لاضاق صدرك ادع ربـك يجيبـك
ولاتشتكـي للنـاس لله شكـواك
ماصار مكتـوبٍ بوقتـه يجيلـك
من خير ولا شـر لآبـد ينصـاك
أصبر على ماجاك وأرفع يدينـك
وأطلب من الرحمن يالله رجـواك
وأياك ثـم ايـاك تدمـع بعينـك
والله دمع العين ماهـوب بـدواك
خلك صبور بوقت شـده تصيبـك
وخل العزم في حالة الضيق مبداك
والرزق عند اللي خلقنـا وكيلـك
اموزع الأرزاق يعطـي ويرعـاك
واللي عليك مسح عارق جبينـك
يعني على ماقيل تسعى بيمنـاك
ولاجاك رزقك أشكـر الله يزيـدك
وحذراك تتكبر إلى منّـه أعطـاك
ترى التواضع من تعاليـم دينـك
واللي تواضع يرفعه رب الأمـلاك
هذي نصيحه من مجـرب يبيلـك
خير ٍ يدوم ومسلك العز بخطـاك
صح لسااانك يامطول الغيبات