يبتلـنـا
والله ان الموت بين الربع والأوطان جنـه
يوم عود في المنازل مالقـى بيـت مبنـا
غير بيـت للهبايـب والـذواري يلعبنـه
راح يمه كنه اللي ضاربـه رمـح مطنـا
وعذابه مادرى ان سهـوم بقعـا يحترنـه
يوم قرب سمع له صوت من العلـه يحنـا
حصل امه عندها ضيف يقول الموت سنـه
قال يمه قالت عيوني مـن الدمـع انعمنـا
قال ابوي و قالت اطوال النصايب قد خذنه
قال واختي قالت اقفى القوم باختك مع ظعنا
قال ربعي قالت اسنيـن المجاعـه فرقنـه
قال جيتك قالت ان المـوت ماظنـي تونـا
واستلمهـا نـازع الارواح روح مرجهنـه
ثم صاح من التفرق صيحه اللي فيه جنـا
دق صدره وانطوى من حر مابه طي شنـه
كل هذا حال قلـب مـن خلقـه الله معنـا
الهمـوم يوكلنـه والـروابـع يوكلـنـه
ليه ادور للسبايب والسبـب فينـا ومنـا
النفوس وماتسوى واليديـن وماحصدنـا
لاتسودنا الخطايا نلحـق الشرهـه زمنـا
ماجزانـا الا عملنـا والخلائـق يثبتـنـه
قلت اجرب وش ورانـا بنتسلـى ونتهنـا
الليالي ما تخالف من طلـب شـئ عطنـه
قلت هز العود صفق النود قال النود حنـا
ما ذكر به عـود الا والهبايـب يطرقنـه
قلت في دارك غريب وقال حول في وطنـا
لك محل في قصور لـه سيوفـن يحتمنـه
قلت هنا قال والله مـا نعيبـك لـو مهنـا
والعزيز من الهوى ما به علـوم يحرمنـه
وابتدينا قصـة السبـع العجـاف ومللنـا
كل عام يمر يعطينا مـن اللوعـات فنـه
وافترقنا ما لقينا مـن يـرد العلـم عنـا
غير حـب للهبايـب والـزواري يلعبنـه

نسـ الشمال ـــيم · 28-11-07, 05:58 PM

قصيده مجاراه لنفس القصيده.................................................. ......

كل ما فاضت عيوني نجـر ابـن حربـان دنّـا
في ضلوعي يسمع اللي مـن ورا بغـداد دنّـه
يوم ابن مدعث لنا سنّ الوجـود الحـقّ سنّـا
وا فوادي كنّ دود الارض يرعـى فـي مسنّـه
وا فوادي لو تضنّى يابـن مدعـث مـا تضنّـا
كنّّـه المجـدور عقـب الجـور مرمـيٍٍّ بعنّـه
اشعل التنباك مـن خلقتـه مـا شبّـه و كنّـا
مير كنّّه من عجاج فـاح مـن صـدره يكنّّـه
وا وجودي وجد منهو عـضّ بابهامـه وحنّّـا
واحدٍٍ شاف الثـلاث البيـض سـودٍ مستجنّـه
شـاف قـدّام الخيـام خشيـف ريـمٍ مرجهنّـا
وثوّر البندق يبي صيـده وراغ الخشـف عنّـه
اطلق اربع عقبها اربع ثم سمـع صـوتٍ يونّـا
واثرها امّه صابها طلقه و طـار العقـل منّـه
واتهمـوه بذبحـة امّـه ليلـة العيـد و تجنّـا
اتهمته النـاس و صـدوف المقاديـر تهمنّـه
قالوا اخوانه ترى منّـا بمنـك ولا انـت منّـا
يفرق الله بيننا و بينـك عسـى مالـك مظنّـه
لك ثلاث ايام من ذلحين و ارحـل مـن وطنّـا
عقبها تخطر علـى راسـك مضاريـب الاسنّـه
ودّع مريتـه وتـوْ بنتـه صغيـره مـا تحنّـا
توّها ام اربع شهور و فـي لحَمهـا زود لنّـه
ركْب غوجه و انقلـب قبلـه بليـلٍ مـا تونّـا
والحمايا مـن خلافـه ارخـوا حْبـال الاعنّـه
المطايـا و السبايـا مـن خـلافـه عمـدنّـا
والمنايـا سجّـدٍ قــدّام عيـنـه يحتـرنّـه
كل ما عنّز علـى قـومٍ وطـنّ الـراس طنّـا
قالوا اذلـف ذابـح امّـه لعنبونـا لـو نحنّـه
ذابـح امّـه لـو زبنّـا عـدّه انّـه مـا زبنّـا
لعنبـوك بْيـوت قـومٍ ذابـح امّــه زبنـنّـه
الجمالـة مـا تجمّـل فـي ولـد حـرٍّ تدنّـى
ميـر دوّرغيرنـا وانحـش بقلبـك لا نـدنّـه
وانقلب من عندهم كنّـه علـى محمـاس بنّـا
يمّة اهل الغـوص عجـلات الركايـب وجّهنّـه
ركْب بابـور البحـر و دمـوع عينـه يذرفنّـا
فـوق خـدّه كنّـهـنّ اذواد بــدوٍ مرثعـنّـه
يـوم حـلّ الليـل اشرعـة السفينـه دودلنّـا
و الهبايـب مـا يخلّـنْ محبـلٍ مـا دودلنّـه
قام ربّـان السفينـه قـال يـا نـاس امتحنّـا
قوموا ادعوا ربّكم عـلاّم مـا وسـط الاجنّـه
قال شيخٍ منهـم الا عنـدي الـراي iiالمطنّـا
ضحّوا بواحد عسـى الله ينقـذ ايديـنٍ رجنّـه
و طاحت القرعه على اللي ذابح امّه مـا تتنّـى
ثم رموا به فـي ظلمـات البحـور المستكنّـه
و ادبحوا عنّه وهو فـي غبّـة المـوج يتثنّـى
ثم عرض له من وحوش القرش جرجورٍ و صنّه
عضّ جرجور البحر ساقه و صايح و استجنّـا
ابك لولا الله كلاه القـرش مـا يسلـم مطنّـه
وفي ديارٍ من بلاد الهنـد بيـن انـسٍ و جنّـا
من فضل ربي عليه اطـراف الامـواج احذفنّـه
ومثل ما قبل امس متهـومٍ بذبـح امّـه معنّـى
اتهمـوه بذبـح سلطـان البـلاد المطمئـنّـه
و في السجون المظلمه خمسة عشر عامٍ قضنّـا
مع ثلاث مـا قضـنّ الا عقـب حالـه قضنّـه
لا سمع ورقاً تغنّـي جـرّ مسحوبـه و غنّـى
وكلّ مغنىً يزعجه غصـبٍ يجـي تاليـه ونّـه
ولا طرته بْيـوت قـومٍ فـي الخلايـا يرفعنّـا
دار دولاب الدبـا الدالـوب دولابـه و زنّــه
وكل ما برقٍ سرى شرقٍ صدوق الغيـث شنّـا
كن قلبـه فـوق سبـق طيـور بـرٍّ شطرنّـه
عقـب مـدّه جـاه مـن داره نذيـرٍ مرثعـنّـا
قـال انـا جيتـك بعلـمٍ والله انّـه والله انّـه
حرمتك ماتت لها عشـر سنـواتٍ قـد مضنّـا
و البنيّه معمـسٍ تقـرع عليـك قـراع شنّـه
عمّها عزّر بها فـي وسـط بيتـه مـا تهنّـى
خادمـة نسوانـه الثنتيـن و اللـي ضيفـنّـه
ثم زوّجهـا لبـو سبعيـن عـامٍ مـا انقصنّـا
شايبٍ يطرب خفوقـه لا سمـع للقـرش رنّـه
يوم سمْع هْروجهم فاضـت عيونـه و ازحرنّـا
وسط سجنه كنّّه اللي ساكـنٍ لـه فـي مجنّـه
قال يا ربعي افزعوا لي مـن سجـونٍ غيضنّـا
و قبر قلبي الدمدم آغـادي يديكـم iiيظهرنّـه
قالوا انّا وش لنـا انّـا والله انّـا مـا شحنّـا
غير بنتك والاّ مثلـك مـا قربـه بقـرب جنّـه
وانتحـوا وعيـون قايدهـم جنـوبٍ خايلـنّـا
وهو ورا سجنـه عيونـه كـلّ نجـمٍ يخايلنّـه
وعقب عامٍ من مجيْ ربعه و سنٍّ عـضّ سنّـا
اعفوا الكفّار عنّـه مـن عقـب سـودٍ دهنّـه
يوم فكّوا قيـد رجلـه وانطلـق خاطـرْه منّـا
و انفلت يبغى ديـارٍ مـن ورا نجـد اشحننّـه
حثّ ساقه مـا يشـوف الا بنيتـه يـوم قنّـا
من عقب عشرين عامٍ في وطـن قـومٍ مصنّـه
ومن ردى حظه نهار اغضنْ عيونـه و ارقدنّـا
فزّ من نومه عقب عضّه حنـش دابٍ iiبسنّـه
ومن اثر سم الحنش يونس ضلوعـه يطبخنّـا
و طاح عزّي لواحـدٍ سـود الافاعـي طيحنّـه
يوم هـو فكّـر والـى فوقـه نجـومٍ يبرقنّـا
وشاف بكية بنتـه اللـي جـا يبيهـا بينهنّـه
قال يا نجوم السما تكفين روحي صـوب اهلنـا
علّمي بنتي عن اللي صـاب ابوهـا واستسنّـه
اشهد انّا ما بحلنـا فـي الليالـي اشهـد انّـا
مير حظي خانني ثمْ مات مـا بـه مـن يقنّـه
ذاك وجده وجد حالي فـي وطنّـا مـن عطنّـا
من هنوفٍ خدرهـا بيـض الهنـادي يحتمنّـه

ودمتم بخير

اتمنى ان اكون قد كفية ووفية

الفارس · 28-11-07, 06:42 PM

http://upload.9q9q.net/file/896WZVgJ...ccounting.html

الاخت الفاضله : نسيم الشماااااااال

قصة رائعه بروعتك الدائمه ومؤثره

هذه القصيدة بصوت مدعث قالها بروعه