قصيده جديده اتمنى ان ترضي اذواقكم============================
[poem=font="Traditional Arabic,5,darkblue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ياصاحبي لاعاد تنشد عن سبب بغض القلـوب=الناس في هذاالزمـن كـل مضيـع طاستـه!
كـل يدورمصلحـة نفسـه ولوكـان مغلـوب=يبي السعاده مـادرى انـه يشتـري تعاستـه!
المال غيرثوب ناس وراح لبـس نـاس ثـوب=غير تضاريس الطبايع مـن سبـب سياستـه
بالوقت هـذا مايعيـش الا المنافـق والكـذوب=وراع البلاسـه تدفعـه يـم الـردى طفاستـه
كل المصايب من سبب كثرالخطايـا والذنـوب=والنجـس فـي قلبـه تبيـن للبشـر نجاستـه
صارت مفاهيم الخيانه شئ عـادي ومحسـوب=والشـك وارد والحريـص تضيعـه حراستـه
كـل السلـوم اللـي تعلمنـا تقفتهـا الهبـوب=ماضي جميل وجت سلوم بهالزمـان وحاستـه
الله واكبر يازمان فـات فـي عهـد الشعـوب=كان الولد يتعب شبابـه فـي سبيـل فراستـه
كانت شقا!كانت جهل! كانت صراعات وحروب=لكن بعد كانت نوايا الرجـل اسـاس دراستـه
كان الكرم -والطيب -وركاب المراجل ماتتوب=تحفي قدمه اوالطريـق اللـي تعشقـه داستـه
واليوم نمشي في دروب غيرعن كل الـدروب=كل يدور في حياتـه عـن سبـب وناستـه!!
هذازمان كل زينـه شيـن وعيوبـه عيـوب=الطفـل مايقدريـحـل الـواجـب بكراسـتـه
وشلون تنشد عادعن سود النوايـا والقلـوب؟!!
برق تخيله جـوا يشيلـون الظمـاء عساستـه
[/poem]
العرض العادي
