ماذا تريد من المحافظ الجديد ؟ شاركنا وننتظر الرد..!!!!!!!!!!!!!
تركونا من العبارات والأحاديث ، ودعونا نسجل ماذا يدور في خلد من يسكن حفر الباطن
سجل في هذا الموضوع كل آرائك ومقترحاتك التي تطلبها من سعادة المحافظ الجديد
باختصار أرجوكم حتى تصل الفكرة
وسوف نحاول إن شاء الله عرضها على المحافظ
ونسجل رده عليها في هذا المنتدى
ونرجو من جميع الأعضاء المشاركة
ومن المشرف العام تثبيت المشاركة
- المطالبة بإقامة مدينة صناعية للصناعات المتوسطة والخفيفة مثل ما تم عمله في سدير و في مدن كثيرة قادمة بالطريق وذلك لهدف توفير فرص عمل لأهالي المحافظة
-المطالبة بإقامة مطار إقليمي يسير رحلاته لكثير من المدن السعودية وبعض الرحلات الخارجية مثل ما تم عمله في الدوادمي
- المطالبة بإقامة إستاذ رياضي أو مدينة رياضية متكاملة مثل مدينة الأمير عبدالله ببريدة
- المطالبة بإقامة جامعة مستقلة لحفر الباطن مثل جامعة القصيم والطائف
- المطالبة بإقامة مستشفى تخصصي في حفر الباطن مثل المستشفيات التخصصية في كل من بريدة وحائل
- المطالبة من الوزارات والمؤسسات العامة والشركات الكبرى بشكل عام بتطوير فروعها أن وجدت أو إنشاء فروع لها في حفر الباطن و تطوير الهياكل التنظيمية للفروع وزيادة عدد موظيفيها بشكل يتناسب مع حجم محافظة حفر الباطن وتفويض المزيد من الصلاحيات لمدراء الفروع وذلك مثل ما هو حاصل في محافظتي الطائف والأحساء وهذا المزيد من فرص العمل ويساهم في الحد من هجرة أبناء حفرالباطن للمدن الكبيرة للبحث عن فرص عمل
هذا مجرد رأي شخصي مني لأني أرى أن محافظة بحجم حفرالباطن يزيد سكانها عن نصف مليون نسمة يجب أن يتوفر بها ما سبق ذكره على عجاله
الاخ عبدالله اشكرك على طرحك الجميل :
وطرح الاخوان الكثير من المتطلبات المهمه لمحافظة حفر الباطن ولكن اتمنى من المحافظ الجديد المتابعه الدقيقه لجميع مدراء الدوائر الحكوميه وحثهم على انجاز معاملات المواطنين وانهائها بسرعه اسوة ببقية مناطق ومحافظات المملكه مع امنياتنا للمحافظ الجديد بالتوفيق والنجاح لما فيه مصلحة الوطن والمواطن .
نريد الكثير من المحافظ الجديد والله يعينه انشالله
1- تكليف البلديه بالاهتمام بالحدائق الموجوده لان الحدائق اللي عندنا مثل المقابر ولو تدخلها جاك التنك انت وورعانك من الغبار.
2- نريد حث المسؤلين في الدوائر الحكوميه مخافة الله في المواطن وانهم وضعوا لخدمة المواطن فالمعروف عن الدوائر الحكوميه في الحفر ان اللي عنده واسطه يمشي شغله واللي ماعنده واسطه ياكل هوا ويمشي عليه النظام بحذافيره (ويعرفون انفسهم زييييييييييين)حسبنا الله عليهم.
3-نريد فتح نوادي لاحتضان شبابنا اللي قاعدين تحت اللمبات في الليل على خط الرياض وعلى خط الشرقيه واذا تجمعوا جتهم هيئة الأمر بالمعروف وفرقتهم وفضحوا فيهم في المساجد وطفوا اللمبات عنهم (وين تبونهم يروحون).
4- نريد تفعيل السعوده في القطاع الخاص وتشغيل هؤلاء الشباب بدلا من هالأجانب اللي قدروا يسوون (مافيا )داخل بلدنا ولا يغرك اللي موجودين بسوق الخضره والله انهم يشتغلون عند اجانب (بنغالهوهنود) والشاهد البقالات الموجوده بجانب مستوصف نور خان
5-نريد فتح معهد مهني اكبر من اللي عندنا (برتبلات) يستوعب اكبر عدد من هؤلاء الشباب بدلا من اللي قاعد يحصل الآن اللي عنده واسطه يدخل واللي ماعنده يضرب الباب .
6-نريد من المحافظ فتح صندوق في المحافظه ويسميه (صندوق الشكاوي ) والله ليشوف البلاوي الزرقا.
7-نريد تزويد حفر الباطن بالماء الصالح للشرب اسوة بباقي منا طق المملكه ماهو زي اللي حاصل الآن مويه غير صالحه للشرب وبفلوس(جمعتلنا حصى بالكلى) .
8- نريد من المحافظ الجديد متابعة اعمال الجهات الأمنيه والتاكد من انها تقوم بعملها على مايرام ماهو زي اللي حاصل الآن الدوريات تالي الليل نايمين في سياراتهم خلف البيوت ومخلين القرعا ترعى.