السلام عليكم ورحمة الله وبركاته
نقلت لكم قصيدة عصماء للشاعر الإعلامي المعروف فايز بن دمخ قيلت اثناء إفتتاح برنامج شاعر العرب
لدورته الثانية انذاك اتمنى تنال إعجابكم :
ياالحاكم العادل خطتك المشاهيب _ وحماك ربي من صواديف الاسباب
للناس في حكمك ونفسك مطاليب _ لو يتركون ابما بغو صارت انشاب
للحكم هيبة ماتخلى مع الطيب _ للطيب سيفٍ يقطع الراس لا عاب
مايستشار اللي بقلبه دغاليب _ مايستشار الا عريبين الانساب
اللي ليا صكت عليك الكواليب _ لقيتهم في ساعةٍ مالها حساب
الصبر زين ولا تعدى غدى عيب _ يطمع به الجاهل ويامن به الداب
والحلم يخطي بعض الاحيان ويصيب _ بعض المواقف حلها قطع الارقاب
والعدل مايبنى على غير تهذيب _ ولا تستقيم الناس وابليس ماغاب
للظلم في بعض الخلايق عذاريب _ وفي بعضها واجب اليا صارت احزاب
وترى الكرم له حزة بالمواجيب _ تمحى به عيوبٍ وتكسب اصحاب
وترى القرايب وان بدى فيها العيب _ يحشم خطاهم عن شواميت واغراب
واليا تكرر عيبهم يحشم الشيب _ لو ان سيف الحكم مايعرف اقراب
للناس بالدنيا ضيوف ومعازيب _ ولاشك عند الله مفاتيح الابواب
والطيب يحضر بعض الاحيان ويغيب _ والطيب اللي كل ماتندبه طاب
والعلم يحتاج بسماء الوقت ترتيب _ ولا كل عالم له مواقيف وأداب
ولاكل علمٍ في سجالته مصيب _ بعض الوقايع مالها علم بكتاب
قلته وانا ماني كثير التجاريب _ لاشك قلته من تجاريب شياب
والغيب عند اللي ملك حكمة الغيب . ولاتستوي النظرات بعيون وألباب
ذي نظرتي من دون شكٍ ولا ريب . ولاشك للتاريخ دفتر وكتاب
دمتم بخير
العرض الشجري