F
قصيدة بمناسبة فوز / عقاب بن راكان السويط في الانتخابات البلدية
بديت باسم الله قبل كل منطوق
منشى سحايبها وبأمره مطرها
الله ولا غيره له الأمر موثوق
سبحانه المعبود مجري نهرها
قال العريفي والقوافي لها طروق
زين المعاني جابها من بحرها
هاض وتهيض والمشاعر لها سوق
لعقاب بن راكان نقطف زهرها
مبروك فوزك يا نسل طيّب الذوق
يا نسل عود ٍ سمعته ما خسرها
أبو سلامه للمعالي رقا فوق
عساه بالفردوس يجني ثمرها
باسم الظفير اليوم سجلت طاروق
للابة اللي عزها ما عسرها
يوم الفعايل إلبسو لابتي طوق
بالفعل والناموس يسطع قمرها
يحق لنا لو ترتفع روسنا فوق
بفعايل ٍ صعبه على من خبرها
وأنا احمد الله لابتي مالها عوق
مذكورة ٍ بالخير كل ٍ ذكرها
بلا إقصور بغيرنا بكل ملحوق
كل القبايل ربعنا وانخبرها
اللي وقفو معنا لهم حق وحقوق
في موقف ٍ يثني عقاب وشكرها
شمر وشمر منبع الجود والذوق
شمر سناعيس العرب من سطرها
ومطير كله خير أهل شمخ النوق
حمر النواظر لا تقادح شررها
وعيال وايل للهوايل لهم شوق
نخوة بني عناز كل ٍ خبرها
وفعل الحروب بصوب والقول ماثوق
عز الخوي وعز منهو نحرها
ولانسى الفضول اللي لنا فيهم عموق
طوال الأيمان مناصرت من نصرها
وفعل السهول اليوم لاحت لي بروق
لطامة العايل ومزبن خطرها
وبني رشيد بمدحهم جبت طاروق
طيور الحرار وحي منهو صقرها
ومدح بني خالد يبي يطرب الشوق
عيون ٍ تساهرهم يطول سهرها
وسبيع هدتها كما النور مشعوق
محوص الرجال اللي تعدد إسيرها
واثني على برقا وابشكر بعد روق
تكفيك عتيبه عن صوادف دهرها
واخوات سعدا بالمراجل لهم لوق
يتلون ابن شنوف بأمره ومرها
والنعم بالباقين والنعم ملحوق
بالبدو واللي بالحفر من حضرها
لاشك أنا لي كلمة بخير مسيوق
أخص بها ظفرا وانا بختصرها
كل ٍ وله ديره وكل ٍ له إعروق
كل القبايل عزها في إديرها
وحنا خذينا بالحفر صوت مطبوق
وهذا الفخر ياللي تدور فخرها
وللمجلس القادم نبي خمس بوثوق
ما هي صعيبه لا تحدتو بحفرها
شوفوا الأقوى بينكم والسعد فوق
اختاروا الخمسه يتعدى خطرها
وان ما اتحدتوا برايكم جاكم العوق
ضعتو وضاعت هالكراسي بثرها
وختامها ما تطلع الشمس بشروق
على النبي صلـّيت سيـّد بشرها
شــعـــر / الـحــلـــو بن مشهي العريفـــي الظفيـري
المواضيع المتشابهه
العرض العادي
