السلام عليكم جزاكم الله خير أنا في بريدة وجديدة وأبي أعرف الأسواق الي ممكن أروح لها ولاتكون غاليه أبي مكانات سعرها معقول تكفون ياما نخيتكم..
وعليكم السلام ورحمة الله وبركـآته ... عندك سـتي مـآكس الاسعـآر حلوه والبضـآيع بعد هذا الي أعرفـه وأعذريني ع القصـور لك تقديري
خساره كان ودي اساعدك بس ماعرف شي بريده تقبلي مروري بس ابي اسالك عشان طلبتي فزعتنا
الله يعينك علا ساكنه بريده يقولون ماعندهم اسواق
انتي في بريدة خيتي ادخلي منتديات القصيم وبريدة يفيدونك اما نحنا والله مانعرف شي عن بريدة الله يعينك كان ودي اساعدك
عندك قبة رشيد هذه وسط بريدة وهي السوق الرئيسي وفيه كل شئ تبينه من ملابس واواني منزلية وغيرها وعندك الصفراء ماهي بعيده عن قبة رشيد بعد فيها كل شئ واذا تبين الماركات عندك النخيل بلازا و العثيم مول وفيه محل كبير اسمه الحسون << هذا مشهور ببريدة والكل يعرفة ولهم محل ثاني في قبة رشيد اشهر من نار على علم
اهلين اختي بحكم خبرتي بالقصيم عندك الاسواق التالية وطبعا بريدة خاصة والقصيم عامه مليانه بالاسوق الحلوه والجميله اللي تخلي الواحد يضرب مشوار يشري منها ،،،،، 1ـ الحسون سنتر. 2ـ مبارك ستي. 3ـ مجمع النخيل بلازا. 4ـ العثيم مول. 5ـ عندك سوق الوشاح (( طبعا نسائي خالص لايوجد لجنس الرجال طاري في هالسوق)). 6ـ قبة رشيد (( طبعا اسمه ببريده كذا )) ** عاد انتي كل يوم روحي للمحل وشوفي الاسعار اللي تعجبك اتمنى اكون عطيتك معلومات تفيدك ,,,